Steingeldur spyrill

Gettu betur var skemmtilegt og áhugavert sjónvarpsefni. Hreint magnað hefur verið að horfa á unga fólkið fara á kostum af þekkingu og færni.

En núverandi spyrli, Evu Maríu Jónsdóttur, hefur tekist að eyðileggja þáttinn gersamlega með steingeldri framkomu og misheppnaðri viðleitni sinni að vera fyndin og áhugaverð.

Slöpp var hún blessunin í fyrra, en þá mátti með góðum vilja skrifa frammistöðuna á reynsluleysi, en nú tekur steininn úr, hún nær engan vegin tökum á viðfangsefninu.

Gettu betur hefur alla burði til að vera áhugavert efni og því er það afrek útaf fyrir sig að geta gert þáttinn svo óspennandi og flatan.

MR í úrslit Gettu betur

Athugasemdir

[Sveinn Elías Hansson, 14.3.2010 kl. 00:14]

Þetta er og hefur verið afskaplega leiðinlegur þáttur undanfarin ár. Það gengur allt út á hávaða og læti í áhorfendum, hálfur þátturinn fer í það.

[Valdís (IP-tala skráð) 14.3.2010 kl. 00:17]

Mikið er ég sammála þér....það er ljóst að góðan þátt má kíla kaldan með góðum vilja...................

[Guðmundur Júlíusson, 14.3.2010 kl. 01:04]

Er sammála þér, finnst Eva vera ákaflega leiðinleg sjónvarpsmanneskja, góð í útvarpi jú, en sorrý, annars finnst mér þátturinn ekki vera sjónvarpsefni, gjammið og  ákafinn í þáttakendum er slíkur að við heima skiljum varla baun!!!!

[Helga Kristjánsdóttir, 14.3.2010 kl. 02:59]

 Horfði á allan þáttinn í kvöld fyrsta sinni í vetur.Sammála of mikil læti,þótt ekki kenni ég Evu Mariu um. En áhorf mitt í kvöld kom til af því að dóttur sonur minn var með tónlistaratriði hjá M.E. Hann er nú á leið til Noregs í lista háskóla,hann er hálf norskur.

[Númi (IP-tala skráð) 14.3.2010 kl. 10:23]

Skemmtilegast við þennan þátt voru tónlistaratriðin,bæði frábær og gaman verður að fylgjast með þessum snillingum í framtíðinni.

[Sigurbjörg Eiríksdóttir, 14.3.2010 kl. 10:42]

Það er bara þannig að ég er alveg búin að missa áhugann á þessum þætti, hverju sem er um að kenna. Aftur á móti má ég ekki missa af einum einasta þætti af Útsvari..Þar er gleðin og keppnisandinn og þar eru flottir þáttastjórnendur! Mitt álit ;)

[Axel Jóhann Hallgrímsson, 14.3.2010 kl. 12:23]

Ég er sammála þér Silla með Útsvar, sem er frábær sjónvarpsþáttur hvernig sem á hann er litið.

[Skúli (IP-tala skráð) 14.3.2010 kl. 16:01]

Keppnisandi í Útsvari?  Góður þessi!

[Axel Jóhann Hallgrímsson, 14.3.2010 kl. 16:06]

Ég vissi að þú yrðir okkur sammála, Skúli, um ágæti Útsvars.

[Skúli (IP-tala skráð) 14.3.2010 kl. 20:50]

Jújú, Útsvar er ágætur spurningaþáttur og fín afþreying, en keppnisandinn er nánast enginn, nema þegar fólk hleypur til að ná bjöllunni í byrjun.