Öll él birtir upp um síðir

Það er að vonum létt yfir fólki á öskufallssvæðunum þegar mestu orrahríðinni er lokið og sólin brýst fram úr skýjunum og ornar íbúunum, þrátt fyrir að sú búsældarlega sveit sem áður var, sé ei meir.

Við skulum vona að það versta sé að baki og friður verði fyrir öðrum áföllum um hríð.

Það býður íbúanna mikil vinna við hreinsun og uppbyggingu og eins víst að ekki verði hefðbundin búskapur í stórum hluta sveitarinnar fyrsta kastið.

Það er verkefni allrar þjóðarinnar að koma sveitinni, undir eldfjallinu með erfiða nafninu, aftur til fyrri vegs og virðingar, sem ein blómlegasta sveit landsins.

„Fólk er farið að sjá sólina“