Góði gamli Villi.

 „Hvað mig varðar er opið hver tekur við embætti borgarstjóra af hálfu Sjálfstæðisflokksins í mars 2009. Borgarstjórnarflokkurinn mun ákveða borgarstjóraefnið í sameiningu þegar nær dregur.“ Segir Villi.

Hvað hefur breyst, hefur einhverri óvissu verið eytt eins og Geir formaður lagði ríka áherslu á að gert yrði? Menn sögðu fyrir helgi að nú yrði að taka af skarið.

Hefur það verið gert?

Villi gælir greinilega enn við það að verða borgarstjóri aftur og samkvæmt yfirlýsingu borgarstjórnaflokksins þá er það galopið.

Og allir lýsa yfir fullum stuðningi við Villa og yfirlýsingu hans.

Ég sé fyrir mér liðið brosandi út að eyrum í sjónvarpinu í kvöld, allir yfir sig hamingjusamir yfir þessum Salamóns úrskurði. Skyldi Geir vera sáttur?

Full samstaða er um að taka ekki á vandanum, óbreytt ásand. Þvílík lausn.

Ákvörðun síðar um borgarstjóra

Athugasemdir

[Kári S. Lárusson (IP-tala skráð) 24.2.2008 kl. 19:12]

Axel nú er mér öllum lokið,

Þetta er svo hallærisleg niðurstaða að ég dauðskammast mín fyrir svona lið. Þetta fólk virðist vera gjörsamlega ófært um að taka á svona máli. Getuleysið er algert og kjarkurinn úti í móa. Þetta er bara frestun á vandanum og ávísun á enn meira klúður sem mun valda flokknum enn meira tjóni.

Kveðja,

Kári  

[Axel Jóhann Hallgrímsson, 24.2.2008 kl. 21:00]

Sæll Kári.

Já þetta er nú meiri grauturinn. En Geir sagðist sáttur í þættinum Mannamál. Ég hálf vorkenndi honum, hann var greinilega að tala þvert um hug sér og honum leið greinilega ekki vel með það.

Kveðja,

Axel