Bloggfærslur mánaðarins, mars 2013

Risinn Mandela

imagesCADWXG57Nelson Mandela er án vafa eitt  mesta stórmennið núlifandi. Hann er án vafa ofarlega á listanum yfir þá einstaklinga sem hvað mest áhrif höfðu á gang sögunnar á síðustu öld.

En ólíkt flestum, sem verma efstu sætin á þeim lista, hefur Nelson Mandela orðið mannkyninu til framfara og blessunar.

  


mbl.is Mandela er enn á sjúkrahúsi
Tilkynna um óviðeigandi tengingu við frétt

Glæpur og refsing

Maður einn gengur út úr verslun með flatskjá án þess að greiða fyrir gripinn og hann er í framhaldinu dæmdur í fangelsi fyrir verknaðinn.

dream-tm_821735Það auðvitað eðlilegt, en giska broslegt í ljósi þess að nýríki aðalinn sem gekk út úr hruninu með milljarða ef ekki tug- milljarða af misjafn- lega fengnu fé í vasanum fær hinsvegar aðeins vinalegt klapp á bakið og góðar kveðjur; „Hafið engar áhyggjur kæru vinir, við afskrifum bara þetta lítilræði!“

Þeir  hinir sömu fá auk þess í flestum tilfellum að halda öðrum „eigum“ sínum  á meðan sömu kröfuhafar passa vel uppá að gengið sé út í hvert horn eftir eigum alþýðunnar.

   ** Klikkið á myndina til að stækka hana.


mbl.is Gekk út með flatskjá án þess að greiða
Tilkynna um óviðeigandi tengingu við frétt

Fylgi Sjálfstæðisflokksins er í frjálsu falli en samt reynir flokkurinn ekki að draga úr fallinu

Það þarf aðeins eina ákvörðun til að stöðva eða draga úr fylgishruni Sjálfstæðisflokksins. Hún er sú að knýja kjánaprikið Bjarna Benediktsson til afsagnar hið snarasta eða rífa hann ella frá bjarniformstýrinu og kasta honum fyrir borð og fela Hönnu Birnu stjórnina.

Innviðir flokksins verða auðvitað eftir sem áður myglaðir  og morknir en þessi kattarþvottur gæti verið flokknum nægjanleg andlitslyfting til að stöðva fall hans eða draga úr því.

Tíminn er naumur og þessa hallarbyltingu þyrfti að framkvæma sem fyrst. En það er engin hætta á að því að það gerist, til þess eru Sjálfstæðismenn alltof spéhræddir og sjálfumglaðir. Þá langaði til að láta Bjarna fjúka á landsfundinum, en brást kjarkurinn. Þeir óttuðust að missa við það andlitið, þetta líka andlit.

 
mbl.is Framsóknarflokkurinn stærstur
Tilkynna um óviðeigandi tengingu við frétt

Hirðfífl Hæstaréttar

Það er gleðilegt að loksins skuli rofa til í Guðmundar og Geirfinnsmálunum, mestu réttarfarsmartröð Íslandssögunnar, málum sem hvílt hafa eins og mara á þjóðinni áratugum saman.

Það þarf að snúa við hverjum steini í þessum málum, fyrr finnur þjóðin ekki frið í sínum beinum. Það þarf ekki hvað síst að rannsaka þátt Ragnars H. Hall í þessu skaðræðismáli. Ragnar var skipaður sérstakur saksóknari á tíunda áratug síðustu aldar til að fara yfir Guðmundar og Geirfinnsmálin vegna beiðni Sævars Ciesielski um endurupptöku þeirra.

bildeCAEMB9NJEftir að hafa „unnið að“ rannsókninni í heilt ár sendir Ragnar loks til Hæstaréttar stutta „greinargerð“ þar sem hann „rökstuddi“ með rangfærslum og ósannindum þá niðurstöðu rannsóknar sinnar að hafna beri endurupptöku beiðninni.

Innihald þessa örskýrslu Ragnars þótti með eindæmum svo hroðvirknislega unnið og illa rökstutt að höfundurinn fékk í sinni stétt viðurnefnið -hirðfífl Hæstaréttar.

Hæstiréttur beit svo höfuðið af skömminni með því að fara að ráðum Ragnars og hafna beiðni Sævars  um endurupptöku Guðmundar- og Geirfinnsmála.

Glæpamennirnir í dómskerfinu og löggæslunni önduðu eðlilega léttar.

Gaman væri að vita hver þóknun Ragnars var fyrir þessa þjónustu hans við réttlætið. Eins þarf að kanna hvort hirðfífl Hæstaréttar hafi, eftir þetta innlegg sitt í helsta réttarfarsmorð Íslandssögunnar, notið sérstaks „velvilja“ Hæstaréttar í þeim málum sem hann flutti fyrir réttinum.

 


mbl.is Fordæmalaus einangrun sakborninga
Tilkynna um óviðeigandi tengingu við frétt

Tveir fyrir einn

Svona í ljósi fáránleikaumræðunnar um færslu Reykjavíkurflugvallar þá hlýtur að vera löngu  tímabært að færa Keflavíkurflugvöll. Það er ómögulegt annað en hann sé fyrir einhverjum. Vantar þeim, sem fengu mannvirkin á vellinum gefins, ekki ódýrar byggingarlóðir? Þarf ekki stjórnviskujöfurinn Árni Sigfúss meira rými fyrir skuldasöfnun?

Af því að við eigum svo mikið af gáfuðu fólki þá er örugglega hægt að fá einhverja verkfræðistofu, með loforði um framtíðarvinnu við verkefnið, til að reikna út gífurlega hagkvæmni þess að færa báða flugvellina í einu, taka tvo fyrir einn.

Vellina mætti færa upp á mitt Reykjanesið, út í miðjan Faxaflóa eða upp á miðjan Grænlandsjökul ef því er að skipta, svo framalega að flugvellirnir  flækist ekki fyrir gáfumannaelítunni við "hagsmunagæslu" heildarinnar.

   


mbl.is Sjötugur flugvöllur slær met
Tilkynna um óviðeigandi tengingu við frétt

Verði Helga "að Góu!"

Helgi í Góu birtir opnu  auglýsingu í Fréttablaðinu  í gær þar sem hann hraunar yfir forsætisráðherra, með réttu eða röngu, vegna þeirrar skammar sem viðgengist hefur á elliheimilum hér á landi í áratugi að aðskilja hjón og setja í herbergi með vandalausum.

Ég er sammála því að aðskilnaður hjóna á elliheimilum er til skammar. En mér finnst þessi paskaegg1auglýsing hans Helga, bæði forkastanleg og siðlaus í alla staði. Þó ekki sé fyrir annað en þá ósvífni að í henni ber Helgi fyrir sig fólk að því forspurðu.

Fullyrðing Helga að þetta frumhlaup hans tengist ekkert páskaeggjavertíðinni, er í besta falli brosleg. Svo bítur Helgi höfuðið af skömminni með því að skella sökinni á auglýsingastofuna. Það er Helgi sem kaupir vinnu stofunnar og borgar birtingu auglýsingarinnar, hann og enginn annar ber ábyrgðina.

„Dýrlingurinn“ Helgi í Góu hefur misst vængina og fallið af stalli sínum. Páskaeggin til barnabarnanna í ár verða pottþétt ekki frá Góu!

 


mbl.is Helgi í Góu: Tengist ekki sölu á páskaeggjum
Tilkynna um óviðeigandi tengingu við frétt

"Groundhog Day"

Hún er stórmerkileg yfirlýsing Magnúsar Orra Schram, að stjórnarskrármálið sé aftur komið á byrjunarreit vegna inngripa Margrétar Tryggvadóttur.

Magnús er einfaldlega að viðurkenna að Samfylkingin sé aftur komin á upphafsreitinn þegar kosningaloforðin voru gefin og full meining var, eða svona fast að því, að standa við þau fyrirheit og aðrar fjallháar yfirlýsingarnar.

Það hlýtur að vera hræðileg reynsla fyrir Íslenskan stjórnmálamann að þurfa að upplifa slíkt.  

Samfylkingin hefur upplifað sinn  „Groundhog“ dag.  


mbl.is „Tundurskeyti“ Margrétar breytti stöðu
Tilkynna um óviðeigandi tengingu við frétt

Íhaldið með nefið hans Gosa

lygariÞarna gaf Bjarni okkur sýnishorn af kosningatak- tík Íhaldsins. Því á að ljúga að kjósendum að Fram- sókn stefni leynt og ljóst að vinstristjórn eftir kosningar. 

Þetta á að hræða þá fjölmörgu Sjálfstæðismenn sem geta  ekki  samvisku  sinnar vegna  kosið  Íhaldið undir núverandi formerkjum, frá því að „svíkja“ lit og kjósa Framsókn.

Þetta herbragð Íhaldsins er dæmt til að mistakast. Því líklegra er að liðhlaupunum klígi meira við stefnumörkun landsfundar flokksins og núverandi formanni hans, og því sem hann stendur fyrir, en hugsanlegri „vinstri“ stjórn undir forystu Framsóknar.

Auk þess vita allir hvoru megin veggjar Framsókn liggur.

  


mbl.is „Lágmarksreisn fyrir þingið“
Tilkynna um óviðeigandi tengingu við frétt

Réð notkun strætó og matreiðslubóka vali páfa?

Er það tákn um einhverja sérstaka auðmýkt og fórnfýsi að nota almenningssamgöngur, taka strætó í vinnuna? Telst það orðið til kraftaverka að malla sjálfur ofan í sig matinn?

Ef þetta tvennt gerir Jorge Bergoglio, nýkjörinn páfa,  sérstaklega hæfan til að gegna stöðu páfa, þá má það sama segja um hundruð milljóna manna sem gera nákvæmlega það sama hvern dag ársins.

Kardínálarnir sem völdu páfann voru sannarlega ekki að hugsa um strætóferðir eða mataruppskriftir þegar þeir völdu hann. Þeir völdu einfaldlega þann úr sínum hópi sem þeir töldu líklegastan til að standa fastast gegn allri hugsanlegri tilslökun á íhaldssemi  og forneskju kaþólsku kirkjunnar.

Þeir völdu, eins og alltaf, þann afturhaldssegg sem þeir töldu líklegastan að standa áfram gegn mannréttindum minnihlutahópa, sem kaþólska kirkjan hefur fram að þessu úthrópað sem útsendara djöfulsins.

Vegir Guðs, eða réttara sagt þeirra sem túlka hans vilja, eru sannarlega órannsakanlegir.

  
mbl.is Auðmjúkur páfi tók strætó í vinnu
Tilkynna um óviðeigandi tengingu við frétt

Hungur í Borgarnesi

Það er ekki eðlilegt hvernig matvæli hverfa í Borgarnesi. Fyrst lax, svo nautakjöt og aftur lax.

Ekki er ólíklegt að laxaþjófarnir séu þeir sömu og stálu nýverið öllu nautakjöti úr nautabökum Gæðakokka. Bökurnar reyndust, sem kunnugt er, alveg gersneyddar öllu nautakjöti þegar að var gáð, öllum til undrunar.


mbl.is Aftur stolið frá Eðalfiski
Tilkynna um óviðeigandi tengingu við frétt

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband