Vinir okkar Færeyingar

Færeyingar hafa sýnt það og sannað gegnum tíðina að þeir hafa stórt hjarta og eru ekki bara vinir okkar þegar vel gengur. Þeir voru t.d. eina þjóðin sem studdi okkur í verki í Þorskastríðunum.

Því miður finnst mér hafa borið á þeirri tilhneigingu meðal Íslendinga  að líta niður á Færeyinga, rétt eins og hjá hinum Norðurlöndunum að líta niður á okkur. Hvorugt á rétt á sér og í samskiptum okkar og þeirra finnst mér heldur halla á okkur. 

Íslenska þjóðin er varnarlítil og berskjölduð í því umróti sem skekur heiminn og liggur vel við höggi þessa dagana. Við munum sjá á næstu vikum og mánuðum hverjir eru vinir og hverjir ekki.

Góðar og hlýjar kveðjur hafa borist frá Færeyjum og móralskur stuðningur.

Takk kæru vinir.

 

Vinarkveðja frá Færeyjum

Athugasemdir

[Axel Jóhann Hallgrímsson, 10.10.2008 kl. 08:12]

Júlíus, takk fyrir innlitið.

Ég hélt að það ætti að vera öllum ljóst  eftir atburði síðustu daga.

Það er deginum ljósara að við erum í erfiðri og þröngri stöðu. Og þar aðleiðandi varnarlitlir og liggjum vel við höggi ef að okkur verður sótt.

Gordon Brown ákvað vegna erfiðleika heima fyrir að slá pólitískar keilur af því við lágum sérlega vel við höggi.

[Axel Jóhann Hallgrímsson, 10.10.2008 kl. 08:34]

Þetta er skólabókadæmi, hvernig ekki á að vinna málin. Þetta er búið að valda ómældum skaða. Það hefur verið fullyrt að þetta hafi velt Kaupþingi.

Ég sá á netinu í morgun að pundið hafi falli vegna þessa. Menn eiga auðvitað að leysa svona mál á bakvið tjöldin, ekki í fjölmiðlum. Vandinn er ærinn fyrir þótt menn auki ekki á hann með einhverjum sandkassaleik.

Það er erfitt að vinna sig út úr svona bulli.