Brosi bregður fyrir

Það er beinlínis móðgun við þjóðina að Björn Valur Gíslason skuli fá að koma nálægt starfshópi um endurskoðun fiskveiðistjórnunnar, ef markmið hópsins á að vera að finna færa leið til fyrningar á kvótanum og framkvæmd hennar.

Björn Valur er ekki talsmaður fyrningarleiðar ríkisstjórnarinnar,  enda er maðurinn aðeins í leyfi frá störfum sem stýrimaður og skipsstjóri, hjá einu stærsta útgerðarfélagi landsins, meðan hann gegnir þingmennsku.

Björn Valur er ekki fulltrúi þjóðarinnar í starfshópnum, hans persónulegu hagsmunir liggja í allt öðru en fyrningu kvótans, því makki hann ekki „rétt“ er starfið fokið og lokað á starf um alla framtíð innan LÍÚ mafíunnar. 

Hjá LÍÚ gleðjast gumar og tala um nýja nálgun, það veit ekki á gott þegar bregður fyrir brosi á þeim bænum.

 

Styttist í löndun endurskoðunar