Sjálfgefin syndaaflausn

Hver man ekki þegar Bjarni Ármannsson bankagúrú veitti sjálfum sér skuldaaflausn og sagði að það væri fullkomlega ábyrgðalaust af honum, greiddi hann skuldir sínar.

Núna hefur Sigmundur Davíð Gunnlaugsson forsætisráðherra leitað í smiðju Bjarna og veitt sjálfum sér syndaaflausn, með þeim rökum að það hefði verið fullkomlega óeðlilegt og ábyrgðalaust af honum, hefði hann sagt sannleikann og komið fram af heiðarleika og hreinskilni.

Menn geta rétt ímyndað sér stóryrðin og lætin í Sigmundi núna, snérist þetta sérhagsmunamál og siðleysi forsætisráðherrans ekki um hann og hans maka heldur Jóhönnu Sigurðardóttur og hennar maka.

 

Kvíðir ekki vantrauststillögu

Athugasemdir

[Wilhelm Emilsson, 28.3.2016 kl. 01:21]

Og sum aflandsfélög eru jafnari en önnur.

[Wilhelm Emilsson, 28.3.2016 kl. 01:22]

En við erum náttúrulega að snúa öllu á haus :)

[Axel Jóhann Hallgrímsson, 28.3.2016 kl. 07:06]

Ef hagsmunatengsl Sigmundar komu þjóðinni ekki við þegar þau skiptu hvað mestu máli fyrir hann fjárhagslega, hvað kemur þjóðinni þá málið við núna?

Af hverju stendur Sigmundur í þessum samræðum við sjálfan sig um eitthvað sem aldrei skipti neinu máli?

[Wilhelm Emilsson, 29.3.2016 kl. 00:28]

Hugsanleg skýring er eftirfarandi, og ég vitna í grein Sigmundar Davíðs „Fyrsti mánuður loftárása":

Það er ógnun við lýðræði ef rökræða fær ekki að eiga sér stað, ef ákveðið er frá byrjun að aðeins annar málstaðurinn sé réttur og allt sem styður við þá mynd fær greiða leið i gegn en önnur sjónarmið hverfa.

Sigmundur hefur rökrætt málið við sjálfan sig og komist að gagnmerkri niðurstöðu. Lýðræðið er öruggt, þangaði til það viðrar næst vel til loftárása.