Smekkleysa

Þetta „ævintýrahús“ er smekkleysan uppmáluð í öllu tilliti.

Húsið hentar ágætlega sem sviðsmynd í hryllingsmynd, en þær myndir verða seint flokkaðar til ævintýra, nema þá í Smartlandi Moggans.

Ævintýrahús í Reykjavík: Sundlaug í forstofunni

Athugasemdir

[Stefán Júlíusson (IP-tala skráð) 26.10.2011 kl. 12:57]

Mér finnst húsið ansi flott, en mér finnst húsgögnin ekki passa.

Hluti af arkítektúrnum eiga að vera flott húsgögn. 

[Bergljót Gunnarsdóttir, 26.10.2011 kl. 13:14]

Þetta er ábyggilega birt sem vinargreiði við eigandann, því það getur ekki verið auðvelt að losna við svona bákn.

Húsin hennar Högnu voru öll gegnumhönnuð, í hólf og gólf, eins og sést þarna á myndinni. en svona grjót, eins og er á gólfunum var barn síns tíma og fáa langar að eiga það í dag.

Högna lét yfirleitt steypa húsgögnin, jafnvel hjónarúmin og var lítið um allskyns dings og skrautmuni, þannig að naumhyggja nútímans myndi henta ágætlega þarna, ísköld og óaðlaðandi.

[Axel Jóhann Hallgrímsson, 26.10.2011 kl. 16:43]

Ekki vildi ég búa í þessu húsi, það er nákvæmlega ekkert í þessu húsi sem mig langar að sjá aftur hvað þá að búa við það.

Þessi Högna er greinilega aðdáandi Steinaldarmananna og þeim arkitektúr sem sást í þeim ágætu teiknimyndum.

[nafnlaus (IP-tala skráð) 26.10.2011 kl. 18:24]

Þú hlýtur að vera gasalega mikill smekkmaður sjálfur, bloggandi um stílleysi annarra.

Dóni

[Axel Jóhann Hallgrímsson, 26.10.2011 kl. 18:30]

Það getur þú bókað nafnlausi Dóni!

[V.Jóhannsson (IP-tala skráð) 26.10.2011 kl. 19:55]

Málverkin eru frábær og vildi ég gjarnan eiga þau, enda örugglega lánuð fyrir myndatökuna, en restin er hrollur. Engin þægind sjáanleg. Til hvers er þessi langbekkur með beina bakinu? Þetta er verra en á opinberri biðstofu. Af hverju eru engin herbergi sýnd, bara eldhús, stofa og fordyri. Nei, ef maður byggir svona dýrt hús á maður að teikna það sjálfur og fá arkitekt til að samþykkja. Mér persónulega fynnst húsið forljótt að utan, enda sér maður ekki svona skrípi erlendis.

[Bergljót Gunnarsdóttir, 26.10.2011 kl. 20:18]

Sammála um málverkin V. Jóhannsson. Langbekkurinn með beina bakinu, tvöfaldur, er steyptur inn í upphafi. Það er fullt af myndum allstaðar úr húsinu ef þú smellir bara á 1. 2 . 3  o.s.frv. Svona hús sjást víða á Ítalíu og S. Frakklandi skilst mér.

[Axel Jóhann Hallgrímsson, 26.10.2011 kl. 21:05]

Ég held að langbekkurinn sé þessi svokallaði pínubekkur.