Örlítið úr leið?

Hann gaf upp ferðaáætlun, franski „Göngu Hrólfurinn“  áður en hann fór frá skálanum að Fjallabaki. Virðist hafa ætlað „Laugarveginn“.  Hann hefur annað hvort gefið upp ranga ferðaáætlun eða haft eigin ferðaáætlun að engu  og endað gönguna  út í Grímsey, sem  er töluvert  úr leið ef mér skjátlast ekki.

Ég vona að hann hafi haft góðar vöðlur meðferðis og ekki blotnað í fæturna þegar hann öslaði Grímseyjarsund.

Þar sem menn eru hiklaust sektaðir fyrir smáyfirsjón,  t.d. að fara 5km. framúr leyfðum hámarkshraða, þá er ekki  óeðlilegt að sektir liggi við svona framkomu og ábyrgðaleysi  sem kostar útkall björgunarsveita svo ekki sé talað um fjárútlát Ríkisins, sem vart má við því þessa dagana.  

Var ekki týndur