Fjúka lauf og fölna strá

Þeir segja þessir Amerísku að þetta sé búið, heimsendir verði á morgun og hananú!  

Heimsendi fylgja auðvitað ákveðnir gallar en samt ótvíræðir kostir svo sem að Icesave verður endanlega úr sögunni,  aldrei aftur vinstri stjórn og þá auðvitað að sama skapi aldrei aftur íhaldsstjórn.

Verst þykir mér samt að hann Kúti fornvinur minn hafi ekki getað beðið eftir þessum sælunnar endalokum og ákveðið að taka sér tveggja daga forskot.

Mínar bestu hugsanir eru um hann og hans náustu. Kann ekki að orða það öðruvísi, svo takmarkaður sem ég er.

.

  

Heimsendapartý haldin víða

Athugasemdir

[Andri (IP-tala skráð) 20.5.2011 kl. 23:30]

Óttalega er gert mikið úr gömlum kalli sem gefur léleg rök fyrir því að heimsendir verði á morgun... þetta er kannski bara einhver gúrkutíð hjá fréttafólki...

[Che, 20.5.2011 kl. 23:33]

Það verður ágætt að losna við alla trúarofstækisliðið af jörðinni á morgun. En ætli Mofi sé búinn að pakka niður?

[Axel Jóhann Hallgrímsson, 20.5.2011 kl. 23:35]

Ég er hræddur um að þú misskiljir illilega þessa færslu Andri.

[Axel Jóhann Hallgrímsson, 20.5.2011 kl. 23:39]

Sama verð ég að segja um þig Che, þú hefur ekki lesið alla færsluna eða hið minnsta ekki seinni hluta hennar!

[Che, 20.5.2011 kl. 23:43]

OK. Hver er þá þessi Kúti?

[Axel Jóhann Hallgrímsson, 20.5.2011 kl. 23:48]

Gamall vinur sem gat ekki beðið eftir heimsendi.

[Bergljót Gunnarsdóttir, 21.5.2011 kl. 00:01]

Ég tek undir með þér Axel, það er erfitt að missa þá sem manni þykir vænt um og metur.  Þetta er fallega hugsað og orðað hjá þér.

[hilmar jónsson, 21.5.2011 kl. 00:08]

Djöhh, ætli þetta verði ekki ?

Hann er ótrúlega sannfærandi kallinn...

[Axel Jóhann Hallgrímsson, 21.5.2011 kl. 00:15]

Takk fyrir það Bergljót!

Ég held ég missi ekki svefn Hilmar af þeim sökum, þótt annað kunni að raska honum eitthvað um þessar mundir.

[Vilhjálmur Stefánsson, 21.5.2011 kl. 00:18]

Ætli það sé nóg að borða hinumeginn?....

[hilmar jónsson, 21.5.2011 kl. 00:19]

Heitt borð niðri og kalt uppi Vilhjálmur..

[Anna Sigríður Guðmundsdóttir, 21.5.2011 kl. 00:21]

Axel Jóhann. Sendi mínar samúðarkveðjur til ykkar sem eigið um sárt að binda vegna vinar þíns.

Trúarbrögð og ólíkar trúflokka-kúganir, eru einungis verk misviturra manna og vanþroska tortímingar-afla. 

Pólitísk valdagræðgi villimannslega gráðugra manna, skapaði trúarflokka til þess eins að ræna heiðarlegt fólk trúna á sig sjálft og sinn innri styrk, og góðu alheims-orkuna ó-trúarflokks-háðu.

Þessi villimannslega trúflokka-græðgi hefur drepið, rænt og svikið, í nafni svikulla trúar-flokkanna! Þetta er staðreynd.

Náungakærleikann og góðu almættis-orkuna er ekki hægt að misnota á þann hátt sem hefur verið gert í heiminum, án alvarlegra afleiðinga. Og nú er komið að breytingu til hins betra fyrir allt mannkynið! Það varð að koma að þessari réttlætis-heimsbyrjun!

Almættið góða og óflokkaða gefi okkur heimsbúum öllum frið og réttlæti í þessum heimi, og trú á hinn eina sanna styrk allra manna, sem er einungis til í huga og hjarta hvers manns, og alheims góðu orkunni. Trú hvers og eins er einkaeign hverrar manneskju, sem engin peningaöfl geta rænt.

Nelson Mandela sigraði einmitt í sinni friðar og réttlætis-baráttu, vegna þess að hann lét ekki óréttlætið blekkja sig með jarðnesku svika-glópa-gulli falskra og misviturra manna, og pólitísku trúar-flokkanna.   .

 M.b.kv.

[Ásthildur Cesil Þórðardóttir, 21.5.2011 kl. 00:23]

Blessuð sé minning hans.  Alltaf erfitt að missa frændur og vini.

[hilmar jónsson, 21.5.2011 kl. 00:26]

Samhryggist.

En hver var annars Kúti Axel ?

[Axel Jóhann Hallgrímsson, 21.5.2011 kl. 00:32]

Vinur og æskufélagi á Skagaströnd, Hilmar.

[hilmar jónsson, 21.5.2011 kl. 00:35]

Enn og aftur, samhryggist þér..

[Che, 21.5.2011 kl. 01:03]

Samúðarkveðjur frá mér.

[Óskar Helgi Helgason (IP-tala skráð) 21.5.2011 kl. 03:44]

Votta ættingjum, æskufélaga þíns og þér jafnframt innilegustu samúð, Axel minn.

                                                 Óskar Helgi Helgason