Bloggfærslur mánaðarins, janúar 2008

Stjörnuuppeldi

Í hinum enskumælandi heimi (nei Ísland er ekki meðtalið) þarf ekki oft mikið tilefni eða mikla menn til að bækur um ekki neitt séu skrifaðar og gefnar út í bílförmum.

Nú ku ein menningarperlan í heimsbókmenntunum vera um það bil að fæðast.  Allavega ef marka má upphæðina sem greidd er inná verkið. Litlar 300 milljónir, bara fyrir hugdettuna!

Höfundurinn Victoria Beckham  var um daginn spurð um ráð varðandi barnauppeldi af Katie Holmes. Og ekki að sökum að spyrja, hún Vica litla sá að hér mætti ekki við svo búið standa. Um málið yrði að skrifa bók. Málið væri brýnt. Svo fólk almennt vissi hvernig bæri að haga uppeldinu. 

Ekki skil ég hvernig manneskja, sem aldrei hefur að eigin sögn, lesið bók til enda ætlar að skrifa eina slíka til enda.

Skyldu barnapíurnar, sem hampa börnum hennar daginn út og inn og rétt ná að skjóta þeim til mömmu til að fá frá henni koss fyrir svefninn, verða spurðar álits í þessari stórstjörnuuppeldisbók?

 

Áramótaávarp

Nú hafa þeir báðir, forsætisráðherra og forseti Íslands flutt sín áramótaávörp. Þeim mæltist báðum vel. Mestu tíðindin voru í ávarpi forsetans.

Hr. Ólafur Ragnar Grímsson forseti hefur tekið af skarið og tilkynnt að hann hyggist bjóða sig fram fjórða kjörtímabilið. Ég fagna því.


Innskráning

Ath. Vinsamlegast kveikið á Javascript til að hefja innskráningu.

Hafðu samband