Gerðu það Sigurður, komdu heim, gerðu það vertu memm!

Það er deginum ljósara að á Íslandi búa tvær þjóðir, A þjóðin og B þjóðin. Þegar B maður er handtekinn er hann settur í járn og ekki fluttur milli húsa, úr varðhaldi í dómstóla eða annað, nema í járnum.

Nú bregður svo við að ekki verður lengur hjá því komist að handtaka A menn og á þá eru ekki notuð járn, þeir valsa lausir og á eftir tölta hlédrægir gæslumenn rétt eins og þeir væru lífverðir en ekki fangaverðir.

Þurfi saksóknari að ná B manni heim, erlendis frá,  er allt kerfið sett í gang, erlendis sem innanlands og menn sendir utan til að sækja viðkomandi. 

En þannig er ekki farið með A manninn Sigurð Einarsson, sem sinnir ekki boðun. Nei saksóknarinn fer í eigin persónu utan til að freista þess að ná augnsambandi  við Sigga til að fá hann til að koma heim með góðu.  

Menn geta svo spurt sig hvort líklegt væri að saksóknari færi í eigin persónu utan til að ná B manni heim.

DV: Freistar þess að ræða við Sigurð

Athugasemdir

[Ingibjörg Axelma Axelsdóttir, 10.5.2010 kl. 16:15]

Hann er saksóknari á daginn...

En ofurhetja á nóttunni..!

Já, eða handrukkari.

[Hamarinn, 10.5.2010 kl. 16:21]

Það þyrfti að senda menn utan með ísbjarnarbúrið til að ná í kvikindið.

[Finnur Bárðarson, 10.5.2010 kl. 18:41]

Mér hugnast búrið sem Hamarinn nefnir og að sjálfsögðu með stálgaddagólfi

[Hamarinn, 10.5.2010 kl. 19:44]

Auminginn þorir ekki til landsins, samkvæmt nýjustu fréttum.

[Axel Jóhann Hallgrímsson, 11.5.2010 kl. 14:45]

Mér hugnast gaddagólfið Finnur.