Ekkert er verra, í knappri stöðu, en illan málstað að verja.

Æ,æ,æ, mikið ósköp var hann Vilhjálmur Egilsson frændi, slappur og aumkunarverður í Kastljósinu í kvöld. Þarna sat hann karl anginn, sveittur og stöðugt í vörn að gera sitt besta að verja  glataðan og fyrirfram óverjandi  málstað.

Málstað sem Friðrik stýrimanni Arngrímssyni stæði nær að verja, enda málið alfarið hans sem framkvæmdastjóra LÍÚ.

Hafi ég einhvern tíman vorkennt einhverjum, fyrir hlutskipti sitt, þá var það í kvöld. Það var sorglegt að sjá Villa notaðan með þessum hætti  í óvinnandi skítverk.

 

Segir að rætt hafi verið um skötuselinn

Athugasemdir

[Sigurbjörg Eiríksdóttir, 23.3.2010 kl. 20:24]

Er hann stórfrændi þinn?

[Hamarinn, 23.3.2010 kl. 20:25]

Hann réð sig í þessi skítverk sjálfur, þegar honum var hent út af þingi.Þannig að ekki vorkenni ég honum.

[Axel Jóhann Hallgrímsson, 23.3.2010 kl. 20:28]

Nei Silla, langamma mín mun víst vera langalangaamma hans.

[Axel Jóhann Hallgrímsson, 23.3.2010 kl. 20:32]

Já Hamar, þannig var það. Ég er ekki beinlínis að vorkenna honum karlinum en mér er illa við þá sem beita öðrum fyrir sig í skítverkin.

[arni (IP-tala skráð) 23.3.2010 kl. 21:08]

Vilhjálmur stóð sig einsog..einsog ...einsog hlaupatík

[Axel Jóhann Hallgrímsson, 23.3.2010 kl. 21:14]

Greinilegt var að honum leið ekki vel, enda skiljanlegt.

[Haraldur Bjarnason, 23.3.2010 kl. 21:59]

Hann var óttlega ræfilslegur í þessu hlutverki. Fór allur í baklás þegar Helgi benti honum á að allir sjávarútvegsráðherrar frá 2003 hefðu leyft meiri veiðar á skötusel en ráðgjöf Hafró sagði til um. Þetta er allt frá 300 tonnum á ári og upp í 800 tonn tvisvar sinnum. Svo hefur LÍÚ verið að tala um hættuna af því að fara umfram ráðgjöf Hafró. Það er nú bara þannig að skötuselurinn syndir ekki alltaf inn í reiknilíkön Hafró frekar en aðrir fiskar.