Bloggfærslur mánaðarins, janúar 2009

Farinn í bloggfrí

letihaugurKæru bloggvinir og aðrir lesendur.

Nú þegar Bush er horfinn úr  Hvítahúsinu, nokkuð sem heimsbyggðin hefur beðið eftir í 8 ár, verður þvílíkt spennufall að ég hef ákveðið að taka glaðurmér frí frá bloggi um óákveðin tíma.

Ég mun snúa aftur.


Þjóðin var rænd

Af hverju lá svona á að selja, var ekki búið að segja að vert væri að bíða þar til að verðmætin skiluðu sér til baka?

Hvaða spor lá á að hylja, hvaða slóð þurfti að moka yfir?

Hagsmunir hverra hvöttu til sölu?

Voru það hagsmunir hins nýja eiganda bankans, þjóðarinnar?

Klárlega NEI!

Var það ekki skylda ríkisstjórnarinnar, sem fór með þessa eign þjóðarinnar að gæta hagsmuna ránfuglinnhennar?

Af hverju gerði hún það ekki?

Skýringin er einföld og felst í skipuriti Sjálfstæðisflokksins. Fyrst koma flokkseigendur, svo flokkurinn og þjóðin rekur lestina. Spegilmyndinni er síðan haldið að kjósendum.

.


mbl.is Glitnir ASA seldur á brot af raunvirði
Tilkynna um óviðeigandi tengingu við frétt

Reykjaselmosvogur.

Þegar stjóprnskipuð sameiningar manía tröllreið sveitar félögum á landsbyggðinni fyrir nokkrum árum, voru sveitarfélög sumstaðar sameinuð, sameiningarinnar vegna þvert á alla skynsemi, bæði landfræðilega og hugmyndafræðilega.

olafur f magnússonEkki þótti þá tímabært að sameina sveitarfélögin á höfuðborgarsvæðinu, var jafnvel tabú að orða þann möguleika.

Nú hefur hið framsýna og vanmetna stjórnmálatröll Ólafur F. Magnússon lagt til að þorpin á höfuðborgarsvæðinu verði sameinuð. Ólafur sér framtíð sinni örugglega betur borgið í sameinuðu þorpi.

Legg til að hið sameinaða þorp verði nefnt Mosreykjaselvogur eða Reykjaselmosvogur.

.

  
mbl.is Sveitarfélög á höfuðborgarsvæðinu verði sameinuð
Tilkynna um óviðeigandi tengingu við frétt

Himnaförin

Smá glens.......

Mótmæli við Alþingishúsið fóru illilega úr böndunum einn daginn og því voru þau komin til himna, Geir Haarde, Steingrímur J og Ingibjörg Sólrún.

Mjög óvænt tók Guð sjálfur á móti þeim, bauð þau velkomin og sagði að vegna þess að þau væru látin gjalda ástandsins á Íslandi, sem þau vissulega ættu enga sök á, ætlaði hann að veita þeim eina ósk.

Hver er þín ósk Geir? Spurði Guð.

„Ég vil að þú þurrkir út Vinstri-græna“, svaraði Geir.

Hver er þín ósk Steingrímur? Spurði Guð.

„Ég vil að þú afmáir Sjálfstæðisflokkinn“ svaraði Steingrímur.

Og hver er þín ósk Ingibjörg? Spurði Guð.

„Ja ef þú getur komið þessu í kring fyrir þá herrana þá læt ég mér nægja einn bolla af kaffi“.


mbl.is „Fólk var að bíða eftir þessum degi“
Tilkynna um óviðeigandi tengingu við frétt

Heimurinn andar léttar

 

Obama 12Þegar þetta er skrifað er aðeins hálf klukkustund  þar til Barak Obama sver embættiseið sem 44. forseti Bandaríkjanna. 

Þessi valdaskipti eru fyrir margra hluta sakir merkileg, ekki aðeins fyrir það að nú tekur við völdum fyrsti svarti forsetinn  í sögu Bandaríkjanna, heldur líka og ekki síður fyrir þær sakir að frá völdum fer einhver óvinsælasti og slakasti forseti Bandaríkjanna.

Obama  er ekki öfundsverður af því hlutskipti að taka við forsetaembættinu úr hendi Bush eftir 8 ára afspyrnuslappa forsetatíð hans.  Nánast ekkert jákvætt er hægt að nefna til minningar um veru Bush í Hvítahúsinu, flest allt hefur farið miður, bæði heima og að heiman.

Bandaríkin hafa aldrei í sögunni mátt þola jafn mikla pólitíska niðurlægingu og haft jafn slæmaBush skjaldarmerki ímynd erlendis og nú eftir valdatíð Bush,  jafnt meðal ríkisstjórna og almennings.

Eins og venja er verður stofnað bókasafn í nafni fráfarandi forseta. Ekki verður það stórt eða mikið að vexti verði það sniðið eftir andlegum gjörfugleika nafngjafans.  

Bush verður af fáum saknað. Nú fara nýir tímar í hönd, heimurinn andar léttar.

.

 
mbl.is Gífurlegt fjölmenni í Washington
Tilkynna um óviðeigandi tengingu við frétt

Ljáið okkur eyra

Er allt að fara í bál og brand á Austurvelli? Ástandið virðist svo viðkvæmt að lítið sem ekkert þarf til að uppúr sjóði.

 Hvað þarf margar svona uppákomur svo Geir og Solla veiti því eftirtekt?

 Þarf að bíða þess að eitthvað alvarlegt gerist áður en stjórnvöld hætta að mæta sanngjörnum kröfum landsmanna með hroka og stærilæti og  láta svo lítið að ljá lýðnum eyra?

Ástandið á bara eftir að versna, getur ekki annað meðan ekki fæst annað frá Geir og Sollu en fingurinn og jafnvel ofbeldisandstæðingurinn ég,  er farinn að endurmeta þá afstöðu.


mbl.is Svæði við þinghúsið rýmt
Tilkynna um óviðeigandi tengingu við frétt

Össur fær prik

broskarl

Takk fyrir það Össur, takk fyrir.

.

.


mbl.is Ísraelskur ráðherra afboðar komu sína
Tilkynna um óviðeigandi tengingu við frétt

Ný Framsókn. - En sama Íhaldið, fúlt og feyskið

 Nýr Framsóknarflokkur er risin úr öskunni líkt og fuglinn Fönix, gljáfægður og fortíðarlaus. Gömlu Framsókn kastað  á hauga sögunar ásamt gamla forystusettinu, ný forysta valin, ungt fólk, ferskt og til als líklegt.

Sá formanns kandídat sem flestir töldu fyrirfram líklegastan til sigurs, beið afhroð, enda grasrót flokksins ljóst að endursköpun flokksins  væri ekki trúverðug, yrði maður með lík í farangrinum kosinn formaður.

Ljóst er, hvað sem öðru líður að Framsókn hefur, eða vill draga lærdóm af atburðum og mistökum síðustu missera og ára. Hvort þetta dugir svo til að auka fylgi Framsóknar verður að koma í ljós.

Um aðra helgi verður Landsfundur Sjálfstæðisflokksins haldinn. Ekki eru sýnilegar eða boðaðar breytingar á stefnu eða forystu. Á þeim bænum hefur enginn sýnilegur lærdómur verið dregin af fingurinn2fingurinn2þeim ósköpum sem yfir þjóðina hefur gengið.  Systkinin Hroki og Drambsemi verða í öndvegi  landsfundarins með öndvegissúlurnar Löngutangir til beggja handa.

Áfram verður boðið upp á gamla spillingarsettið, áfram verður ríghaldið í fallnar kennisetningar frjálshyggjunnar. Heilbrigðisráðherrann verður vafalaust hylltur fyrir frjálshyggjutrúfestu sína þar sem hann stendur í logandi og rjúkandi rústum einkavæðingarinnar miðjum og reynir hvað hann getur að rústa heilbrigðiskerfinu og þoka því inn á braut einkavæðingar, án þess að eftir því verði tekið í ringulreiðinni.

„Það eru mjög spennandi tímar framundan hjá Sjálfstæðisflokknum," sagði varaformaðurinn Þorgerður Katrín, en það er deginum ljósara að fyrir þjóðina, sem nú hefur verið klyfjuð oki 18 ára stjórnarsetu Sjálfstæðisflokksins, verður spenningurinn að bíða um sinn.


mbl.is Ábyrgð á efnahagshruninu
Tilkynna um óviðeigandi tengingu við frétt

Glöggt er gests augað

Jaap de Hoop SchefferJaap de Hoop Scheffer framkvæmdastjóri NATO ætti í framhaldinu að beina sjónum sínum að Íslenskum veruleika ekki síður en þeim Afganska.

Hvernig stjórnvöld, standa blóðug upp fyrir haus eins og í mynd eftir Quentin Tarantino að fela blóðuga spillingarslóð sína í einkavæðingar- og bankasukkinu og öllu í kringum það.

Ætli færi ekki léttur hrollur upp eftir bakinu á vininum og til baka aftur.

  
mbl.is Stjórn Karzais spillt
Tilkynna um óviðeigandi tengingu við frétt

Klárlega heimsmet

Sigmundur Davíð Gunnlaugsson hefur nú tekið við formennsku í Framsóknarflokknum af Höskuldi Þórhallssyni  fráfarandi formanni sem gegndi því embætti í fimm mínútur, sem hlýtur að vera heimsmet.

Höskuldur býður sig ekki fram í varaformanninn þar sem honum þykir raunhæfara að vinna sig upp en ekki niður.

  
mbl.is Formaður í fimm mínútur
Tilkynna um óviðeigandi tengingu við frétt

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband