Johnny Cash

 Folsom Prison Blues

Athugasemdir

[Jens Guð, 8.4.2010 kl. 01:26]

  Það tók mig marga áratugi,  pönkara og heavy metal unnanda, að átta mig á hvað Johnny Cash var oft flottur.  Það hjálpaði er ég komst að því að bandarísk kona mín og börn eru ættingjar kallsins.  Fjarskyld vel að merkja. 

  Jón Reiðufé var mjög mannréttinda sinnaður.  Einnig uppreisnarkall (það sem á ensku kallast rebel).  Hann var ofur vinsæll og nýtti vinsældir sínar á fyrri hluta sjöunda áratugarins meðal annars til að aflétta banni á ýmsum tónlistarmönnum sem McCarty gengið hafði bannfært fyrir meinta samúð með kommúnisma.  Johnny Cash hafði sömuleiðis einbeittan vilja til að vekja athygli á vondum kjörum indíána.  Hann sendi frá sér plötuna  Bitter Tears  sem sprengja.  

  Kostur Jóns Reiðufés var meðal annars að hann tvíefldist við hvert mótlæti og varð ennþá herskárri fyrir sinni mannréttindabaráttu við alla mótstöðu sem hann mætti.  Hann var alltaf reiðubúinn til að fara í hart og hvikaði aldrei frá sinni sannfæringu.  Lagði allt undir.  Það reyndist íhaldspakkinu erfitt að knésetja hann - þrátt fyrir ítrekaðar tilraunir.  Hann var ákafur Jesú-kall og íhaldsöflunum varð erfitt að berjast gegn mannréttindabaráttu hans vegna þess meðal annars.  

  Þar fyrir utan:  Hann gerði margt flott í músík.  Fram á síðasta dag reyndi hann að tengja við unga rokkara og vekja athygli á þeim ungu rokkurum sem létu sig mannréttindi varða.