Hrærivélarbátur kom til hafnar

Hún er orðin svolítið þreytandi þessi  síendurtekna „beitningarvélarbáta“ tugga á mbl,is. Hvaða fyrirbrigði eru þessir svokölluðu beitningarvélabátar? Jú það munu víst vera bátar sem veiða á línu og hafa vél um borð sem beitir línuna.

Bátar sem veiða á línu, hafa svo lengi sem ég man verið kallaðir línubátar og ekkert kallar á breytingu á þeirri nafngift þó beitning línunnar hafi verið vélvædd og færð um borð.

Beitningarvélin, sem slík, er aðeins hluti af búnaði bátsins rétt eins og hrærivélin í eldhúsinu. Engum dettur þó í hug, þrátt fyrir tilvist hrærivélarinnar  að fara að kalla viðkomandi bát hrærivélabát nema þá ef vera kynni blaðabörnunum á mbl.is, sem virðast gersneyddir allri máltilfinningu.

 

Kom til hafnar vegna bilunar

-Sjón er sögu ríkari- segir mbl.is

Í viðhengdri frétt, sem hefur fyrirsögnina „Phillips kann ekki íslensku“  ásamt  klipptu og margsamsettu myndbandi úr viðtali við Kevin þennan Phillips, er hæðst að erfiðleikum Philips að bera fram nafn Gylfa Sigurðssonar. Það er að sjá eini tilgangur fréttarinnar.  

Blaðabörnin á mbl.is ættu ekki að gera grín að íslenskukunnáttu útlendinga þegar varla er birt frétt á miðlinum sem er ekki full af ambögum, google þýðingum og annarri misþyrmingu á íslensku máli.

Já, sjón er sögu ríkari.

 

(Ath. klikka þarf á hljóðmerkið efst í vinstrahorni á myndbandinu til að fá hljóðið) 

Phillips kann ekki íslensku

Appelsínurautt!

Appelsínurautt, er það nýr litur, eða bara blaðamannabarnamál?

 

Þyrlurnar verða appelsínurauðar

Aðgát skal höfð....

Af hverju fær Michael Schumacher og hans fjölskylda ekki frið í þeirra erfiðu baráttu? Er raunveruleg eftirspurn eftir stöðugum fréttum af líðan hans fréttatíma eftir fréttatíma? Færi allt á hliðina þó æsingurinn yrði aðeins róaður miður og ekki bærust linnulausar fréttir frá sjúkrahúsinu um allt sem tengja má við manninn?

Stórmerkileg hefur mér þótt umfjöllun RUV um slysið og eftirmála þess. RUV hefur nánast eingöngu fjallað um málið í íþróttafréttunum en ekki  í almennum fréttum eins og ætla mætti. Er rétt að fjalla um þetta og hliðstæð mál í íþróttafréttum af því að viðkomandi er þekkt persóna úr  íþróttaheiminum?

Ef  Schumacher væri veðurfræðingur, væru þá veðurfréttirnar á RUV lagðar undir fréttir af líðan hans?

Biður fjölmiðla um frið

Málfars mella

 

"Farþegaskip með um 2.000 farþega innanborðs strandaði í grennd við Finnland fyrr í dag. Enginn farþeganna slasaðist og héldu þeir ró sinni eftir slysið, samkvæmt tilkynningu frá fyrirtækinu Viking Line.

Stefnt var að því að reyna að fjarlægja skipið af vettvangi í kvöld og draga það til hafnar. Ekki er talið að vatn leki inn í skipið og eru farþegarnir öruggir um borð.

Skipið, sem gengur undir nafninu Amorella, var fyrst sjósett árið 1988. Það er um 170 metra langt og rúmar 2.480 farþega".

 

Sá sem skrifar þessa undarlegu samsuðu er greinilega alveg "strand í grennd" við íslenskt mál.

 

Strandaði við Finnland

Hálka á ferð og flugi

Enn einu sinni hefur hálkan sig til flugs á mbl.is. Vonandi fá blaðabörnin, sem skrifa fréttirnar á mbl, hálkuna ekki fljúgandi í höfuðið þegar þau fara út að leika.

Varað við fljúgandi hálku

Hvaða endemis slappleiki er þetta...,

....af hverju bjóða íslensk stjórnvöld Kasparov ekki íslenskan ríkisborgararétt?

Aðeins þarf að skrá karlinn í landsliðið eða bóka hann til heimilis hjá einhverjum ráðherranum til að ekki þurfi að fara að lögum um ríkisborgaraumsóknir. Eins og dæmin sanna.

Garrí  gæti þá borðað hádegismatinn sinn á morgun sem íslenskur ríkisborgari.

Kasparov vill verða Letti

"....feitar konur á færibandi"

 

Hvaðan og hvert flytur umrætt færiband téðar konur?

 

 

Móðgar feitar konur á færibandi

Vel látinn

Elsti maður heims er merkilegt fyrirbrigði. Hann er alltaf að deyja! Á nokkra vikna eða mánaða fresti koma nýjar fréttir af láti hans.

Orðasambandið  „að vera vel látinn“ er orðið einkar viðeigandi um þennan merkilega mann.

Elsti maður heims látinn

Einstæður lottóútdráttur

Þeir eru glöggir á mbl.is og glúrnir að koma aðalatriði hverar fréttar að í fyrirsögnum. Hver hefði t.d. getað ímyndað sér að fjölskyldufaðir gæti unnið í lottóinu og það til helminga á móti 25 ára einstaklingi?

 

 Því telst sannað að; „það sem aldrei hefur gerst áður, getur alltaf komið fyrir aftur!“

 

 

 

Fjölskyldufaðir vann 28 milljónir