Mr. Tony Hayward forstjóri BP er í óvissu og mjög leiður.

Sennilega stafar leiði hans og óvissa aðallega af áhyggjum af eigin skinni. Hann á yfir höfði sér reiði hluthafa, fyrir að hafa mistekist að afla þeim fúlgur fjár með því að hundsa öryggisreglur og hafa í  staðin valdið þeim tjóni.

Enginn glæpur er verri í augum þeirra sem taka fégildi framyfir manngildi.

Hluthafarnir munu örugglega skipta forstjóranum út fyrir annan sem getur þá tekið upp sama skollaleikinn  til að skapa hluthöfunum hámarksgróða.

Hayward baðst afsökunar

Athugasemdir

[Ingibjörg Axelma Axelsdóttir, 18.6.2010 kl. 00:01]

Olíuverð á bara eftir að fara hækkandi eftir þetta. Svo hluthafarnir verða honum varla reiðir til lengdar. 

[assa (IP-tala skráð) 18.6.2010 kl. 00:06]

Mér þykir þessi maður afar ótrúverðugur að sjá og tek undir það að hann virðist mest leiður yfir hversu illa þetta kemur sér fyrir hann persónulega. Vesen hjá honum greyinu að þurfa standa í þessu. En hann er bara eins og veruleikafyrrtur íslenskur útrásarvíkingur, vill ekki taka ábyrgð og langar bara að fá að vera í friði með öll skemmtilegu leikföngin sín. En bandaríkjamenn skella honum þó á stól og koma honum í opinbera yfirheyrslu. Gott hefði nú verið fyrir alla ef íslenska þjófahyskið, útrásarvíkingarnir, hefðu verið látnir sitja fyrir svörum á þennan hátt!

[Axel Jóhann Hallgrímsson, 18.6.2010 kl. 00:12]

Þeir mega eiga það kananirnir að þeir eru til muna sneggri en Íslendingar að taka við sér þegar hvítflibbarnir eiga í hlut.