Margt smátt gerir eitt stórt

Það yljar manni um hjartaræturnar að sjá á þessari mynd björgunar- sveitar mann ganga um og gefa ökumönnum kaffi, sem bíða ferjunar yfir Múlakvísl.

Þetta framtak er ekki stórt í eðli sínu en samt risastórt framtak, sem léttir fólki lundina og biðina og lyftir sem slíkt grettistaki á svæðinu.

Það er þetta sem við viljum sjá en ekki einhverja græðgisúlfa sem vilja hagnast á neyð annarra.

Vorum við ekki búin að fá nóg af slíku?

 

 

Umferð gengur greitt yfir Múlakvísl

Athugasemdir

[Ásthildur Cesil Þórðardóttir, 13.7.2011 kl. 16:49]

Sammála þetta er yndislegt að sjá. Takk fyrir að vekja athygli mína á þessu, það hefði farið fram hjá mér í öllu svartnættisrausinu.

[Axel Jóhann Hallgrímsson, 13.7.2011 kl. 16:54]

Takk fyrir það, Ásthildur.

[Hilmar Þór Hafsteinsson (IP-tala skráð) 13.7.2011 kl. 16:55]

Þetta er björgunarsveitin Axel Jóhann! Þeir okra bara þeim mun meira á flugeldunum og tertunum og bengalblysunum og rokeldspýtunum um næstu áramót.

[Axel Jóhann Hallgrímsson, 13.7.2011 kl. 17:00]

Ég kaupi mína flugelda af björgunarsveitunum með mestu ánægju Hilmar. En sneiði að sama skapi hjá afætunum ýmiskonar, sem í vaxandi mæli reyna að höggva í þessa fjáröflunarleið björgunarsveitanna, sjálfum sér til gróða og hagnaðar.

Ég hef skömm á slíku fólki!

[Kolbrún Hilmars, 13.7.2011 kl. 17:25]

Það fyrsta sem mér datt í hug var einmitt hvað þetta væri vinsamlegt framtak. Sem það er.

En svo mundi ég eftir því hvað kaffið getur gert manni :) Ætli það sé aðstaða þarna á fljótsbakkanum til þess að skila því af sér aftur?

Nú skilja karlarnir áreiðanlega ekkert hvað ég meina... :)

[Ásthildur Cesil Þórðardóttir, 13.7.2011 kl. 17:33]

Það væri verra ef þeir væru með bjór Kolbrún mín

[Bergljót Gunnarsdóttir, 13.7.2011 kl. 20:24]

Meiri háttar fallegt, svona á fólk að vera.

[Stefán Júlíusson (IP-tala skráð) 14.7.2011 kl. 08:56]

Ef brúin verður ekki opnuð fljótlega, þá skulum við keyra þangað og opna sjoppu! Ég er með evrumerki í augunum eftir þessa mynd.

[Ásdís Sigurðardóttir, 14.7.2011 kl. 11:57]

Yndislegt :)

[Axel Jóhann Hallgrímsson, 15.7.2011 kl. 11:58]

Takk fyrir innlitin elskurnar, og ykkar framlag