Gömul og þvæld tugga.

Tímabundið ástand segir Geir um stöðu krónunnar. Þegar hann talar um tímabundið er nauðsynlegt að vita hvað Geir hugsar í löngum tímabilum.

Hugsar hann í klukkutímum, dögum, vikum, mánuðum, árum eða öldum. Ef um er að ræða ár eða aldir er óhætt að flokka þetta sem tímabundið.

En Geir segir svo að ómögulegt sé að segja til um hvenær markaðir jafni sig. Hvernig getur hann þá sagt að þetta sé tímabundið, nema hann hugsi í öldum.

Geir sagði botninum náð fyrr á árinu, samt er enn allt í frjálsu falli. Þetta minnir á manninn sem sagði "að ekki væri eftir neinu að bíða, en bíðum samt aðeins."

Nauðsynlegt er að ríkisstjórnin bregðist strax við, knýi fram vaxtalækkun og blási í glæður atvinnulífsins til að örva það og stöðva fallið áður en í frekara óefni er komið.

Eða ætlar ríkisstjórnin að trúa áfram á aðgerðarleysið og stinga höfðinu dýpra í sandinn. Getur almenningur stungið höfðinu í sandinn, gripið til aðgerðaleysis varðandi greiðslu á síhækkandi greiðsluseðlum, sem ekki hætta að berast, ekki einu sinni tímabundið.  

Staða krónunnar tímabundin

Athugasemdir

[Steinar (IP-tala skráð) 18.9.2008 kl. 20:13]

Ertu gedveikur ?

AÐ lækka stýrivexti áður en verðbólgan tekur við sér?, gætum eins hoppað fram af kletti

[Axel Jóhann Hallgrímsson, 18.9.2008 kl. 20:34]

"..... áður en verðbólgan tekur við sér?"

Áttu von á frekara "verðbólguskot" eins og gjarna er sagt þessa dagana.

Ef þessi skoðun gerir mig geðveikann  þá fylli ég stóran hóp manna, úr atvinnulífinu, hagfræðinga, forystumenn verkalýðsfélaga og fl. sem hafa ýmislegt við vaxtastefnu Davíðs---oh fyrirgefið, seðlabankans--, að athuga.

Svo ættirðu að skrifa undir fullu nafni ef þú ætlar að kalla menn nöfnum, eða skortir kjarkinn?