Ófreskjan frá Utøya vill fá að halda áfram sínum óhæfuverkum

Norska ófreskjan Anders Behring Breivik  sprengdi sprengjuna í Osló aðallega í þeim tilgangi að skapa sér svigrúm og tíma til að framkvæma voðaverkin á Utøya.

Það er greinilegt að krafa hans að fá nánast að halda blaðamannafundi við dómsmeðferðina, til að útlista svartnættis hugmyndafræði sína,  er aðeins enn einn liðurinn í árás hans á Norsku þjóðina.

Til að strá salti enn frekar í gapandi und norska samfélagsins vill ódámurinn fá að klæðast, við réttarhöldin, einkennisbúningi norskahersins, búningnum sem hann réðst gegn.

Það má aldrei verða, öll réttarhöldin verða að vera lokuð,  það verður að koma í veg fyrir að ódámurinn geti útvíkkað enn frekar sitt ódæði með einhverjum leiksýningum meðan á réttarhöldunum stendur.

Ekki þarf að fara í grafgötur með þá ofsa reiði sem ríkir í Noregi i garð þessa „manns“. Ég yrði ekki hissa þó eitthvað svipað myndi gerast og þegar Jack Leon Ruby tók lögin í sínar hendur eftir morðið á John F. Kennedy.  

Minntust látinna með þögn

Athugasemdir

[doctore (IP-tala skráð) 25.7.2011 kl. 12:01]

Lokuð réttarhöld og svo dæma hann í einangrun til dauðadags; Hugsa að það komi lang verst við hann.

[Axel Jóhann Hallgrímsson, 25.7.2011 kl. 12:23]

Það verður honum þungbært að fá ekki að gera sig breiðan fyrir framan myndavélarnar. En því miður er hæsta hámarks refsing aðeins 21. árs fangelsi. Ég hygg að enginn afsláttur verði gefin af því.

[Axel Jóhann Hallgrímsson, 25.7.2011 kl. 12:32]

Quisling karlinn hefur átt þann heiður óskiptan fram að þessu að vera hataðasti maður Noregs. Hann vann sér það til að nafn hans er alþjóðlegt orð yfir svikara.

Breivik hefur sennilega tekist að toppa Quisling. Það má mikið vera ef svona hryðjuverkamenn verði ekki framvegis kallaðir Breivíkingar.

[Ásthildur Cesil Þórðardóttir, 25.7.2011 kl. 12:47]

Já það er ótrúlegt sem er að koma í ljós, eins og að hann vildi komast yfir kjarnorkuvopn og eiturefni til að geta drepið sem flesta.  Svona maður á aldrei að fá að ganga laus framar, hann er gangandi tímasprengja.  Þeir hljóta að geta komið því svo fyrir að hann eyði restinni af lífinu bak við rimla og lás og slá.

[Axel Jóhann Hallgrímsson, 25.7.2011 kl. 13:05]

Ég er ekki fylgjandi dauðarefsingum, en játa að þegar svona gerist velti ég því fyrir mér hvort ég ætti að endurskoða þá afstöðu.

En það er deginum ljósara að í refsilöggjöfina hér á landi og í Noregi vantar heimild, í svona tilvikum, að dæma menn í lífstíðarfangelsi í réttri merkingu þess orðs, án möguleika á náðun.

[doctore (IP-tala skráð) 25.7.2011 kl. 13:54]

Mér finnst mest "skondið" að sjá kristna fara í himnaleikfimi til að sýna að gaurinn hafi ekki verið kristinn .. hlægilegir alveg: Menn þurfa ekki nema bara það að horfa á videóið sem aulinn gerði til að sjá að þar á ferð er ofurkrissi af verstu sort.
JVJ sver hann af sér.. en þessi gaur vildi fá kaþólska kristni aftur, enga presta í gallabuxum og svona..