Er syndin ekki lævís og lipur?

Ef Vatikanið vottar flekklausa æru Páfa er ekki minnsta ástæða til að efast um að satt sé og rétt.

Eru forkólfar Kaþólsku kirkjunnar ekki einmitt þekktir fyrir að hafa  sannleikann og ekkert nema sannleikann að leiðarljósi ef upp hefur komið grunur um misnotkun presta á börnum?

Hefur Kaþólska kirkjan ekki einmitt, af röggsemi, haft, forgöngu um uppljóstrun á slíkum málum og kappkostað  án undanbragða að þeim seku væri verið refsað og þjáðum líknað?

Hvernig er hægt að ætla slíkum dáðadrengjum eitthvað misjafnt?

 

Páfi ekki tengdur kynferðisbrotum

Athugasemdir

[Sveinn Elías Hansson, 13.3.2010 kl. 20:56]

Ekki veit ég hvernig þér dettur í hug að umboðsmaður guðs hér á jörð, sé viðriðinn eitthvað misjafnt, frekar en aðrir þjónar þessa fyrirbæris öldum saman.

Allir saklausir.

[Axel Jóhann Hallgrímsson, 13.3.2010 kl. 21:46]

Það hvarflar ekki að mér að þeir skrökvi, prestarnir!

[Guðmundur Júlíusson, 13.3.2010 kl. 21:57]

Það eru því miður misjafnir sauðir í öllum hjörðum, það á líka við um prestastéttina sem og okkur í hinum ýmsu stéttum þjóðfélagsin, en það er óþarfi að blanda sjálfum Páfanum í þessa umræðu, það er svipað og að ætla að kenna skólastjóra í skóla um  að gangavörður skuli gerst sekur um að mismuna og eða misnota skólabörnin!!!

[Axel Jóhann Hallgrímsson, 13.3.2010 kl. 22:42]

En ef skólastjórinn hefði haft vitneskju um að ekki væri allt eins og það ætti að vera varðandi gangvörðinn, en sett kíkinn fyrir blinda augað af einhverjum annarlegum ástæðum?

[Sveinn Elías Hansson, 13.3.2010 kl. 23:39]

Páfagreyið var biskup í þýskalandi á yngri árum ekki satt?

[Ingibjörg Axelma Axelsdóttir, 13.3.2010 kl. 23:45]

Já, segi það. Alger óþarfi að blanda páfanum í málið, þótt fréttin sé um hann!

Það vita allir að innan kaþólsku preststéttarinnar, þá er enginn maður með mönnum nema að hafa misnotað barn, eða a.m.k. hylmt yfir það.

[Sveinn Elías Hansson, 14.3.2010 kl. 00:12]

Þú segir það Ingibjörg.

Hvers vegna má þá ekki blanda honum í málið? Hann var jú einu sinni prestur, athugaðu það.

[Guðmundur Júlíusson (IP-tala skráð) 14.3.2010 kl. 00:17]

kaldhæðnin er ekki að drepa þig Ingibjörg, það að þú skulir láta slíkt út úr þér er með ólíkindum, þú ættir að kynna þér þetta betur, þú ert í raun að segja að það sé almennt stundað að prestar misnoti börn ? skammast þú þín ekki fyrir að segja þetta??

Axel, skólastjórinn væri örugglega löngu farinn ef satt væri.

[Axel Jóhann Hallgrímsson, 14.3.2010 kl. 00:19]

Því fer auðvitað fjarri að Kaþólska kirkjan sé undirlögð í níðingum. En hver er munurinn á níðing og þeim sem hylma yfir með honum og gera honum þannig kleift að halda áfram iðju sinni, ekki bara óáreittur heldur undir verndarvæng þeirra sem fórnarlömbin ættu að geta treyst best allra?

[Axel Jóhann Hallgrímsson, 14.3.2010 kl. 00:31]

Guðmundur, þetta er allt afstætt, það hefur löngu sýnt sig að ýmiskonar tengsl, skyldleiki, vinskapur, pólitík, mannvirðing o.s.f.v. er oftar en ekki hærra metið en hagsmunir ókunnugra.

Að vera af "góðu fólki kominn" hefur oft riðið baggamuninum þegar metið er orð gegn orði.  

[Ingibjörg Axelma Axelsdóttir, 14.3.2010 kl. 01:31]

Guðmundur: Guð minn almáttugur! Að ég skuli hafa vogað mér!

Annars er ég fegin að þér blöskraði, því það þýðir að áætlunarverk mitt hafi tekist. Því það er á annað borð satt, að kaldhæðnin drepur mig ekki, á meðan fólk fattar hana ekki.

Skammast ég mín fyrir hvað ég segi? Nei. 

En þú?