Bloggfærslur mánaðarins, janúar 2011

Hvað er í gangi, Eiður ekki með?

Eiður Smári Guðjohnsen  verður víst ekki með á móti Wolves í fjórðu umferð ensku bikarkeppninnar í dag.

Bjarni Ben eða Sigmundur Davíð verða ekki heldur með, hvað þá hinn sólbrúni, mega massaði og eðalsykuræti Gilsenegger og þá ekki hinn eðalsnjalli og frábæri leiðindagaur Sveppi eða aðrar álíka fjárafígúrur.

Hvernig getur þessi leikur unnist, svona gersamlega ómannaður íslenskum mannleysum?


mbl.is Eiður Smári ekki með Stoke
Tilkynna um óviðeigandi tengingu við frétt

Lýðræðissinnaðir gyðingar, eru þeir til?

Ísraelsmenn, þessir margrómuðu „lýðræðis“ unnendur fyrir botni Miðjarðarhafsins hafa fram að þessu ekki haft verulegan beyg af meintum, en „jákvæðum“ lýðræðishalla í nágrannaríkjunum þeirra. 

Vegna hernaðaryfirburða, af kjarnorkuvopnum m.a. hafa Ísraelsmenn, jafnframt því að sitja í skjóli mesta herveldis heims, getað farið algerlega sínu fram  gagnvart sínum eigin borgurum arabískum, sem og Palestínumönnum í herteknum löndum þeirra.

Það er því broslegt að þessir lýðræðis og mannunnendur, skuli fyllast ótta yfir hugsanlegri lýðræðisþróun í Egyptalandi.

Fyrir alla muni lesið blogg Villa Köben, hans gyðinga"mannúð" lætur engan ósnortinn!   

 


mbl.is Ísraelsmenn óttast að landamærin verði opnuð
Tilkynna um óviðeigandi tengingu við frétt

Er naglinn gjaldþrota?

Af  fréttum undanfarna daga að dæma,  eru vandamál Berlusconi gamla ekki fjárhagsleg heldur eingöngu vegna þess að samskipti hans við konur hafa verið langt umfram það sem rúmast innan meðalhófs.

Ekkert hefur komið fram um það áður að Berlusconi sé í verulegum fjárhagsvandræðum eða gjaldþrota, eins og fullyrt er í þessari frétt.

Sennilegast er að blaðamaðurinn, sem þýddi þessa frétt, hafi ekki hugmynd um hvað orðatiltækið „að berjast í bökkum“ þýðir og hafi ekki minnsta grun um að hann hafi snúið fréttinni á haus með fyrirsögninni, sem segir þennan kynóða forsætisráðherra vera  orðin gjaldþrota! 


mbl.is Berlusconi berst í bökkum
Tilkynna um óviðeigandi tengingu við frétt

Og...

...verða motturnar til sýnis?

 


mbl.is Íslenskar stelpur safna skapahárum
Tilkynna um óviðeigandi tengingu við frétt

Vilja Íslendingar efla Norska tungu?

Naumast er það nú hrokinn í stúlku kindinni að vilja ekki verða Íslenskur ríkisborgari! Rýjan kann ekki gott að meta og getur þá étið það sem úti frýs.

Þeir hefðu getað sparað sér þetta vinaþel þeir Sigmundur Meig Nokkuð Á Þig Hundur og Árni í Grjótinu.

Helstu rök þeirra félaga með þessum snöggsoðna ríkisborgararétti, samkvæmt lagafrumvarpi þeirra félaga, var hvað hún talar góða norsku og það væri einlægur vilji og skylda Íslendinga að hlúa að norskri tungu, sem væri móðurmál íslenskunnar!  

Ekkert minna!

  
mbl.is Amelie vill ekki verða Íslendingur
Tilkynna um óviðeigandi tengingu við frétt

„Líkar þetta“!

Challenger_flight_crewÍ dag 28. janúar eru liðin 25 ár frá hinu hörmulega slysi, þegar geimferjan Challenger fórst í flugtaki og með henni öll áhöfnin, fimm karlar og tvær konur.

Þetta slys var átakanlegt og hugur alls heimsins  var með Banda- rísku þjóðinni á þessum erfiðu tímum. Þetta var svo áhrifaríkur atburður að flestir muna örugglega enn hvar þeir voru staddir þegar fréttirnar bárust.

Neðan við allar fréttir á mbl.is er stórundarlegur hnappur sem heitir „Líkar þetta“. Þegar þetta er ritað hafa 11 ýtt á þennan hnapp og staðfest þannig ánægju sína!

Mér er spurn, hvað er það í þessari frétt og bakgrunni hennar sem gleður þetta fólk?


mbl.is 25 ár á morgun frá Challenger-slysinu
Tilkynna um óviðeigandi tengingu við frétt

Eru menn viltir í listinni?

Allur fjárinn er sagður list nú til dags,  hverstagslegir hlutir og fyrirbrigði verða að svo stórfenglegum listaverkum að listfræðingar mega vart vatni halda yfir mikilfenglegum „sköpunarverkunum.“ Almenningur grípur svo andann á lofti, rétt eins og yfir nýju fötum keisarans í ævintýrinu.

Nýjasta listabullið er hið „stórfenglega listaverk“ Ólafs Elíassonar þar sem hann fyllir langan kassa af gufu, þar sem listunnendurnir fara inn um annan endann fullir eftirvæntingar og þreifa sig áfram gegnum rýmið eins og blindir kettlingar og koma síðan út um hinn endann fullir af andakt yfir allri listinni sem fyrir augu bar.

En svona getur maður verið tregur, að sjá ekki alla listina allt í kringum mann.  Undarlegt var því að maður skyldi ekki hafa hugmynd um eða átta sig á að maður væri staddur í miðju listaverki, þegar maður var að þvælast í Skagaheiðinni forðum og lenti oft í svo bika svartri þoku að maður vissi ekki hvort að maður væri að koma eða fara, eða hvort árnar rynnu til hafs eða fjalla.

Næst þegar einhver „týnist“ í þoku geta menn andað rólega, vitandi að viðkomandi hefur sennilega bara gleymt sér í aðdáun á allri listinni allt um kring.


mbl.is Regnbogi Ólafs kemur í ljós
Tilkynna um óviðeigandi tengingu við frétt

Æ,æ...

...já segi og skrifa æ, æ.....mikið er á okkur lagt!

 


mbl.is Charlie Sheen fékk í magann
Tilkynna um óviðeigandi tengingu við frétt

Gott er að hafa rétta tilfinningu fyrir sjálfum sér

„Mér líður eins og asna“,  segir Mr. Sebastian Minsterman eftir að hann lét narra út úr sér 85.000 dali í þeirri von að hann fengi greiddan 980.000 dala lottóvinning.

Það er ekkert skrítið að karlanganum Sebastian líði eins og asna, það þarf sennilega fullkominn asna til að trúa því að hann hafi unnið stóran vinning í happdrætti án þess að taka þátt í því.

  


mbl.is Nafn Íslands notað í svindli
Tilkynna um óviðeigandi tengingu við frétt

Hvenær er barn barn og hvenær er barn ekki barn?

Það er undravert, að í því annálaða lýðræðis- og réttarríki Bandaríkjunum, að ekki skuli vera hreinar línur hvenær börn verða unglingar og hvenær unglingar skuli teljast fullorðin, þegar þeim verður á í messunni og komast í kast við lögin.

Það virðist gersamlega háð geðþáttaákvörðun eða tilfinningalegu mati dómara og annarra matsaðila hvort  jafnvel 11 ára barn teljist vera barn eða fullorðinn einstaklingur þegar afbrot barnsins  verður dómtekið.  

Það er ekki að sjá, að sú hugsun að 11 ára barn verði hugsanlega dæmt til lífstíðar í „hardcore“ fangelsi ríkisins angri ráðamenn eða almenning yfir höfuð.

Undarlegt verður að teljast að hið rómaða Bandaríkjaþing skuli á þessu herrans ári 2011 ekki enn vita hve lengi börn skuli teljast börn. En það verður að viðurkennast að félagsmál hafa einfaldlega átt  undir högg að sækja í þessu draumaríki íslenskra íhaldsmanna og mönnum þar á bæ hefur ætíð hugnast betur að senda börnin fram fyrir byssukjafta, en vernda þau og rækta.


mbl.is Tekist á um réttarhöld yfir 13 ára meintum morðingja
Tilkynna um óviðeigandi tengingu við frétt

Næsta síða »

Innskráning

Ath. Vinsamlegast kveikið á Javascript til að hefja innskráningu.