Hvenær kaupir maður drátt og hvenær kaupir maður ekki drátt?

Madonna er að leita að íbúð í nánasta nágrenni við villuna sína handa kærastanum Jesus. Svona fjaríbúð.

Hún virðist ekki hafa hugsað sér að láta Jesus lulla að staðaldri hjá sér en vill gjarnan hafa hann í göngu færi, þurfi náttúran sitt.

Madonna er sögð vera mjög góð við þetta „gæludýr“ sitt og hleður á það gjöfum og góssi.  

Því er ekki að neita að orðið vændi kemur upp í hugann þegar bráðungar stúlkur eða strákar hoppa upp í rúmið hjá  rígfullorðnu fólki sem  gæti verið afar þeirra eða ömmur, en á undantekningarlítið gras af seðlum.

Það kann að vera að ást ráði ferðinni hjá hinum 23 ára gamla Jesus þegar hann skríður upp í hjá hinni 51 árs gömlu Madonnu, en ég efa að ástin sé á henni blessaðri, nema þá óbeint.

Gefur kærastanum 340 millj. kr. íbúð

Athugasemdir

[Björn Birgisson, 8.10.2009 kl. 12:30]

Maddonna er hörkugella. Hvað mundir þú gera stæðir þú í sporum unga mannsins?

[Axel Jóhann Hallgrímsson, 8.10.2009 kl. 12:40]

Það kann að vera að okkur gömlu mönnunum þyki Madonna getnaðarleg, en ég man að þeim augum leit ég ekki fimmtugar konur þegar ég var tvítugur. Hvort aurar hefðu getað breytt því veit ég ekki.

[Jón Snæbjörnsson, 8.10.2009 kl. 13:38]

sammála þér Axel - "glöggt er gests augað"

[Geiri (IP-tala skráð) 8.10.2009 kl. 14:56]

Fimmtugar konur lýta líka allt öðruvísi út í dag en áður.

[Axel Jóhann Hallgrímsson, 8.10.2009 kl. 15:07]

Hverju orði sannara Geiri, sér í lagi þegar maður sjálfur stendur öfugu megin við þann aldur.

[Ingibjörg Axelma Axelsdóttir, 8.10.2009 kl. 15:14]

Það er rétt Geiri. Fimmtugar konur í dag líta allt öðruvísi út en þær sem voru fimmtugar fyrir fimmtíu árum.

Einmitt vegna þess að nú eru þær flestar dauðar eða eru komnar yfir tíræðisaldurinn. Eru þær ennþá getnaðarlegar?

[Baldvin (IP-tala skráð) 8.10.2009 kl. 18:46]

Ingibjörg þú ert því miður ekki alveg að skilja þetta rétt..

[Ingibjörg Axelma Axelsdóttir, 8.10.2009 kl. 18:49]

Ég er að skilja þetta ágætlega Baldvin.

En þú skilgreinir greinilega ekki kaldhæðni sem slíka þegar þú verður hennar var.

[Ein tvítug (IP-tala skráð) 8.10.2009 kl. 19:25]

Madoona er svöl gella og er að gera náákvæmlega það sama og kallpungar hafa verið að standa í heillengi. Ég skil hana vel að næla sér í ferska og sæta fola, alveg eins og bara hver annar... hver var það nú aftur sem var að 'fjárfesta' í einni tvítugri rússneskri sem vildi svo ólm eignast börn, og þá stakk hann auðvitað af. Er ég ekki að meina Ronnie Wood? Ekki er hann nú fagur útlits... en veskið er þykkt!

[Björn Birgisson, 8.10.2009 kl. 19:46]

Minni á lambakjötið nú á haustdögum!

[Axel Jóhann Hallgrímsson, 8.10.2009 kl. 20:12]

Ein tvítug, ef þú lest greinina mína þá ættir þú að sjá að ég legg bæði kynin að jöfnu. 

Ég vona að ég sé að misskilja þig, en ég hef það á tilfinningunni að þú lítir á gerðir Madonnu sem einhverskonar hefnd fyrir alla karlpungana, eins og þú kallar þá, og ungu stelpurnar.

Mér er fyrirmunað að sjá þar nokkurn mun á.

[Axel Jóhann Hallgrímsson, 8.10.2009 kl. 20:14]

Lambakjötið er gott Björn, bæði nýtt og saltað, tala nú ekki um sé það reykt. En auðvitað þarf það að hanga örlítið. Svo má það ekki vera magurt.

[Ein tuttugu og EINS (IP-tala skráð) 9.10.2009 kl. 15:28]

Haha ég gleymdi því að ég er 21 árs en ekki tvítug! Haha aldurinn færist yfir. Nei, ég túlka gjörðir Madonnu alls ekki sem neina hefnd. Þetta var nú allt til gamans ritað. Við venjulega fólkið glottum yfir þeim frægu og firrtu :)

Mér finnst hún nú voðalega útbrunnin og kjánaleg, sem og flest þetta fræga fólk!

[Axel Jóhann Hallgrímsson, 9.10.2009 kl. 17:45]

Þá erum við bæði að rita okkur til gamans,  "tuttuguogeinsenekkieintvítug"

Lífið leikur okkur mis grátt, "tuttuguogeinsenekkieintvítug". Suma tekur það á með silkihönskum og skilar gegnum lífið án hnökra, leið annara er með böggum hidar og þyrnum stráð. 

Er rétt að verðlauna fólk fyrir að vera heppið og refsa öðrum fyrir hið gangstæða? Sem N.B. er það sem er gert með ofuráhugaallra á þeim sem verða frægir, hvað svo sem það er?