Þú ert rekinn!

Knattspyrnudeild Grindavíkur hefur sagt Lúkasi Kostic, þjálfara karlaliðs félagsins upp störfum. Svo sem ekkert athugavert við það nema ef vera skyldi rökstuðningurinn :

Stjórn knattspyrnudeildar þakkar Lúkas Kostic fyrir gott samstarf og metnaðarfullt starf í þágu félagsins.

-Lúkas þú ert rekinn! 

Lúkas Kostic sagt upp hjá Grindavík

Athugasemdir

[Ágúst Ásgeirsson, 26.5.2010 kl. 14:49]

Er þetta ekki frekar gamaldags úrræði að láta þjálfarann fjúka þegar illa gengur. Ekki er hann inni á vellinum. Það eru einhverjir aðrir en hann sem eiga að skora mörkin. Hvers vegna er liðið ekki rekið frekar? Ég hef í mörg ár beðið eftir slíkri ráðstöfun því það hefur ekki endilega virkað að láta þjálfarann taka pokann. Oft alls ekki. Mér finnst tímabært að fara hina leiðina og reka bara spilarana! Hvernig væri að prófa það og fá nýja í staðinn, leyfa þeim sem ýmist komast á bekkinn eða ekki?

[Axel Jóhann Hallgrímsson, 26.5.2010 kl. 14:53]

Góð hugmynd Ágúst!

[Sigurður Þórðarson, 26.5.2010 kl. 15:24]

Lúkas er góður þjálfari

[Sigurður Eðvaldsson (IP-tala skráð) 26.5.2010 kl. 16:12]

Ágúst Ásgeirs og Axel Jóhann eru miklir viskubrunnar sem greinilega hafa gríðarlegt vit á knattspyrnu svo ekki sé meira sagt!!!!!!!!

[Axel Jóhann Hallgrímsson, 26.5.2010 kl. 16:20]

Sigurður, það þarf öllu meiri visku til að skilja taktíkina:

"Lúkas, þú ert frábær, þú hefur leyst af hendi frábært og metnaðarfullt starf og því ert þú rekinn! Hananú."

[Sigurður Eðvaldsson (IP-tala skráð) 26.5.2010 kl. 16:46]

Starf knattspyrnuþjálfara er síður en svo stabílt starf. Þannig er það, hefur ávalt verið og verður án efa. Stjórn knattspyrnudeildar Grindavíkur hafi talið tímabært að láta Lúkas víkja og fá annan í starfið vegna þess að ekki gengur vel í dag. Það þýðir ekki að Lúkas eigi ekki að baki gott og metnaðarfullt samstarf við knattspurnudeild Grindavíkur. Ég er í raun viss um að svo er. Það er því samkvæmt mínum kokkabókum almenn kurteisi að þakka manninum fyrir gott starf þó svo að hans starfskrafta sé ekki lengur óskað.

[Ágúst Ásgeirsson, 26.5.2010 kl. 16:54]

Ég hef aldrei haldið því fram að ég hafi vit á knattspyrnu, Sigurður. Ekki einu sinni þó ég hafi átt heima í Hafnarfirði í 21 ár áður en ég flutti til Frakklands fyrir fimm árum. Horfi þó á boltann tímunum saman, í tíma og ótíma, í sjónvarpi - það er góður bolti leikinn hér í Frakklandi. Held Frakkar muni standa sig vel á HM og þar mun ný stjarna verða til, Mathieu Valbuena. Fyrir síðasta HM, 2006, var Ribery óþekktur utan landsteina og ég spáði fyrir mótið að hann myndi slá í gegn! Þeir sem vit hafa á fótbolta vita hvort sú spá rættist.

[Jón Snæbjörnsson, 26.5.2010 kl. 17:42]

ekki öfundsvert starf þetta

[Elvar (IP-tala skráð) 27.5.2010 kl. 00:23]

Þjálfari þarf að nota þann mannskap sem hann er með í höndunum og ef það gengur ekki þá er málið að bíða þar til tækifæri gefst til að fá betri mannskap. Þolinmæði forráðamanna knattspyrnufélaga er því lykilatriði.