Á hvaða leið er SÁÁ?

 Í frétt á visi.is er greint frá mánaðarlegum lista SÁÁ um verð á fíkniefnum. Ég hef aldrei skilið tilgang SÁÁ með þessum verðlista birtingum.

Í nýjasta verðkynningar- bæklingi SÁÁ er frá því greint að verð- lækkun hafi orðið á  kókaíni og kannabisefnum!   

Nú þegar áfengi hefur hækkað í verði, er þá SÁÁ að benda unglingunum á að snúa sér frekar að ólöglegum fíkniefnum, því það sé hagkvæmara fyrir slappa budduna?

Fólk hlýtur að spyrja sig hvort SÁÁ vinni með þessu að því að fjölga eða fækka sínum viðskiptavinum.

  

Hundrað fíklar með í rannsókn

Athugasemdir

[Sveinn Elías Hansson, 9.3.2010 kl. 17:52]

SÁÁ hefur ekki viðskiptavini. Þetta eru sjúklingar.

En hvað varðar þennan lista, þá veit ég ekki um hver tilgangur hans er. En ég skil ekki heldur hvers vegna fjölmiðlar eru að birta hann.

[Axel Jóhann Hallgrímsson, 9.3.2010 kl. 17:54]

Sjúklingar eru "viðskiptavinir" sjúkrahúsa!

[Sveinn Elías Hansson, 9.3.2010 kl. 20:18]

Ég mun aldrei sættast á það að sjúklingar séu viðskiptavinir. Þá erum við komnir út í einkavæðinguna sem okkur hugnast ekki.

[Ingibjörg Axelma Axelsdóttir, 9.3.2010 kl. 22:02]

Þú sættir þig kannski ekki við það Sveinn, en það er samt staðreynd.

Þegar þú kaupir einhverja þjónustu, þá ert þú orðinn viðskiptavinur.

Þú þarft að borga fyrir þinn tíma hjá heimilislækni, og þú borgar fyrir ýmsar spítalavistir í gegnum skatt. Sem er samasem merki á viðskipti. 

[Sveinn Elías Hansson, 9.3.2010 kl. 22:50]

Ég verð aldrei og skal aldrei verða viðskiptavinur í heilbrigðiskerfinu.

Ég verð sjúklingur.

En ef endilega þarf að kalla það eitthvað annað, þá hvað með þjónustuþegi?

[Ingibjörg Axelma Axelsdóttir, 9.3.2010 kl. 22:55]

Er það ekki bara annað orð yfir "viðskiptavinur" ?

Ég er alveg viss um að þú getir fundið allskyns orð fyrir það, en það kemur allt niður á það sama. 

[Gunnar Th. Gunnarsson, 10.3.2010 kl. 02:06]

Vogur er einkasjúkrahús, Sveinn. Að sjálfsögðu eru sjúklingarnir viðskiptavinir.

[Sveinn Elías Hansson, 10.3.2010 kl. 10:52]

Gunnar.

Hver borgar stóran hlut af kostnaði við Vog?

[Gunnar Th. Gunnarsson, 10.3.2010 kl. 11:24]

Heilbrigðisráðuneytið, "Whats your point"?

Þetta eru viðskipti, borgað er fyrir hverja innlögn.