Skítlegur sparnaður

Af hverju var stjórnendum Glitnis ekki greidd það góð laun að þeir næðu að hafa fulla yfirsýn yfir sitt starfssvið?

Varla ætlaðist nokkur til þess að stjórnendur bankans svo mikið sem opnuðu augun fyrir því sem fram fór í bankanum fyrir þau skítalaun sem þeim var skammtað.

   

Þokukenndur dagur í febrúar 2008

Athugasemdir

[Sigurður Haraldsson, 4.12.2012 kl. 11:02]

Mér er ekki skemmt!

[Trausti (IP-tala skráð) 4.12.2012 kl. 11:07]

Þessi laun nægðu tæplega fyrir ábyrgðinni sem þeir báru, þannig að það er ekki hægt að ætlast til að þeir væru einnig með opin augu.

[Bergljót Gunnarsdóttir, 5.12.2012 kl. 03:32]

Axel minn!

Hvernig eiga menn sem eru helteknir af því að flétta sínar þykku og margslungnu fjármálaféttur úr peningum fólksins í landinu, og koma afrakstrinum síðan fyrir einhversstaðar fyrir utan lög og rétt, að muna nokkurn skapaðan hlut annan en hvar síðasti ránsfengur lenti.

Þeim er bara töluverð vorkunn að hafa ekki getað haldið sér vakandi í vinnunni, þannig að þeir vissu hvað það var, og hvenær þeir skrifuðu undir einhverja ómerkilega pappíra. Svona menn eru ekkert að opna augun þegar þeir hripa nafnið sitt fyrir félagana, alveg handvissir um að þetta komist ekki upp. 

Það væri á við stórglæp að muna eitthvað af þessu, ja, svona á við að kjafta frá hvað varð um alla peningana sem þeir stungu undan.

Siðleysið er algert, og svo eru þeir algerlega minnislausir, svo minnislausir að einn gleymdi bara óvart að mæta í morgun. Æi.

[Bergljót Gunnarsdóttir, 5.12.2012 kl. 03:35]

Svona sjení finnast sem betur fer ekki víða, en við eigum örugglega heimsmet í þeim miðað við höfðatölu. Sveiattann