Skítlegt eðli

Það er að sanna sig að svokallaðir „upplýsingafundir“ útgerðamanna með starfsmönnum sínum, eru eins og svartsýnustu menn óttuðust, aðeins einhliða áróðursfundir, þeir voru ekki hugsaðir til skoðanaskipta um deilumálið.

Forskriftin er einföld: Hér tölum við, spurningar og athugasemdir úr sal eru bannaðar. Hlustið á það sem við höfum að segja, kyngið því eða farið.

Hvar er Sjómannasamband Íslands, er það á Kanarí að gera í buxurnar?   

SGS mótmælir aðgerðum LÍÚ harðlega

Athugasemdir

[Njáll (IP-tala skráð) 5.6.2012 kl. 16:58]

Ég er ekki að skilja þetta innlegg þitt, fyrir það fyrsta er Jón Gunnarsson algerlega á sama máli og Guðmundur, að frumvarpið sé feigðarflan.

Það eru engar líkur á því að þú hafir verið viðstaddur því þetta var starfsmannafundur Brims, Steingrími og Birni Val var boðið að mæta og sitja fyrir svörum, fjölmiðlum og þingmönnum var boðið til að hlýða á. Svo spurningar frá þingmönnum úti í sal áttu ekki við.

En þar sem þú ert nú búsettur í Grindavík, telur þú að þetta frumvarp komi Grindavík til góða? Þú vilt kannski útskýra það fyrir nágrönnum þínum hvernig þeir verða betur settir þegar ríkið hirðir alla framlegð frá útgerðinni?

Heldur þú að hagur sjómanna og landverkafólks muni batna?

Ég held þú ættir að prófa að hitta nokkra flokksfélaga þína í Grindavík og komast að því hvort Grindavík verði eins góður bær þegar útgerðin þar hefur verið þjóðnýtt. Þú gætir kannski gert enn betur og heimsótt Stakkavík, Vísi eða Þorbjörn og rætt þar við starfsfólk og séð á hvaða máli það er. Það er ekki langt fyrir þig að fara.

[Axel Jóhann Hallgrímsson, 5.6.2012 kl. 17:14]

Það segir sitt um lýðræðisandann á fundinum að "samherjum" var ekki leyft að leggja orð í belg, hvað þá öðrum, Njáll.

Nei ég var ekki á fundinum og það varst þú ekki heldur.

Ég veit það eitt að núverandi kvóta fyrirkomulag kemur aðeins örfáum til góða. Þú ert greinilega á þeirri skoðun að útgerð leggist af við Íslandsstrendur verði núverandi einokun kvótagreifanna aflétt.

Ég held að hagur sjómanna og landverkafólks geti ekkert nema batnað með því að aflétta þeirri einokun sem ríkir í greininni.

Ég er ekki flokksbundin neinum flokki og á því enga flokksbræður eða systur. Ólíkt þér kannski?

Það er enginn að tala um þjóðnýtingu, nema þá svartasta íhaldið, ert þú slíkur, Njáll?

Núverandi kerfi á fátt sameiginlegt með þeim frjálsu samkeppnissjónarmiðum sem Íhaldið boðar. En það er nefnilega málið að íhaldið á ekki vitund í vandræðum að kasta grundvallar sjónamiðunum fyrir róða, skapi slíkt hagnað fyrir fáa útvalda.

Það kalla ég skítlegt eðli. Ert þú haldinn því?

[Njáll (IP-tala skráð) 5.6.2012 kl. 18:09]

Þetta var starfsmannafundur, aðrir voru einungis áheyrendur. Gætir þú krafist þess að fá að varpa spurningum fyrir þingheim frá áheyrendapöllunum á alþingi?

Núverandi kvótafyrirkomulag gagnast öllu þjóðfélaginu. Það eru ekki ýkja mörg ár síðan útgerð á íslandi var ríkisstyrkt og gengisfellingar tíðar og stjórnmálamenn með puttana á kafi í bittlingum hingað og þangað. Gengisfellingar krónunnar er gengisfelling á kaupmætti fólks. Slíkt heyrir sögunni til. En þegar á að reka útgerðina aftur á vonarvöl gætu kröfur um gengisfellingu dúkkað upp aftur.

Heldurðu að við séum í stakk búin til að fella gengið með hundruðir milljarða í snjóhengju yfir okkur, haldið aftur með gjaldeyrishöftum. Nei, útgerðinni yrði ekki bjargað. Hún myndi hrynja, þá er ekki mikið eftir til að draga okkur upp úr þessari gjaldeyrisholu sem við erum komin í.

Steingrímur hefur sýnt það að hann er hættulegur efnahag landsins, fyrst með Icesave, og nú með þjóðnýtingu á sjávarútveginum.

Áttaðu þig á því að hér er ekki ótakmarkað magn af fiski, og til að eitthvað skili sér í skatttekjur til ríkisins þarf að veiða hann á hagkvæman hátt. Hér voru of mörg skip og þeim þurfti að fækka...og betur má ef duga skal. Meðan öllu er eytt í kostnað fær almenningur ekki neitt, hann borgar með.

Hér er ekki um einokun að ræða, greitt er auðlindargjald fyrir nýtinguna og hver sem er má kaupa kvóta. Ef þú telur þig geta gert betur en núverandi útgerðir, þá getur þú keypt þér kvóta og siglt fram úr þeim á þinni hagkvæmni. En þér finnst hann sennilega of dýr og betra að ríkið taki hann bara og úthluti upp á nýtt. Það mun koma á daginn með þessu frumvarpi, ef það fer í gegn, að litlar útgerðir fara fyrst á hausinn.... í kjölfarið hefst pólitísk tilfærsla og "aðstöðujöfnun"... og á endanum er ríkið að færa kvóta frá hagkvæmari útgerðum til óhagkvæmari. Á því tapar almenningur mest, því þeir sem ekki gera út vilja vitanlega að þeir sem geri út skili sem mestum verðmætum í þjóðarbúið.

Þjóðnýting heitir það þegar ríkið tekur til sín eitthvað frá þeim sem keypt hafa án þess að bætur komi fyrir. Nú hefur ríkið og sveitarfélög selt frá sér kvóta, tekið hann svo bótalaust til baka í byggðarkvóta, línuívilnanir og nú með frumvarpi Steingríms á að taka 3% af aflaheimildum við hver viðskipti í ríkispott. Þarna er jafnt og þétt verið að þjóðnýta fyrirtækin. Við sameiningar fyrirtækja fara 3% í pott, við aukningu veiðiheimilda umfram tiltekin mörk fara 40% í pott ríkisins.

Þjóðnýting þjóðnýting þjóðnýting.... enda er það á stefnuskrá kommúnista að ríkið eigi að eiga og stjórna verksmiðjum. Þ.e.a.s. enginn er betur til þess fallinn að reka fyrirtæki en pólitíkusinn.

Ég hlakka til að fá að sjá hvernig þú getur fært þín sjónarmið í búning "frjálsra samkeppnissjónarmiða". Hvernig vinna leigu- og úthlutunarpottar ríkisins að þeim sjónarmiðum?

Skítlegt eðli er að taka eitthvað frá þeim keypti skv. gildandi lögum og færa það þeim sem seldi. Skítlegt eðli er að hlusta ekki á viðvaranir og umsagnir, ræða ekki við hagsmunaaðila. Skítlegt eðli er að opinbera ekki aðferðafræðina við útreikningana.

Fáir útvaldir eru hreint ekki svo fáir, flestir sjómenn hafa hærri laun en forsætisráðherra. Ríkið hirðir bróðurpartinn af verðmætasköpun í sjávarútvegi í gegnum skattakerfið. Hér á einfaldlega að ganga lengra því ekkert má eftir liggja hjá fyrirtækjunum.