Sprotafyrirtæki lokað?

Ein tunna af gambra verður aldrei efni í annað en sakleysislegan „heimilisiðnað“. Það er ekkert eðlilegra en menn reyni að bjarga sér á þessum síðustu og verstu tímum.

Ólíklegt er annað en þeim muni fjölga á næstu mánuðum sem framleiða sjálfir sína brjóstbirtu.

Þótt þetta sé ólöglegt samkvæmt lagana hljóðan sé ég sé ekkert athugavert við svona smáiðnað til persónulegra nota, meðan ekki er framleitt til sölu í börn og unglinga.

Það er hlutverk Lögreglunar að halda uppi lögum í landinu, svo þeirra aðgerð  í málinu er í því ljósi skiljanleg.

En það er lítt skiljanlegt að á sama tíma hafa margfalt alvarlegri hlutir gerst í þjóðfélaginu sem eru látnir, að því er virðist,  óátaldir og ekki í sjónmáli að breyting verði þar á.

Lokuðu bruggverksmiðju

"Fyrsti dagur ársins í Bláfjöllum"

Mikið er gott að nýársdagur hafi loksins séð sér fært að mæta í Bláfjöllin.  

Það verður óheppilegt að hafa dagatalið þar 18 dögum á eftir tímatali í byggð.

Ef þeir fækka stundum sólarhringsins niður í 20 uppi þar, ná þeir að vinna þetta upp fyrir vorið.

Gleðilegt ár Bláfjöll.

 

Fyrsti dagur ársins í Bláfjöllum

Gefum lífinu líf

Væri ekki ráð að gefa almenningi þessar plöntur til gróðursetningar frekar en að keyra þær á haugana engum til gagns.

Borgar fyrir eina en færð þrjár plöntur, eða þannig fyrirkomulag.

.

.

Milljón trjáplöntur á haugana

Geir rýnir í framtíðina

Geir Haarde hefur sýnt, svo ekki verður um villst að hann hefur ekki framtíðarsýn sem mark er á takandi. 

Í fyrra kom karl anginn í nánast hvern fréttatíma frá áramótum fram í október og spáði framtíðinni glæstri með hagsæld, gróða og smjöri drjúpandi af hverju strái.

Sá spádómur sprakk framan í þjóðina með eftirminnilegum og þjáningafullum hætti.

Nú segir Geir, eftir samfelda efnahagsstjórn í 18 ár, hafa þá sýn að takist honum að gera árið 2009 nógu erfitt muni árið 2010 kannski verða betra undir jólin.

 

Geir: Árið verður mjög erfitt

Höfuðverkur tískufrömuða

Ætli frú Obama verði ekki bara í nýju fötum keisarans?  

Það væri skemmtileg og áhugaverð tilbreyting sem lengi yrði í mynnum höfð.

Erfitt að toppa það.

.

 

Hverju klæðist Michelle Obama við embættistökuna?

Með sjálfan sig að hugsjón

Ástþór Magnússon er samur við sig. Nú hafa „Nýjar raddir“, sem er ný flétta Ástþórs, boðað fund á Austurvelli í dag á sama tíma og Raddir fólksins, sem haldið hafa fundi þar vikum saman.  

Ástþór hefur að eigin sögn ekki verið hleypt að sem ræðumanni hjá Röddum fólksins. Ástæðan er augljós, Ástþór hefur aldrei rúmast í fjöldahreyfingum, sem snúast um annað og meira en persónuna Ástþór Magnússon.

Þegar Ástþór fær ekki að halda ræðu hjá Röddum fólksins þá snýr hann sér að því að eyðileggja fyrir þeim.

Gaman að Ástþór skuli titla þessa „nýju rödd“ sína í fleirtölu, nema hann sé sjálfur í fleirtölu persónulega, sem er ekki ósennilegt, fljótt á litið.

Tilgangur Ástþórs með þessu brölti sínu er ljós og hefur alltaf verið. Friður 2000, sem er nú virðist vera ófriður 2009,  hafa aldrei frá upphafi þjónað yfirlýstu markmiði sínu. Eina markmið „samtakana“ hefur verið og verður, að auka dýrð persónu Ástþórs Magnússonar, maðurinn hefur sjálfan sig að hugsjón.

 

Fundurinn ólöglegur?

Að hafa vit fyrir öðrum.

Ætli hún Pamela okkar Anderson fengi ekki gæsahúð á tvíburana ef þessir flækingshundar væru á vappi kringum villuna hennar í Holly, berandi með sér alskyns sjúkdóma auk þess sem flækingshundar eru almennt ekki talin nein gæludýr.  

.

.

.

„Hundar geta ekki notað smokka“

Alþýðulýðveldið N- Kórea

Ja, lengi skal manninn reyna, er virkilega til fólk á Íslandi sem lítur Norður Kóreu vonaraugum sem fyrirmyndaríkisins eina og sanna?

Væri ekki ráð að það fólk brygði sér af bæ, færi og kannaði sæluna á eigin skinni áður en það reynir að þröngva henni upp á aðra?

Beinir þetta vináttufélag vináttu sinni að þjóðinni  sem sveltur heilu hungri eða valdhöfunum sem hafa sjálfa sig að hugsjón og horfa á lýðinn veslast upp og hafast ekki að.

Heimasíða Alþýðulýðveldisins Kóreru á íslensku.

 

 

N-kóreskar fréttir á íslensku

Smá ljós í myrkrinu.

Utanríkisráðherra  Íslands hefur sýnt þann manndóm að tilkynna menntamálaráðherra Ísraels, Yuli Tamir,  að hún sé ekki velkomin til Íslands eins og sakir standa.

Sú Ísraelska hafði boðað komu sína óboðin, sem mun vera liður í  sjálfsboðs ferðum þarlendra ráðherra vítt um Evrópu þeirra erinda að reyna að bæta ímynd Ísrael, sem rís ekki hátt um þessar mundir.

Fyrir menn sem skilja ekki hvers vegna heimurinn er á móti hernaðaraðgerðum þeirra í Palestínu, væri vænlegra  að halda sig heima og vinna að því þar að bæta ímyndina með jákvæðri og uppbyggilegri stefnu, frekar en einhverju innihaldslausu orðagjálfri á ferð um Evrópu.

Ætli sé samstaða í ríkisstjórn Íslands um þessa ákvörðun utanríkisráðuneytisins?

Heimsókn Ísraela til Íslands afþökkuð

Hégómalyf

Nei ég er ekki að vísa til lyfs við hégóma með fyrirsöginni  þótt full þörf sé á slíku lyfi. Ekki er líklegt að slíkt lyf yrði vinsælt, ekki meðal kvenþjóðarinnar að minnsta kosti.

Hégómi hverskonar er varðar útlit getur orðið nánast sjúklegur og ekkert er til sparað að fullnægja honum.

Þetta lyf sem ætlað er til að svala hégóma, eykur vöxt  augnhára og þykkir, verður án vafa afar vinsælt þrátt fyrir viðvaranir um óheppilegar aukaverkanir. 

  

Lyf sem lengir augnhár