Bloggfærslur mánaðarins, janúar 2016

Það sem þú vilt að aðrir gjöri....

sannleikurinn_og_lifi.jpgÞúsundir manna söfnuðust saman í Róm til þess að mótmæla nýju lagafrumvarpi sem mun veita samkynhneigðum rétt til sambúðar og ættleiðinga.

Hverjir voru það sem mótmæltu jafn  sjálfsögðum mannréttindum?

Voru það hinir þröngsýnu og afturhaldssömu fylgjendur íslam sem neita að aðlagast vestrænu samfélagi og gildum þess?

Nei aldeilis ekki, þetta voru innfæddir, "réttsýnir og sannkristnir", sem líta gjarnan á sig sem rjómann af söfnuði Guðs og handhafa sannleikans.

Þarna fundu hinir "sannkristnu" samhljóm með íslömsku afturhaldi.

Sama rassgatið raunar, þegar að er gáð.


mbl.is Mótmæltu réttindum samkynhneigðra
Tilkynna um óviðeigandi tengingu við frétt

Glerhúsið Landsbankinn

Steinþór Pálsson bankastjóri Landsbankans ritar grein í Fréttablaðið í dag. Þar kvartar hann sáran undan nafnlausum skrifum, í því sama blaði, hvar miljarðaklúður hans á kostnað almennings, eigenda bankans, var gagnrýnt.

Það er giska broslegt að skrif undir nafnleynd skuli pirra bankastjórann knáa, manninn sem felur sig á bakvið bankaleynd þegar honum best hentar!


Hver er munurinn á Högum og listamönnum?

Vegna ásakana sem stjórn Rithöfundasambands Íslands segist sitja undir vegna nefndarmanna í úthlutunarnefnd launasjóðs rithöfunda var send út sérstök tilkynning frá stjórninni um helgina.

Þar segir; .... „að Rithöfundasambandið hafi átt frumkvæði að því að Bandalag íslenskra listamanna hefur nú sett á laggirnar starfshóp sem mun yfirfara verklag við skipun úthlutunarnefnda launasjóðanna og skoða allt sem betur mætti fara í verklaginu“.

Samhliða þessu varð mikil umræða í samfélaginu um áfengisfrumvarpið svonefnda, að heimila sölu áfengis í matvöruverslunum.

Nokkur titringur varð þegar í loftið fór tilgáta þess efnis að Hagar, sem beinna hagsmuna eiga að gæta, hafi samið frumvarpið en ekki þingmaðurinn, flutningsmaður þess.

Flestum þótti sú meinta aðkoma Haga að málinu ótæk og í hæsta máta væri óeðlilegt að aðilar út í bæ semdu þingfrumvörp um beina hagsmuni þeirra sjálfra.

Þá má spyrja, ef það er óeðlilegt að Hagar semji frumvarp um eigin hagsmuni varðandi áfengissölu er þá eðlilegt að listamenn semji alfarið sjálfir leikreglurnar og ákveði verklagið varðandi úthlutun listamannalauna til sjálfra sín?

 


mbl.is Verklag við úthlutun endurskoðað
Tilkynna um óviðeigandi tengingu við frétt

Þverrandi lyst á list

Nokkur umræða hefur verið undanfarna daga um rithöfundarlaun og útdeilingu þeirra. Umræðan hefur verið nokkuð á einn veg þótt sitt sýnist hverjum.

Að mínu mati á fyrirkomulag eins og rithöfundarlaun fullan rétt á sér en fráleitt í þeirri mynd sem fyrirbærið er rekið í dag. Mig grunar að þeir sem, á sínum tíma, komu þessu kerfi á hafi ekki hugsað sér kerfið rekið með þeim hætti sem gert er í dag.

Líklegra er að þeir hafi hugsað það til hjálpar ungum og efnilegum listamönnum til sjálfbærni. Svo er að sjá að þeir listamenn sem helst eru sjálfbærir í sinni list, séu og hafi verið áskrifendur af þessum „atvinnuleysisbótum“ listamanna.

Eðlilegt er að laun til listamanna væru, eins og í hinu almenna atvinnuleysisbótakerfi, greidd þeim sem litlar eða engar tekjur hafa af sinni listsköpun en ekki þeim sem nægar tekjur hafa og eru fullfærir að lifa af sinni list.

Í almenna atvinnuleysisbótakerfinu falla menn af bótum eftir tvö og hálft ár hvernig sem aðstæður bótaþegans eru , engin miskunn þar. Skilyrt er að bótaþegi tilkynni mánaðarlega að hann sé virkur í atvinnuleit og hver króna sem bótaþeginn vinnur sér inn er dregin frá bótum.

Eðlilega.

Ekkert slíkt þak eða skerðingarákvæði er á þessum svokölluðu listamannalaunum, ekki er spurt hvort eftirspurn sé eftir listsköpun viðkomandi. Ekki er gerð krafa um lágmarks framleiðni styrkþega eða þá að viðkomandi sinni listsköpun yfir höfuð.

Er það eðlilegt?

Nefna má dæmið um „listamanninn“ sem kjörinn var á Alþingi, sjálfgefið þótti að hann hélt sínum heiðurslaunum óskertum þótt hann væri á sama tíma á ríflegum launum hjá ríkinu sem þingmaður.

Ýmislegt bendir til að ákveðið krosstengsla tryggingarkerfi hafi myndast varðandi úthlutun nefndra listamannalauna, án þess að fullyrt sé nokkuð í þá veru.

Svona "listileg" meðferð á almannafé er sannarlega ekki til þess fallin að auka lyst almennings á list.

 


Snobbfjárfesting í asískum banka mikilvægari en sjúkir og þurfandi á Íslandi

Bjarni Ben er að stíga upp í flugvél á leið til Kína með 2,3 milljarða úr sjóðum samfélagsins í vasanum til að kaupa hlut í snobbbanka austur í Asíu.

Í banka sem á að þjóna Asíu takið eftir!

Á sama tíma segir þessi "dáða drengur" öldruðum, sjúkum og öðru þurfandi fólki á Íslandi að éta það sem úti frýs, engir peningar séu til.

Þeir blikna ekki þessir "herrar" að bruðla svona með almannafé erlendis á meðan sjúkir og aldraðir veslast upp hér heima fyrir framan nefin á þeim.

Hér væri viðeigandi að segja fjármálaráðherranum að skammast sín, en það er gagnslaust hann og hans slekti skilja ekki hugtakið.


mbl.is Bjarni fer til Kína
Tilkynna um óviðeigandi tengingu við frétt

Ekki ríða hetjur um hérað

Æ, æ, ætluðu þeir Bankabræður, Óli, Mangi og Siggi að hnýta nafnlaust í fangelsismálastjóra, hetjurnar.

Spurning hvort þessi aðför að Páli Winkel sé ekki undan pólitískum rifjum runnin, frá vinum bankabræðra fyrir sunnan. Páll hefur unnið sér það til óhelgi að vera óragur að benda ríkisstjórninni á hvað betur mætti fara í fangelsismálum. Á þeim bænum þola sumir gagnrýni afar illa, eins og fræg fésbókarergelsi sanna.

Eitt af því sem olli pirringi þeirra Bankabræðra var að Páll gaf ekki leyfi fyrir reiðnámskeiði sem þeir höfðu pantað á svæðið, sér til dægrastyttingar. Sá pakki átti að kosta 540 þúsund á mann fyrir utan kostnað við hest og búnað.

Hvernig Siggi Bankabróðir ætlaði að fjármagna sinn part er á huldu, enda maðurinn búinn, vegna blankheita, að óska eftir persónulegum gjaldþrotaskiptum.

Undarlegt er að umboðsmaður Alþingis skuli láta nota sig í svona skítverk.


mbl.is Óskuðu eftir nafnleynd
Tilkynna um óviðeigandi tengingu við frétt

Bankabræður í vanda

Það er greinilegt að frjálsræðið á Kvíabryggju hentar ekki jafn öguðum mönnum og þeim Bankabræðrum Magga , Óla og Sigga, enda kvarta þeir sáran yfir öllu frelsinu og agaleysinu sem því fylgir.

Páll Winkel fangelsisstjóri hlýtur að taka umkvörtun þeirra alvarlega og láta flytja þá á Litlahraun. Þar eru minni líkur á að ofdekrað verði jafn gróflega gegn persónufrelsi og einkalífi dáðadrengjanna.

 


mbl.is Kvartað undan fangelsismálastjóra
Tilkynna um óviðeigandi tengingu við frétt

Trjóuhestur Evrópu

Í ljósi síðustu atburða víðsvegar um Evrópu um áramótin hlýtur það að teljast hin fullkomna blinda, neiti fólk algerlega að horfast í augu við eða vilja ræða þann möguleika - að innflytjendastefna samtímans sé vandamál í sjálfu sér – jafnvel Trjóuhestur okkar tíma.

Hvað þarf að gerast eða hvaða veruleiki þarf að blasa við þeim sjóndöpru áður en málið fæst tekið á dagskrá? Hvaða hætta getur stafað af því að ræða málið?

Umræðan þarf að fara í gang, frá því verður ekki vikist. Annars taka öfgarnar völdin, með öllu sem þeim fylgja.

 

http://www.mbl.is/frettir/erlent/2016/01/08/ofbeldi_i_finnlandi_a_nyarsnott/

http://www.mbl.is/frettir/erlent/2016/01/09/merkel_ihugar_hertari_loggjof/

http://www.mbl.is/frettir/erlent/2016/01/08/arasir_i_svithjod_a_nyarsnott_2/

http://www.mbl.is/frettir/erlent/2016/01/08/31_handtekinn_i_koln/

http://www.mbl.is/frettir/erlent/2016/01/07/svipadar_arasir_i_sviss/


mbl.is „Ég skammast mín virkilega“
Tilkynna um óviðeigandi tengingu við frétt

Krabbamein í lögreglunni

Ég hef fram að þessu borið, eins og eflaust langflestir, fullt traust til lögreglunnar og viljað trúa því að spilling innan hennar væri lítil sem engin.

En nú hafa borist fréttir um alvarlegan heilsufarsvanda lögreglunnar, sem verulega veikja þá trú. Spurningar hrannast upp hjá almenningi, spurningum sem verður að svara á sannfærandi hátt og af fullkominni einlægni og með viðeigandi eftirfylgni.

Ekkert annað getur bjargað trúverðugleika lögreglunnar, sem verður að vera hafin yfir allan vafa.

Lögreglan er sjúk, krabbamein hefur greinst í líkama hennar. Krabbamein hefur þann leiða ókost að vera banvænt, sé ekkert að gert. Eina þekkta lækningin er að eyða meininu, fjarlægja það, til bjargar sjúklingnum.

Engum dettur í hug að hægt sé að lækna krabbamein með því að færa það til. Nema þá ef vera kynni yfirmönnum í lögreglunni, ef fréttir reynast réttar.

Þeir virðast hafa talið nægjanlegt að færa meinsemdina til, þ.e.a.s. ef yfir höfuð var eitthvert mark tekið á ábendingum þar að lútandi og öðrum sjúkdómseinkennum. Forvitnilegt væri að sjá og heyra rökstuðninginn fyrir því.

yfirstrumpur.jpgYfirmenn sem ábyrgð bera á viðgangi sjúkdómsins eiga að axla sín skinn, hvort sem yfirsjón þeirra var vísvitandi framin eða af glópsku viðtekinnar venju. Tilfærslur innan lögreglunnar virðist hafa verið eina meðalið í bókinni, brygðust menn starfsskyldum sínum.

Slík lausn kann að eiga við þurfi að höggva á samskiptavanda manna á milli en í jafn alvarlegu máli sem hér um ræðir dugar slíkt engan veginn. Það hljóta allir að sjá.

Rannsaka þarf þátt allra sem áttu þátt í því að færa krabbameinið til í stað þess að ráðast að rótum þess og uppræta það. Ábyrgðin er allra yfirmanna, sem málið varða, frá þeim lægsta til hins hæsta og þá ekki hvað síst þess hæsta, hans ábyrgð er jú mest, mætti ætla.

Hvaða embætti ætli henti þeim hæsta þurfi hann á bráðatilfærslu í starfi að halda?

Jú mikið rétt er ekki húsvarðarstaðan á Bessastöðum að losna í sumar?


mbl.is Fær gögnin eftir helgi
Tilkynna um óviðeigandi tengingu við frétt

Bannsvæði karla

menn_banna_ir.jpgVarla hafa lætin á sam- félagsmiðlunum, vegna ummæla Þorgríms Þráinssonar um brjósta- gjöf, farið framhjá nokkrum manni.

Ekki er neinn vafi í mínum huga að með ummælum sínum hafi Þorgrími gengið gott eitt til.

En það sama verður varla sagt um sumar þær konur sem í kjölfarið óðu fram á ritvöllinn dreifandi stóryrðum á bæði borð, af fullkominni illgirni á köflum.

Glæpur Þorgríms er helst sá að honum láðist að fá leyfi hjá þessum konum, einkarétthöfum allrar kvenlegrar umræðu, áður en hann fjallaði um mál sem, eins og allir vita, koma körlum  ekkert við.

Ef marka má Hildi Sigurðardóttur, lektor í ljósmóðurfræðum við Háskóla Íslands, þá voru orð Þorgríms ekki alveg út í bláinn.

Konan sú á aldeilis von á góðu!


mbl.is Hafði Þorgrímur rétt fyrir sér?
Tilkynna um óviðeigandi tengingu við frétt

Innskráning

Ath. Vinsamlegast kveikið á Javascript til að hefja innskráningu.