Færsluflokkur: Fréttir

Sorglegt

Grunur leikur á að fréttin hafi verið birt án þess að hirt væri um að tilkynna ættingjum hinnar látnu sviplegt fráfallið. Skamm!

Málið er í rannsókn!


mbl.is Álft fannst dauð við Bakkatjörn
Tilkynna um óviðeigandi tengingu við frétt

5...6...7...8...

Vá hann er fimm daga gamall í dag, litli Svía-prinsinn.

Á morgun verður hann svo sex daga gamall og 7 daga á miðvikudaginn.

Sennilega eldist hann svo um einn dag á dag alveg eins og öll önnur börn sem fjölmiðlar ákveða af einhverju ástæðum að séu ekki fréttar virði.

 


mbl.is Svíaprins fimm daga gamall
Tilkynna um óviðeigandi tengingu við frétt

Hver er munurinn á Högum og listamönnum?

Vegna ásakana sem stjórn Rithöfundasambands Íslands segist sitja undir vegna nefndarmanna í úthlutunarnefnd launasjóðs rithöfunda var send út sérstök tilkynning frá stjórninni um helgina.

Þar segir; .... „að Rithöfundasambandið hafi átt frumkvæði að því að Bandalag íslenskra listamanna hefur nú sett á laggirnar starfshóp sem mun yfirfara verklag við skipun úthlutunarnefnda launasjóðanna og skoða allt sem betur mætti fara í verklaginu“.

Samhliða þessu varð mikil umræða í samfélaginu um áfengisfrumvarpið svonefnda, að heimila sölu áfengis í matvöruverslunum.

Nokkur titringur varð þegar í loftið fór tilgáta þess efnis að Hagar, sem beinna hagsmuna eiga að gæta, hafi samið frumvarpið en ekki þingmaðurinn, flutningsmaður þess.

Flestum þótti sú meinta aðkoma Haga að málinu ótæk og í hæsta máta væri óeðlilegt að aðilar út í bæ semdu þingfrumvörp um beina hagsmuni þeirra sjálfra.

Þá má spyrja, ef það er óeðlilegt að Hagar semji frumvarp um eigin hagsmuni varðandi áfengissölu er þá eðlilegt að listamenn semji alfarið sjálfir leikreglurnar og ákveði verklagið varðandi úthlutun listamannalauna til sjálfra sín?

 


mbl.is Verklag við úthlutun endurskoðað
Tilkynna um óviðeigandi tengingu við frétt

Bað í áfengisanda

"Voru nokk­urra sentí­metra lang­ir nagl­ar, sem eru jafn­an baðaðir í áfengisanda, rekn­ir í gegn­um hend­ur og fæt­ur fólks­ins og það síðan reist upp á trékross..."

Þeir á Mogganum eru álíka góðir í Gúglinu og Sveinbjörg Birna.


mbl.is Létu krossfesta sig í morgun
Tilkynna um óviðeigandi tengingu við frétt

Skítlegt eðli

Samkvæmt viðhengdri frétt virðast engin takmörk vera á því hversu mikill óþverraháttur og óeðli getur rúmast í einum manni!


mbl.is Nauðgaði syni sínum á fyrsta ári
Tilkynna um óviðeigandi tengingu við frétt

Frægur á Íslandi

Bandarískur hermaður fellur í Afganistan. Fall þessa mans þykir svo merkilegt á Íslandi, umfram aðra fallna „nafnleysingja“ þarlendis að dauði hans verður að sérstakri frétt.

Hvað var það sem gerði þennan mann svo merkilegan í augum hérlendra blaðasnápa, var maðurinn stríðshetja, hátt settur foringi eða mægður forsetanum?

Nei miklu merkilegra en það, þessi maður hafið nefnilega deilt rúmi um tíma með daðurdrósinni Britney Spears.

Meira þarf nú ekki til að verða mönnum harmdauði á Íslandi hinu góða.

 


mbl.is Fyrrverandi kærasti Spears féll í Afganistan
Tilkynna um óviðeigandi tengingu við frétt

His royal highness, the "rapist"

the-royal-shit.jpgÞetta var þessu lúða liði líkt og segir allt sem segja þarf um innrætið.

Með nafnbirtingunni hefur konungsfjölskyldan selt veiðileyfi á stúlkuna sem sakar „hans hátign“ drottningarsoninn um kynferðislega misnotkun.

Skítlegt eðli, segi ekki annað.


mbl.is Konungsfjölskyldan nafngreinir stúlkuna
Tilkynna um óviðeigandi tengingu við frétt

Horft í ranga átt

Það er undarlegt að mbl.is skuli telja nauðsynlegt að stafla upp fréttum af hverri hreyfingu parsins Jay og Bey og nú síðast sérstakri frétt af því hvað þau átu.

lystugur_1251156.pngHvað varðar landsmönnum um það hvað þau éta, borga þau ekki matinn sinn sjálf?

Mbl.is væri nær, þurfi að fjalla um matarvenjur fólks, að fræða okkur um það hvað Bjarni Ben og Sigmundur éta dagsdaglega á kostnað skattgreiðenda!


mbl.is Jay og Bey pöntuðu Tokyo Sushi
Tilkynna um óviðeigandi tengingu við frétt

Hættið að taka myrt fólk af lífi

Hvernig í andsk...... stendur á því að íslenskir fjölmiðlar þrástagast á því að kalla hrein og klár kaldrifjuð morð aftökur. Er máltilfinning blaðamanna virkilega orðin svona slöpp?

Aftaka og morð er hreint ekki það sama.  Morð verður aldrei annað en morð, hvernig sem það er framkvæmt eða sviðsett.


mbl.is Hótanir hafi aðeins öfug áhrif
Tilkynna um óviðeigandi tengingu við frétt

"Fíkniefna" hundar

Að því er best verður séð er þessi frétt, sem færslan er tengd við, fátt annað en ólögleg og aum auglýsing dýralæknastofu. Reynt er með „fréttinni“ að koma því inn hjá hundaeigendum að hundar komist hreinlega ekki í gegnum daginn nema rutt sé í þá dópi. Gegn hóflegu gjaldi leysir læknastofan vandann.

Í kjölfarið á þessum „stórasannleik“  má gera ráð fyrir að vanstilltir hundaeigendur þyrpist til dýralækna til að fá ávísanir á róandi lyf fyrir hundana sína. Lyf sem viðkomandi hundaeigendur ættu þá frekar að sækja til sinna heimilislækna, handa sjálfum sér.

Fljótlega laumar svo dýralæknastofan að sambærilegri auglýsingu í formi fréttar hvar þeir bjóða upp á  meðferðarúrræði fyrir hunda sem eru illahaldnir eftir langvarandi notkun á róandi- og kvíðastillandi lyfjum.  Með öðrum orðum að þeir munu bjóðast til að leysa á vandann sem þeir sköpuðu, og eins og fyrr, gegn hóflegu gjaldi - auðvitað!


mbl.is Hundar þjást af aðskilnaðarkvíða
Tilkynna um óviðeigandi tengingu við frétt

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband