Hvað gæti hugsanlega verið verra en það er nú þegar?

Það hefur ekki verið nokkur skortur á slæmum fréttum um bankahrunið og öllu því tengdu. Nú boðar Rannsóknarnefnd  Alþingis að það verði ekki neitt fagnaðarerindi  sem hún muni opinbera 1. nóv n.k.

Hvað geta hugsanlega verið verri fréttir en þegar eru uppi?

Það er í raun aðeins eitt sem getur valdið áfalli. Það er að nefndin komist að þeirri niðurstöðu að bankarnir og eigendur þeirra hefðu ekkert gert sem ámælisvert gæti talist, lögum, reglum og siðferði hafi verið fylgt í hvívetna. Fjármálastjórn og útlánastefna bankana hafi verið aðdáunarverð fyrir framúrskarandi fagmennsku og heiðarleika.

Að pólitískt og lagalegt umhverfi bankanna hafi verið gallalaust og vel ígrundað. Spilling fyrirfyndist hreinlega ekki hjá nokkrum kjafti. Ekki á Íslandi hinu góða.

Að allir sem að hruninu komu hafi á öllum tímum ætíð borið hag Íslands ofar sínum persónulegu hagsmunum.

Þetta væru verri fréttir en þegar eru uppi.

Þjóðin verður bara að sætta sig við að þetta hafi hún átt skilið.

Verri fréttir en nokkur nefnd hefur þurft að færa

Athugasemdir

[Finnur Bárðarson, 8.8.2009 kl. 19:53]

Sem sagt ófyrirsjáanlegar náttúruhamfarir sem enginn gat ráðið við eða séð fyrir. Case Closed.

[hilmar jónsson, 8.8.2009 kl. 20:07]

Axel minn: Trúðu mér, you ain't seen nothing YET...

[Axel Jóhann Hallgrímsson, 8.8.2009 kl. 20:32]

Það er engin ástæða til bjartsýni, sýnist mér.

[merkúr (IP-tala skráð) 9.8.2009 kl. 00:14]

Spurning hvort sett verður útflutnings bann á þjóðina, það er jú það skelfilegasta að við flýjum land og engin verið eftir til að borga skuldir víkingana.

[Axel Jóhann Hallgrímsson, 9.8.2009 kl. 00:32]

merkúr, það kom sterklega til álita á árum áður þegar harðindi voru að flytja alla Íslendinga á Jósku heiðarnar. Spurning er hvort það sé "endu en mulighed?"

[valdi (IP-tala skráð) 9.8.2009 kl. 07:23]

Gangi þeim vel að setja útflutnings bann á þjóðina :) þá fáum við að sjá aftökur á íslandi á ný.

Sem og ef ekki er hægt að frysta eignir og hirða fjármuni sem ''víkingarnir'' hafa komið undan verða einnig einhverjar aftökur framkvæmdar af æstum múg.

[Axel Jóhann Hallgrímsson, 9.8.2009 kl. 10:48]

Valdi þetta hefur svolítið Framsóknaryfirbragð, galopið í báða enda og rifið eftir endilöngu, allt getur gerst.