Sjálfsmorð möppudýrana

Sjúkrahúsið á Blönduósi hefur sætt grimmilegum niðurskurði undanfarin ár og heimamenn gátu illa séð að lengra væri hægt að ganga í þá átt. Samt sem áður er enn höggvið í sama knérunn og boðaður, ekki bara samdráttur, heldur beinlínis blóðug slátrun á starfsemi sjúkrahússins.

Íbúar A-Húnavatnssýslu fyllast skelfingu við þessi tíðindi, sjá veröld sína hrynja , því skilaboðin að sunnan verða vart skýrari, þau eru að fólk á þjónustusvæði sjúkrahússins sé ekki þess vert að fá mannsæmandi heilbrigðisþjónustu.

En skilaboðin eru líka skýr að því leiti að engin afsláttur er boðaður af sköttum og gjöldum sem landsbyggðin greiðir til samfélagsins. Framlag landsbyggðarinnar verður áfram, og nú sem aldrei fyrr, vel þegið í samfélagshítina fyrir sunnan.

Það er ljóst í mínum huga að höfuðborgarmöppudýr hafa samið þessa aðför að landsbyggðinni, þeirri sömu og hefur haldið í þeim lífinu. Möppudýrin eru orðin svo veruleikafirrt að þau vita ekki hvaðan lífsbjörgin kemur, þó fullreynt ætti að vera að hún komi ekki úr pappírsviðskiptum í Reykjavík.

Sennilega munu möppudýrin í Reykjavík ekki vita það fyrr en of seint að slátrun landsbyggðarinnar sé þeirra eigin útför.  

Mig varðar ekkert um það hvað pólitíkin heitir, þeir sem þetta ætla að gera skulu hundar heita.

 

Einhugur á Blönduósi

Athugasemdir

[Villi (IP-tala skráð) 12.10.2010 kl. 21:56]

  Já við í Breiðholtinu mættum hafa í huga þegar við kaupum okkur mjólk og brauð að gjaldeyrir kemur frá þorskveiðum á Blönduósi. Togarar Blöndósinga leggja meira til samfélagsins en það vill gleymast þegar við viljum láta enda ná saman.

[Óskar Helgi Helgason (IP-tala skráð) 12.10.2010 kl. 21:56]

Heill og sæll Axel Jóhann; æfinlega !

Þetta eru nú einmitt; meginhnökrarnir, á samskiptum okkar landsbyggðar fólks - við þá Reykvíkinga. Lengi vel, hefi ég bent á þetta, á minni síðu, við mis miklar undirtektir, svo sem.

Tek; að öðru leyti, fyllilega undir, með þér, fornvinur góður.

Með beztu kveðum; vestur yfir fjallgarð /

Óskar Helgi 

[Óskar Helgi Helgason (IP-tala skráð) 12.10.2010 kl. 21:57]

kveðjum; átti að standa þar. Afsakaðu, fljótfærni mína, Axel minn.

ÓHH

[Axel Jóhann Hallgrímsson, 12.10.2010 kl. 22:10]

Villi, þú ert yfirmáta vitlaus. Það er höfn á Blönduósi, þaðan hefur verið stunduð útgerð. Þjónustusvæði Sjúkrahússins á Blönduósi er öll A-Húnavatnssýsla þ.á.m. Skagaströnd, hvaðan hefur verið rekin öflug útgerð, sem lagt hefur ýmislegt til, m.a. í þína tilveru. 

[Axel Jóhann Hallgrímsson, 12.10.2010 kl. 22:12]

Þakka fyrir þitt innegg Óskar.

[Guðný Einarsdóttir, 12.10.2010 kl. 22:29]

Kvitt  Kvitt

[Axel Jóhann Hallgrímsson, 12.10.2010 kl. 22:36]

Gaman að heyra frá þér Guðný

[Aðalsteinn Agnarsson, 13.10.2010 kl. 00:17]

1.000.000.Kr. Hvar getur venjulegt fólk haft þetta kaup á einum degi ?

Jú, litlum handfærabát.(ca.3.tonn) Fáið þið Jóhönnu til að standa við

orð sín, frjálsar handfæra veiðar.

Fátæk þjóð gæti bjargað sér, með handfæraveiðum!!!

[Axel Jóhann Hallgrímsson, 13.10.2010 kl. 00:26]

Þær eru farnar að minna illilega á sjálfsfróun þessar handfæraveiðar þínar Aðalsteinn.

[Aðalsteinn Agnarsson, 13.10.2010 kl. 00:30]

Axel, hvernig líst þér á ?

[Aðalsteinn Agnarsson, 13.10.2010 kl. 00:48]

Axel, Jón Sigurðsson, hamraði svona endalaust á Íslendingum,

þar til kviknaði á perum þeirra!!!

[Axel Jóhann Hallgrímsson, 13.10.2010 kl. 09:27]

Langaði honum á handfæri?

[Hamarinn, 13.10.2010 kl. 19:58]

Þú veist væntanlega eins og ég, að höfundur þessa óskapnaðar er engin önnur en Álfheiður Ingadóttir, enda fór hún sjálfviljug úr ríkisstjórninni, þegar að framlagning fjárlagafrumvarpsins nálgaðist, og hún hefur haft mjög hægt um sig síðan.

[Bergljót Gunnarsdóttir, 14.10.2010 kl. 11:37]

 Smávegis til þín Aðalsteinn.

Þú hljómar eins og Cato gamli, sem endaði allar ræður sínar á "Svo legg ég til að Karþago verði lögð í eyði".

Haltu áfram, ekki gefast upp, það verður vonandi einhver annar þarna sem gerir það.   -   Hvað hefur þá náðst,  jú  FRJÁLSAR HANDFÆRAVEIÐAR!