Nei - skal það vera!

Ég er lengi búinn að velkjast  í vafa hvoru megin veggjar við Icesave ég ætti að leggja mig í kosningunni  n.k. laugardag.  Ég hef verið,  fram að þessu, tilbúinn að velta mér á hvora hliðina sem væri,  en nú er ég búinn að taka endanlega ákvörðun, ég ætla að velta mér á hægri hliðina og krossa við nei!

Ég þakka Vilhjálmi Egilssyni framkvæmdastjóra SA fyrir að hafa opnað augu mín með þeirri hótun sinni að yfirstandandi samningagerð yrði í uppnámi verði Icesave hafnað auk þeirrar kröfu SA að kvótakerfið verði óbreytt næstu 50 árin hið minnsta. Það kallar beinlínis fram ofnæmisviðbrögð og  æluna upp í háls að fá þennan mann og það sem hann stendur fyrir, inn í stofu til manns, gegnum sjónvarpið, á hverju kvöldi.

Ég var að velta því fyrir mér áðan af hverju ég hafi ekki ákveðið þetta fyrir löngu, ég var m.a.s.  um tíma hallur undir að segja já. Ég er ekki í nokkrum vafa hver ástæðan er. Ástæðan er hinn fordæmalausi haturs og fyrirlitningar áróður sem hefur verið rekin af andstæðingum Icesave. Þar hafa farið fyrir liði Útvarp Saga, Jón Valur Jensson, Loftur Altice Þorsteinsson ásamt ótal öðrum öfgasinnuðum hægrimönnum og blaðmönnum sem ekki segjast vera Baugsmiðlar.   

Þeirra baráttutækni og karma er ekki til þess fallin að laða hugsandi fólk til fylgis, hún fælir það frá.

Þarf að endurmeta stöðuna

Athugasemdir

[Björn Birgisson, 5.4.2011 kl. 20:58]

Þú færð lengri tíma til að hugsa þig um, Axel Jóhann, það er búið að fresta kosningunum um eina viku!

[Axel Jóhann Hallgrímsson, 5.4.2011 kl. 21:05]

Hættur að hugsa, Björn! Mér var pakkað niður með jólaskrautinu strax eftir hrun, það breytir litlu fyrir mig hvort það verða 2 eða 6 ár þar til ég verð tekinn upp aftur með ónýtu skrautinu og þá litlu betri sjálfur.

[Óskar Helgi Helgason (IP-tala skráð) 5.4.2011 kl. 21:17]

Heill og sæll Axel Jóhann; líka sem og, golf arinn,, Björn Ísfirðingur !

Axel ! 

Velkominn Skagstrendingur; í hóp okkar, sem lesum og gaumgæfum samtímann, í gegnum lesgleraugu Fornaldar- og Miðalda, ágæti drengur.

Gleraugu; íhugunar og yfirvegunar, til þess samtíma, sem við nú upplifum - og;;  vænst þókti mér um, að þú skyldir sjá, við Mél- Ráfu hætti Vilhjálms þessa Egilssonar, eitt og sér.

Verð; að upplýsa ykkur báða - þig; og Björn Ísfirðing á þá vegu, að þeir Jón Valur Jensson, svo og Loftur Altice Þoirsteinsson, eru fremur til miðjunnar, í mínum huga, sé miðað við, hversu langt til hægri, ég sjálf ur reynist vera, piltar.

Velkominn Axel; til staðfestunnar, gegn Evrópsku nýlenduveldunum, fornvinur góður; hvað ég ítreka, hér með.

Með beztu kveðjum; í Grindavíkur skíri, sem jafnan /

Óskar Helgi Helgason   

[Óskar Helgi Helgason (IP-tala skráð) 5.4.2011 kl. 21:17]

Þorsteinsson; átti að standa þar.

ÓHH

[Þórður S. (IP-tala skráð) 5.4.2011 kl. 21:24]

Velkominn i hopinn Axel.

[Axel Jóhann Hallgrímsson, 5.4.2011 kl. 21:25]

Takk fyrir innlitið Óskar.

Í fjarska eru þeir Jón Valur og Loftur Altice, hvaðan ég horfi, en ekki er það til vinstri, svo mikið er víst.

[Axel Jóhann Hallgrímsson, 5.4.2011 kl. 21:26]

Ég hef því miður, alltaf rúmast illa í hóp, Þórður.

[Guðmundur Pétursson, 5.4.2011 kl. 22:02]

Það tekur enginn þennan auma lobbýista sem Villi vælukjói óneitanlega er, alvarlega. Þessi siðblindi vesalingur hefur engan trúverðugleika. Að sjálfsögðu segjum við Nei við Icesave.

Villi er alveg viðbjóðslegur karakter og nautheimskur að auki.

[Björn Birgisson, 5.4.2011 kl. 22:06]

Hm ...., nýr félagsskapur ..................

[Stebbi (IP-tala skráð) 5.4.2011 kl. 22:13]

Menn eiga ekkert að velta því fyrir sér hvað aðrir gera. Nei er fínn kostur og þú þarft ekkert að líkja þér við aðra hvað það varðar.

[BR (IP-tala skráð) 5.4.2011 kl. 22:14]

Ekki er það nú málefnalegt að byggja afstöðu sína á skoðunum annarra. Hvað varðar þig um þau?

[Axel Jóhann Hallgrímsson, 5.4.2011 kl. 22:14]

Mér hugnast ekki hluti þess félagsskapar Björn, það þarf ég ekki að útskýra fyrir þeim sem mig þekkja.

[Axel Jóhann Hallgrímsson, 5.4.2011 kl. 22:19]

Hvað veist þú um hvað er málefnalegt og raunsannað BR, þú sem þorir ekki að koma fram undir nafni.

[Axel Jóhann Hallgrímsson, 5.4.2011 kl. 22:20]

Stebbi, já er líka finn kostur, enda margir sem munu velja hann, sem þann rétta.

[Óskar Helgi Helgason (IP-tala skráð) 5.4.2011 kl. 22:27]

Komið þið sælir; að nýju !

Axel Jóhann !

Vitaskuld; er það þekkilegra, okkur lands og lýðs og fénaðar vinum - að; jafnt, andstæðingar okkar, sem samherjar, komi af fullri einurð fram, undir fullu eigin nafni, sem ættar; sé um þau að ræða.

Hins vegar; látum við hvergi deigan síga, Skagstrendingur góður, í okkar afstöðu, allra sízt, í örlagamálum, sem því sem hér um ræðir.

Með; ekki lakari kveðjum, en þeim fyrri /

Óskar Helgi Helgason 

[Axel Jóhann Hallgrímsson, 5.4.2011 kl. 22:36]

Ég vil sem best geta horft í augu minna samreiðamanna Óskar og  kennt þá með nafni, sé þess kostur. Illa líkar mér við nafnlausar sleggjur.

 Ekki ætla ég að hafa uppi neinn áróður í þessu efni, eftir sem hingað til.

[Kristinn M (IP-tala skráð) 5.4.2011 kl. 22:40]

Hreint NEI og aftur NEI á laugardaginn !

[Vilhjálmur Stefánsson, 5.4.2011 kl. 23:43]

Á hvora hliðina á Bjarni Ben að velta sér ?

[Axel Jóhann Hallgrímsson, 6.4.2011 kl. 00:06]

Bjarni þarf ekki að velta sér Vilhjálmur, hann valt með N1.

[Adeline, 6.4.2011 kl. 09:17]

Gott hjá þér Axel, þú komst að réttri niðurstöðu.

Það er fráleitt að menn(Steingrímur Joð og co)  skulu fyrir það fyrsta ætlast til að fólk kjósi um nokkuð í þessu máli, -þegar ekki liggur neitt fyrir opið almenningi, hverjir ætla að gangast við ábyrgð- hvort menn verði fundnir sekir í nánustu framtíð, og HVERT peningarnir fóru mestmegnis! Fólk hættir að leita svara við þessum spurningum um leið og samn.verður samþykktur. 

Það er bara of þægilegt fyrir stjórnvöld og bankakrimmana (segi það í sömu setningu því þeir eru undir sama hattinum þartil annað kemur í ljós) -að fá þessi ólög samþykkt núna, því þá verður EKKERT aðhafst til að komast að neinu frekara í þessu máli, fólk vill þetta útaf borðinu en ( því miður) - má þetta ekki hverfa svona þægilega og þeir allir verða stikkfríir meðan við borgum brúsann...

[Axel Jóhann Hallgrímsson, 6.4.2011 kl. 09:48]

Það eru víst fleiri Adeline, en Steingrímur sem mæla með Icesave , þar á meðal 11 þingmenn Sjálfstæðisflokksins. Sjá hér.

[doctore (IP-tala skráð) 6.4.2011 kl. 10:12]

Það sem verður kosið um er faktískt: Ertu forskrúfaður þræll og fáviti?
X Já
X Nei

Þetta er Icesave

[Adeline, 6.4.2011 kl. 10:26]

Jájá ég lít ekki á þetta sem Já = vinstri flokkur =ríkisstjórn eða Nei= hægri fl. stjórnarandstaða.

Þetta er allt sami drullupollurinn og sömu vitleysingarnir. hjá þeim er þetta "boðorð" hæst: ef þú klappar mér á bakinu klappa ég þér. (eða ef þú setur pening í vasann minn -gef ég þér mitt samþykki)