Hannes Hólmsteinn fellur á forskólaprófi

Hannes Hólmsteinn var bljúgur í Kastljósi fyrir nokkrum dögum. Sýndi iðrun og komst í gegnum heilt viðtal án þess að svívirða eða niðurlægja nokkurn mann.  Ég átti samtal við kunningja minn stuttu eftir þessi umskipti Hannesar. Kunningi minn sagði þetta minna á söguna um „Umskiptinginn 18 barna föður úr álfheimum“. Sá sætti flengingu uns hann sá að sér og iðraðist. Sá gat bætt fyrir brot sitt ólíkt Hannesi.

Við kunningjarnir vorum sammála um að Hannes myndi rífa sig úr þessu nýja hugarástandi sínu og ná vopnum sínum á ný, annað væri óhjákvæmilegt. Það væri ekki í eðli dýrsins að sitja lengi á grein og látast vera söngfugl. Ég taldi að Hannes héldi út í tvo til þrjá mánuði en kunningi minn sagði að hann yrði sprunginn eftir hálfan mánuð. Hann vildi  leggja koníaksflösku undir en það vildi ég ekki þar sem ég var ekki alveg sannfærður  um mína fullyrðingu. Sem betur fer,  því ég hefði tapað, Hannes er kominn á skrið á ný.

Hann var í síðdegis útvarpinu á rás2  í dag, sjálfum sér líkur. Þar óð á mínum manni og honum var mikið niðri fyrir.  Umfjöllunaratriðið var  Al Gore og umhverfisbarátta hans og sú  hætta sem stafaði af hlýnun jarðar. Auðvitað rann Hannesi blóðið til skyldunnar og tók  málstað skoðanabróður síns Bush.  Því Hannesi finnst slæmur málstaður betri en enginn.

Í málflutningi sínum staðhæfði Hannes að ekkert benti til hækkunar á yfirborði sjávar samkvæmt hlýnunarkenningunni. Yfirborð sjávar væri ekki alstaðar það sama, það væri að „hækka sumstaðar en lækka annarstaðar“  vegna lögunar Jarðar. Gott dæmi um þetta væri „Panamaskurðurinn, þar væri hafið í mismunandi hæð“.

Halló, halló, halló er þetta prófessor við Háskóla Íslands, sem segir svona?

Eru virkilega ekki gerðar þær kröfur til prófessora við Háskólans að þeir hafi snefil af þekkingu  umfram forskólabörn?

En hvað sem því líður þá er „Hannes“  aftur orðin Hannes.

Öfgarnar aukast segir Al Gore

Athugasemdir

[Kári S. Lárusson (IP-tala skráð) 8.4.2008 kl. 22:23]

Sæll Axel,

Þetta minnir mig á mann nokkurn á Skagaströnd sem hélt því fram að sjórinn væri miklu hærri út við Réttarholt, en á hafnarsvæðinu.

"Ja djúpt hlítur þá að vera orðið út hjá Háagerði" svaraði Jakob bóndi á Árbakka, sem þarna var viðstaddur.

Hinsvegar legg ég engan dóm á þessa "vizku" Hannesar . Það er margt skrítið í kýrhausnum og líka í náttúrunni. Hannes er að mínu mati með greindari mönnum og oft bráðskemmtilegur.

Um hvaða svívirðingar og niðurlægingar ertu að tala? Man ekki eftir neinu í þeim dúr hjá Hannesi. Hann fer hinsvegar stundum yfir á hundavaði í umræðunni.

Eða eins og segir í frægri vísu um Guðlaugsstaðakynið:

Með óstöðvandi orðadyn

öslar á hundavaði

Þetta fræga kjaftakyn

kennt við Guðlaugsstaði. 

Kveðja,

Kári Lár. 

[Gulli litli, 9.4.2008 kl. 12:13]

Mér leiðast Hannesar!

[Gulli litli, 10.4.2008 kl. 15:31]

Mér leiðast líka Hólmsteinar!

[Ingibjörg Axelma Axelsdóttir (IP-tala skráð) 10.4.2008 kl. 16:35]

Eru það litningarnir?

[Axel Jóhann Hallgrímsson, 11.4.2008 kl. 09:02]

Sæl og takk fyrir innlitið.

Kári, Hannes hefur ekki haft það fyrir sið fram að þessu að tala af neinni kurteisi og nærgætni  um menn og málefni sem  honum eru ekki að skapi.

Gulli, sammála, sammála.

Ingibjörg, ætli það séu ekki kvenfyrirlitningarnir.

Erlingur, ég veit ekki um hvað málið snérist, sem þú vísar til þannig að ég á ekki gott með að leggja á það mat.

En ég meðtek ekki alveg rök rektors að liðin hafi verið of langur tími frá brotinu, til að veita Hannesi áminningu hvað þá harðari aðgerðum. Var ekki nýbúið að kveða upp hæstaréttardóminn? Ekki var liðin of langur tími fyrir dóminn og var háskólinn ekki að bíða eftir honum?