Skór .45 Magnum

Skókastarinn Muntadhar al-Zeidi er orðin þjóðhetja. Það er hreint ekki undarlegt, því Bush er holdgerfingur þess illa í hugum velflestra Íraka. Ekki að undra, Bandaríkjamenn hafa klúðrað öllu sem hægt var að klúðra í Írak.

Í samskiptum við framandi menningarheima falla Bandaríkjamenn aftur og aftur á prófinu og alltaf á því sama. Þeim er fyrirmunað að sjá hlutina út frá öðru sjónarhorni en þeirra eigin, sem er ekki beinlínis víðsýnt og frjálslynt þegar á reynir.

Þeir  vaða yfir allt og alla á skítugum skónum og bandarískum gildum er troðið upp á menn nauðuga viljuga.

Það verður fróðlegt að sjá hvernig  mál al-Zeidi verður höndlað, eftir Írönskum lögum eða Bandarískum þar sem árás á forseta Bandaríkjanna er mega glæpur, og gildir einu þótt viðkomandi teljist heiladauður.

Skókastarinn orðinn þjóðhetja

Athugasemdir

[Sigurbjörn Friðriksson, 16.12.2008 kl. 12:09]

Gott innlegg Axel Jóhann.  Það er ótrúlegt hvað þessi þjóð BNA hafa klúðrað því að hafa verið forystuþjóð í hinum frjálsa heimi, að losna við ofurvald Nazista Þýskalands og Fasista Ítalíu í seinni heimstyrjöldinni, Kommúnismann (sem að vísu eyddu sjálfum sér innanfrá) í Austur-Evrópu.  Nú eru BNA menn rúnir trausti og velvilja og mæta tortryggni hvar sem er.

Þeir hafa sýnt það að það ofurvald sem komst óverðugt í hendur þeirra við það að kommúnisminn féll, er of öflugt afl fyrir þá að geta höndlað.  Þeir kunna ekki með vald að fara.

Kveðja, Björn bóndi