Einkavæðingarfylliríinu er loksins lokið.

Í kvöld lauk endanlega einkavæðingarfylliríi  því sem ríkisstjórn Davíðs Oddsonar efndi til og færa átti þjóðinni gull og græna skóga.  Kóróna einkavæðingarinnar var afhending Íslensku bankanna í hendur einkavina og velunnara Íhaldsins og Framsóknar.

En nú er þessum hamfarakafla í sögu landsins lokið og eftir sitja áralangir timburmenn.  Vonandi verður sá lærdómur dregin af þessu að þjóðin láti Íhaldsvínið eiga sig framvegis þótt  nú þegar sé byrjað auglýsa nýtt vín á þeim fúlu belgjum.

 

Alþingi samþykkti Icesave

Athugasemdir

[Máni H. (IP-tala skráð) 30.12.2009 kl. 23:47]

"En nú er þessum hamfarakafla í sögu landsins lokið og eftir sitja áralangir timburmenn.  Vonandi verður sá lærdómur dregin af þessu að þjóðin láti Íhaldsvínið eiga sig framvegis þótt  nú þegar sé byrjað auglýsa nýtt vín á þeim fúlu belgjum."

AMEN!

[Ófeigur (IP-tala skráð) 30.12.2009 kl. 23:49]

Aldrei máttu gleyma að það var samfylkingin sem kom þessum timburmönnum á, með fulltingi nytsamra kjána Valda glaðra, bara til þess eins að aðildarumsókn okkar spilltist ekki! Þessi dagur landráða mun komast í sögubækur komandi kynslóða. Megi kaun og kýlapest hellast yfir jáfólk Iceslave!

[Gunnar (IP-tala skráð) 30.12.2009 kl. 23:51]

Stærsta lexía mín í þessu máli er reyndar frekar að Samfó svífst einskis fyrir ESB og VG gerir nánast hvað sem er fyrir völd. Nú var traust mitt á xD og xB lítið fyrir en ef eitthvað er hefur það styrkst þó ég vildi helst að ég hefði einhvern góðan kost fremur en 4(5) slaka.

[Axel Jóhann Hallgrímsson, 30.12.2009 kl. 23:52]

Já Máni, amen!

[Axel Jóhann Hallgrímsson, 30.12.2009 kl. 23:56]

Það voru Sjálfstfl. og Framsókn sem duttu í það með þessum afleiðingum Ófeigur. Samf. og VG taka aðeins út timburmennina. Nú er gjarnan horft eingöngu á timburmennina en það vill gleymast hvernig komast hefði mátt hjá þeim.

[Geir (IP-tala skráð) 30.12.2009 kl. 23:59]

Allir að mæta á bessastaði á morgun að mótmæla þessari nauðgun á Íslandi!

[Axel Jóhann Hallgrímsson, 31.12.2009 kl. 00:00]

Gunnar þetta er orðin útþynnt klisja, sem jafnvel höfundar hennar hafa ekki reynt að rökstyðja, vitandi að nóg væri af einfeldningum til að lepja upp vitleysuna hugsunarlaust og útvarpa henni.

[Axel Jóhann Hallgrímsson, 31.12.2009 kl. 00:05]

Geir það er aldrei að vita nema Óli bjóði þér inn í kakó og kleinu. Hann kemst örugglega við að sjá þig norpa þarna einan í kuldanum.

[hilmar jónsson, 31.12.2009 kl. 00:32]

Nú er að snúa sér að hinum alvöru svikurum, þeim sem leiddu þetta yfir okkur.

Sennilega hefur enginn Íslendingur gert landinu jafn mikið ógagn og núverandi ritstjór Mogganns. Það hlýtur að vera krafa fólks, þ.e ef við viljum ekki halda áfram að kyssa á vöndinn, að hann ásamt sínum spillta flokki verði látinn svara til saka.