-Sjón er sögu ríkari- segir mbl.is

Í viðhengdri frétt, sem hefur fyrirsögnina „Phillips kann ekki íslensku“  ásamt  klipptu og margsamsettu myndbandi úr viðtali við Kevin þennan Phillips, er hæðst að erfiðleikum Philips að bera fram nafn Gylfa Sigurðssonar. Það er að sjá eini tilgangur fréttarinnar.  

Blaðabörnin á mbl.is ættu ekki að gera grín að íslenskukunnáttu útlendinga þegar varla er birt frétt á miðlinum sem er ekki full af ambögum, google þýðingum og annarri misþyrmingu á íslensku máli.

Já, sjón er sögu ríkari.

 

(Ath. klikka þarf á hljóðmerkið efst í vinstrahorni á myndbandinu til að fá hljóðið) 

Phillips kann ekki íslensku

Athugasemdir

[Þorkell (IP-tala skráð) 24.3.2014 kl. 10:42]

Þarna er ég þér hjartanlega sammála. Mann verkjar oft í augun eftir að hafa lesið texta ritaðann af blaðamönnum. Ein fyrirsögn náði athygli minni í gær en hún var: Vaðlaheiði sprengd á nýjan leik. Ég sá fyrir mér flugvélaflota varpandi sprengjum á bæði borð!!! Það er þá væntanlega engin þörf á jarðgöngum þar lengur?

[Jóhann Elíasson, 24.3.2014 kl. 14:11]

Mikið óskaplega er ég sammála þér þarna.  Það getur ekki nokkur heilvita maður ætlast til að útlendingar ráði við Íslenskuna en það er algert lágmark að blaðamenn ráði við sitt eigið tungumál............................

[Pétur D. (IP-tala skráð) 26.3.2014 kl. 11:18]

Talandi um að kasta grjóti úr glerhúsi: Nú veit ég ekki um blaðamenn Moggans, en fréttamenn, þulir og kynnar í útvarpi (sérstaklega á Bylgjunni) og sjónvarpi geta ekki borið fram neitt rétt á ensku, hvorki titla né mannanöfn. Ég fæ bæði gæsahúð og aulahroll þegar þetta fólk, sem ÆTTI að gera þá lágmarkskröfu til sjálfs síns að læra enskan framburð, notar barnaskóla-íslenzkuna sína til að bera fram ensk orð og nöfn. Þetta er þessari stétt til háborinnar skammar.

.

Það er enginn að ætlast til að framburðurinn sé lýtalaus eða með staðbundnum enskum eða amerískum hreim og tónfalli, en þegar notuað er íslenzkt r, íslenzkir sérhljóðar og stafasambönd auk áblásturs, þá er það ekki enska lengur. Ekki einu sinni nálægt því. Til samanburðar ber Sigmundur Davíð enskuna fram ágætlega miðað við að hann er Íslendingur og ein íslenzk leikkona (sem lék í þáttunum Stelpurnar, en sem ég man ekki hvað heitir) hefur alfarið brezkan framburð, sem er skemmtileg tilbreyting.

[Axel Jóhann Hallgrímsson, 26.3.2014 kl. 13:34]

Eflaust er það rétt hjá þér Pétur að ég kasti steinum úr glerhúsi. Ég geri mér fyllilega grein fyrir að ég uppfylli ekki þær kröfur sem eðlilegt og nauðsynlegt er að gera til þeirra sem hafa meðferð móðurmálsins að atvinnu sinni. Einmitt þess vegna er ég t.a.m. ekki blaðamaður.

Ég er smiður og tel mig sæmilegan í því fagi. Menn þurfa ekki að vera lærðir smiðir til að öðlast rétt til að koma á framfæri ábendingum um faglegt klúður af minni hálfu, hrópi það á menn. Rétt eins og þú bendir á það sem þér þykir betur mega fara í útvarpi.

[Pétur D. (IP-tala skráð) 26.3.2014 kl. 16:31]

Nei, þú misskilur mig, ég átti ekki við að ÞÚ værir að kasta grjótum úr glerhúsi, heldur blaðamenn, sem margir hverjir tala ensku með reykvískum framburði.

[Axel Jóhann Hallgrímsson, 26.3.2014 kl. 17:36]

Já ég áttaði mig á því Pétur að ég hafði misskilið þig rangt, eins og maðurinn sagði, en vildi ekki taka athugasemdina út.

[Pétur D. (IP-tala skráð) 30.3.2014 kl. 23:20]

Nú komst ég að því hvað íslenzka leikkonan, sem getur talað ensku heitir, Brynhildur Guðjónsdóttir.