Er engin hætta á ferðum í yfirvofandi árekstri?

Það er undarlegt að lesa í fréttinni að engin hætta hafi skapast þegar árekstraviðvörun Fokkerflugvélar fór í gang í aðflugi að Reykjavíkurflugvelli.

Þessi árekstraviðvörun í flugvélum er mesta þarfaþing og eins og nafnið bendir til er hún til þess gerð að vara flugmenn við yfirvofandi árekstri og það kemur spánskt fyrir sjónir að þá sé ekki talin vera hætta á ferðum.

Þetta telst vera „flugatvik“ og tekið til rannsóknar sem slíkt.

Skoða ástæður viðvörunarinnar

Athugasemdir

[Beggi (IP-tala skráð) 17.7.2010 kl. 12:41]

Sem flugmaður og flugáhugamaður sjálfur að þá veit ég að engin hætta hefur verið á ferðum. Fokkerinn hefur mun meiri aðflugshraða en vélin sem á eftir henni var, þannig að árekstrar hættan var í lágmarki. Eina hættan sem þarna hefði hugsanlega geta skapast er sú að ef að vélin sem var á eftir fokkernum hefði lennt svo þétt á eftir henni hefðu vængenda og skrúfurastarhvirflar af fokkernum hugsanlega getað valdið því að hin vélin ætti í erfiðleikum með eðlilegt aðflug. Flugmenn vita hvernig á að bregðast við slíkum hvirflum og hvernig á að lenda ef þeir eru til staðar á flugvelli eftir lendingu stærri véla. Vissulega fór árekstrarvörnin í gang, en hún er ekki dómsdagsmælitæki og fer til dæmis viðvörunarbjalla í gang í fokkerunum/Dashinum í aðflugi að ísafirði og Vestmannaeyjum til að vara við að það sé landslag mjög nálægt vélini, og er í raun árekstrarviðvörun. En öll svona minniháttar atvik og rannsókn þeirra gera flugið á íslandi þann örugga ferðamáta sem það er..

[Axel Jóhann Hallgrímsson, 17.7.2010 kl. 12:55]

Takk fyrir þetta Beggi, en hefði þá ekki hægfleygari vélin sem var á eftir Fokkernum átt að hætta við aðflug, en ekki Fokkerinn?

Hvernig kemst kemst flugvél sem er á eftir hraðfleygari vél of nærri henni? Spyr sá sem ekki veit.