Ljáið okkur eyra

Er allt að fara í bál og brand á Austurvelli? Ástandið virðist svo viðkvæmt að lítið sem ekkert þarf til að uppúr sjóði.

 Hvað þarf margar svona uppákomur svo Geir og Solla veiti því eftirtekt?

 Þarf að bíða þess að eitthvað alvarlegt gerist áður en stjórnvöld hætta að mæta sanngjörnum kröfum landsmanna með hroka og stærilæti og  láta svo lítið að ljá lýðnum eyra?

Ástandið á bara eftir að versna, getur ekki annað meðan ekki fæst annað frá Geir og Sollu en fingurinn og jafnvel ofbeldisandstæðingurinn ég,  er farinn að endurmeta þá afstöðu.

Svæði við þinghúsið rýmt

Athugasemdir

[Ingibjörg Axelma (IP-tala skráð) 20.1.2009 kl. 14:39]

Helvítis fokking fokk!

[Axel Jóhann Hallgrímsson, 20.1.2009 kl. 14:48]

Já einmitt, ég var að segja það.

[Anna Svavarsdóttir, 20.1.2009 kl. 15:01]

Sæll Axel

Nei ég gat ekki séð það.  Ég sá fólk á öllu aldri hafa hátt.  Það er alltof sumt.

[Ingibjörg Axelma (IP-tala skráð) 20.1.2009 kl. 23:28]

Vegna þess að þarna ertu að nota eigin rök á móti þér.

Það er stór munur á því að mótmæla löggjafavaldinu þar sem það hefur aðsetur, heldur en að brjóta gegn friðhelgi einkalífssins. Fyrir utan hús stjórnarmanna eru þeir ekki bara að trufla þá, heldur fjölskyldu þeirra sem ekkert hefur gert og jafnvel nágranna.

 Ástæða þess að mótmælin hafa ekki borið árangur er ekki sú að það hefur ekki verið gert almennilega, heldur vegna þess að ekkert mark hefur verið tekið á þeim, vega hreinnar spillingar sem hefur tekið sér sess í íslenskum stjórnarstöðum.

 Það eru öfgar allsstaðar, og þegar friðsæl mótmæli eiga sér stað þarf ekki nema eina manneskju til að eyðileggja allt og setja allt í bál og brand.  Hugmyndin á bakvið mótmælin í dag voru hreinast sagt algjör snilld, enda fór það ekki framhjá neinum sem sat inni á Alþingi hvað var um að vera. En eins og ég sagði, þá þarf ekki nema einn sauð. Þegar einn lemming hleypur af kletti, þá elta hinir.

 Spurning um að standa bara sína plikt, mæta með skilti og mótmæla, og vera til fyrirmyndar. ;)

[Axel Jóhann Hallgrímsson, 21.1.2009 kl. 06:09]

Halló, halló, endum þetta ekki í fjölskyldudeilu.

Þegar málið er skoðað eftir á frá víðara sjónhorni en boðið var uppá í gegnum myndavélarnar í beinni útsendingu, þá lítur út fyrir að lögreglan hafi staðið fyrir mesta ofbeldinu, algerlega að ástæðulausu.

Tel að aðgerð dagsins sé á heildina litið velheppnuð og algerlega nauðsynleg. Byrjun á einhverju nýju, enda þörf á, mælirinn er fullur. Svo illa er hægt að kreppa að friðsamasta fólki að það bíti frá sér.

[Ingibjörg Axelma (IP-tala skráð) 21.1.2009 kl. 06:56]

"Hvernig væri nú bara ef fólk hætti að safnast saman á Austurvelli og færi að safnast saman fyrir utan heimili stjórnarmanna og vera með læti þar fyrir utan í svona viku, jafnvel á nóttunni, ég er viss um að þegar draumablundurinn raskast fara hlutirnir að snúast í aðra átt."

Þetta er það sem ég átti við. :)