Enn eitt Framsóknarofbeldið

Korteri fyrir afsal sitt á dómsmálaráðuneytinu í hendur Ólafar Nordal kollvarpaði Sigmundur Davíð ákvörðunum og vinnu við flutning á lög- regluembættinu á Hornafirði frá Austurlandi til Suðurlands. Hann ákvað að lögreglunni á Hornafirði skyldi áfram stjórnað úr hans kjördæmi.

Frá því í sumar hafði verið unnið að færslu lögreglunnar á Hornafirði á milli umdæma, að frumkvæði innanríkisráðuneytisins, og í fullkominni sátt við íbúa og hagsmunaaðila. Vinnan var á lokastigi og breytingin áætluð um áramótin. M.a. var búið var að setja vaktir lögreglu og hjúkrunarfólks í samræmi við breytinguna, hanna skipurit almannavarna og fleira varðandi löggæsluna.

 Vísir.is greinir frá.

En þá rís upp fáklædd Fram- sóknarmaddaman, helsta meinið í íslenskri pólitík, og ákveður að snöggsoðið kjördæmapot að göml- um Framsóknarsið sé mikilvægara en langtíma hagsmunir og almenn skynsemi. 

Hornfirðingar eru æfir yfir þessu tiltæki Sigmundar.

Þarna er Framsóknarforynjunni rétt lýst. Nú reynir á að Ólöf Nordal standi undir því lofi sem á hana er borið og láti það verða sitt fyrsta verk í embætti innanríkisráðherra að ómerkja þessa ófriðarsendingu Sigmundar. Undir því gæti traust almennings til hennar í embætti verið komið.

Allt kerfið miðar við Hornafjörð

Athugasemdir

[Jóhannes Laxdal Baldvinsson, 6.12.2014 kl. 18:08]

Þetta er sannarlega furðuleg stjórnsýsla ef satt er.  En hvað með samgönguöryggi? Við vitum hvaða afleiðingar það hefur þegar hringvegurinn rofnar. Nú er vá fyrir dyrum með Kötlu og eldsumbrot í Vatnajökli. Er þá ekki betra að Hornafjörður tilheyri Austurlandi frekar en Suðurlandi?

[Axel Jóhann Hallgrímsson, 6.12.2014 kl. 19:21]

Eigum við ekki að hafa hlutina eins og best henntar við eðlilegar aðstæður og mæta áföllum þegar og ef þau gerast?

Brýrnar hafa áður farið um stundarsakir, en verið reystar á ný. Svo mun áfram verða.