Hvað er næst, þvottur á snúrum í þingsölum?

Sumum finnst sú skoðun mín eflaust  gamaldags að þjóðþing sem og flestir vinnustaðir séu ekki heppilegir til barnagæslu, hvorki í Ástralíu eða annarstaðar og þá ekki hvað síst með hagsmuni barnsins í huga.

Aumingja konunni finnst greinilega niðurlægjandi að nota dagheimili þingsins, sem mun, ef mér skjátlast ekki því meir, hafa verið sett á laggirnar til að mæður með ung börn gætu sinnt þingstörfum.

Hvað er næst, þvottur á snúrum í þingsölum?

Ef þessi kona væri flugmaður, ætli henni fyndist niðurlægjandi að fá ekki að hossa barninu á hnjánum í vinnunni?

 

Ástralska þingið ekki barnvænt

Athugasemdir

[Ólafur Björn Ólafsson, 19.6.2009 kl. 23:37]

Get ekki séð neitt að því að taka barnið sitt með í vinnuna, allavega svo lengi sem vinnan býður uppá að það sé hægt.

Ég vinn á gröfu og þar af leiðandi er erfitt að hafa barnið með, en ef ég væri á vörubíl gæti ég það.

Barnið mitt hefur reyndar fengið að sitja í fanginu á mér í gröfunni og mokað á nokkra bíla....

Hún hafði gaman að því að moka á fyrstu þrjá en svo var þetta orðinn langur tími :)

Svo hefur hún fengið að koma með mér á fundi og fleira hjá minni björgunarsveit og hefur hún mjög gaman að því ásamt börnum annarra björgunarmanna. Hún kom til dæmis með mér á Sjóarann síkáta þar sem ég var með bíl á sýningu björgunartækja.

Mörkin eru reyndar dregin þar við útköll, en þá koma börnin ekki með af skiljanlegum ástæðum.

Tel ég að börn hafi gott af því að kynnast störfum foreldra sinna þannig að ég verð að viðurkenna að ég er ósammála þessum "gamaldags" viðhorfum hjá þér.

Kveðja

Kaldi (sem bjó einusinni á Skagaströnd 1985-1986 en er í Keflavík núna)

[Axel Jóhann Hallgrímsson, 19.6.2009 kl. 23:56]

Ég sýnist að við séum sammála um það Kaldi að það gangi ekki almennt að ungabörn séu með í vinnuni nema vinnan bjóði beinlínis upp á það eða annars í verulega einangruðum tilfellum og að þá sé til skjórvirk varaáætlun.

Þú bjóst á Skagaströnd '86-'87, segir þú. Ég kem þér ekki fyrir mig af myndinni, hvað starfaðir þú og hvar áttirðu heima? Áttir þú skyldmenni þar þá, eða jafnvel núna?

[Axel Jóhann Hallgrímsson, 19.6.2009 kl. 23:57]

Mér sýnist..... átti þetta að vera

[Ólafur Björn Ólafsson, 20.6.2009 kl. 18:47]

Ég var 12 ára þegar ég bjó á Skagaströnd.

Bjó í Bankastræti 3.

Á engin skyldmenni þar núna að ég held en hann löggimann Þór er víst skyldur mér, skylst að hann hafi svo verið fluttur til Blönduóss. ég hafði lítil samskipti við hann og hef ekki enn mikil samskipti við hann.

Frá Skagaströnd flutti ég í Skagafjörðinn (Hjaltadal) og var þar í eitt ár líka áður en ég flutti til Grundarfjarðar sem er minn heimabær þó ég búi í Keflavík.

Svona til glöggvunar þá var einn af mínum eldri bræðrum að vinna til sjós á Skagaströnd en hann heitir Frank, ef það hringir einhverjum bjöllum. Svo þekki ég víst Kolbein Sigurðsson og bróðir hans Magga ásamt því að ég var í sama bekk og systir þeirra Hugrún.

Kveðja

Kaldi