Norðanátt er hagstæðasta vindáttin

Ekki óska ég íbúum undir Eyjafjöllum öskufalls frekar en öðrum landshlutum. En norðanátt er hvað sem öllu líður langhagstæðasta vindáttin hvað öskufall varðar. Þá er minnst land undir og styst til sjávar.

Vonandi dregur úr blöndun vatns og gosefna í gossprungunni og þá minnkar öskufallið ef að líkum lætur.

 

Þéttir glugga vegna öskufalls

Athugasemdir

[Kreppukrati (IP-tala skráð) 15.4.2010 kl. 16:21]

Æi, maður veit ekki hvað er best og hvað er verst. Áhrifin á flug yfir Atlantshaf skipta líka máli. Manni finnst líka afspyrnu slæmt ef þessar glæsilegu bújarðir undir Eyjafjöllum fara illa af afleiðingum gossins.

[Axel Jóhann Hallgrímsson, 15.4.2010 kl. 16:32]

Vissulega er myndarlega búið undir Eyjafjöllum, en það eru víðar góðar og glæsilegar bújarðir. Ég var fyrst og fremst að hugsa þetta út frá þeirri staðreynd að í norðanátt færi minnst flatarmál lands undir ösku.

[Ingibjörg Axelma Axelsdóttir, 15.4.2010 kl. 19:35]

Uss hvað er þetta. Auðvitað reynum við að miða eldfjallinu sem næst London. ;)

En auðvitað skiptir flugumferðin máli líka. En það er samt gott að vita af því að gosfallið verði lítið hérna, því þótt það færi yfir allt landið og út hinum megin, þá fer það bara yfir í næstu heimsálfu og truflar flugumferð þar. Það lendir ekki á einhverjum ósýnilegum vegg. :)

[Axel Jóhann Hallgrímsson, 15.4.2010 kl. 19:44]

Ég myndi flytja helvítis gosið inn í miðja stofuna hjá Gogga Brúna hefði ég til þess getu.

[Ingibjörg Axelma Axelsdóttir, 15.4.2010 kl. 19:47]

Ég held bara að landvættirnar séu að bíða eftir mannfórnum. Við getum þá boðið nokkrum af okkar uppáhalds ráðherrum í bresku ríkisstjórninni í "hraun" bakaðann mat.