Að skjóta sig í fótinn !

Er hægt að skjóta sig í fótinn með öllu skýrari hætti?

Gömlu konunni er vorkunn, en ekki er mikið spunnið í lögfræðinginn sem fer með málið fyrir dóm með þetta sem aðalröksemd.

Krafði dótturson sinn um 9 milljónir

Hver má?

Það væru ýkjur að segja að hugmyndir um rannsókn á  aðdraganda og tilkomu stuðningsyfirlýsingar Íslendinga við innrásina í Írak vektu hrifningu í Valhöll. Enda bjargföst skoðun ábúenda að undir engum kringumstæðum megi velta við steinum kringum sjálfan „frelsarann“.

Þorgerður Katrín Gunnarsdóttir kúlulánstaki vill engan feluleik í þessu máli frekar en öðrum  en leggst samt þversum fyrir málið. Hún er ekki að hygla sér og sínum blessunin þótt hún hafi alveg gleymt að leggja öll spilin á borðið varðandi aðkomu þeirra hjóna að Kaupþingssukkinu eins og hún lofaði að gera haustið 2008.

Heimdallur fór á límingunum vegna fíkniefnaleitar sem fram fór í framhaldsskóla á dögunum og sendi frá sér harðorðaða yfirlýsingu. Viðbrögð Heimdalls voru að sumu leiti skiljanleg því hvað svo sem okkur finnst um fíkniefni almennt, þá var framkvæmd  leitarinnar vissulega umdeilanleg.

En það merkilega er að þessi sami Heimdallur sá ekkert athugavert við ákvörðun Davíðs og Halldórs um stuðning og þátttöku Íslands í innrás og hernaði gegn öðru ríki en allt verður vitlaust á þeim bænum yfir ákvörðun skólastjórnarinnar að hleypa löggunni inn í skólann með hasshunda!

Getur það verið að Heimdallur meti lögmæti aðgerða fyrst og fremst eftir því hver tekur ákvörðunina?

  Hefði það róað Heimdall hefði Davíð haft hönd á bagga í fíkniefnaleitinni umdeilanlegu? 

Umræða um stuðning Íslands við innrásina í Írak

Ögmundur á móti ESB, hvenær gerðist það?

Flestum sæmilega skýrum Íslendingum er löngu ljóst hver afstaða Ögmundar er til Evrópusambandsins og vonlítið að þar verði nokkur breyting á, sama hvað upp kemur.

Öll umræða um afstöðu Ögmundar er því þarflaus og tímasóun ein. Það er því  merkilegt hvað Mogginn staglast í tíma og ótíma á þessum löngu súra graut.

Hafi þessi frétt átt að vekja athygli á snilld Einars K. Guðfinnssonar  þá snérist hún sannarlega upp í andhverfu sína.

Aldrei andvígari ESB-aðild

Batnandi manni ...... ?

Enginn kemst um þessar mundir með tærnar  þar sem Sigmundur Davíð hefur hælana í pólitísku drulluköku kasti, bæði  í magni og gæðum.  

Það var því óneytanlega dulítið skondið að sjá í  kvöld viðtal við Sigmund Davíð í 10 fréttum Sjónvarpsins, þar sem hann sagði  fjármálaráðherrann misnota gróflega viðtöl við hann í pólitískum tilgangi.  

Um leið lak vandlætingin af fýldu andlitinu í þvílíku magni að það hálfa hefði verið nóg.

Er nema von að Sigmundi sé misboðið.

Svona gera menn ekki, ekki satt Sigmundur?

Furðar sig á ummælum fjármálaráðherra

Hvort er meira þriðjaheims ríki, Chile eða Ísland?

Er þetta ekki undarlegur heimur? Í Chile suður verða þau pínlegu, en um leið spaugilegu, mistök að einn stafur í nafni landsins misritast í myntsláttunni. Enginn efnahagslegur skaði verður af þessu nema síður sé. Myntin sem slík er líkleg til að verða verðmæt sem safngripur. En samt sem áður kom ekki annað til greina í Chile en þeir menn sem ábyrgðina báru öxluðu hana og tækju pokann sinn.

Hér á Íslandi fer efnahagur landsins á hvolf, fólk missir eigur sínar í hrönnum, lífskjör fara áratugi aftur á bak, örfáir fá óáreittir að sitja á ránsfeng upp á miljarðatugi.  Íslenska ríkið, sem var skuldlaust, er núna orðið það skuldugasta í Vetrarbrautinni. Allt gerist þetta fyrir mistök á mistök ofan í efnahagsstjórninni og síðan glæpsamlegt aðgerðarleysi stjórnvalda þegar ljóst mátti vera í hvað stefndi.

Axlar einhver ábyrgð á Íslandi? Nei, nei hér klóra menn sér og hver öðrum í hausnum, líta hálfvitalega hver á annan og spyrja hvað þetta káfi upp á þá.

Í Chile fjúka hausar út af sakleysislegri ritvillu, hér setja menn heilt land á hausinn og yppa bara öxlum og bíða þess að rykið setjist.

 

Chiie í stað Chile á mynt

Ætli ....

...samninganefndin verði send í pósti.... í sparnaðarskyni?

Það væri nú eftir öðru.

Samninganefnd Íslands utan á morgun

Vá!

................................................................................!?

 

Svaf hjá sinni fyrrverandi

Sannkallað eyrnakonfekt

Vonandi fáum við notið frammúrskarandi sönglistar þeirra Álftagerðisbræðra um mörg ókomin ár. 

Það er á engan hallað þótt ég fullyrði að hér séu tærir snillingar á ferð sem verða seint eða aldrei toppaðir.

Ekki á leiðinni í hvíta kassann

Smá „jókur“

Ansi smellið atriði.

Er nokkur ástæða.....

....til að efast um að manngarmurinn mæti sjálfum sér af fullri

hörku, gefi ekkert eftir og gæti hagsmuna allra til hins ýtrasta?

Nema hvað!

 

Situr beggja vegna borðs