Hvar greiðir Björk sína skatta?

Getur einhver upplýst mig og aðra hvar Björk hefur lögheimili og hvert hún greiðir sína skatta?

 

Greiði hún sína skatta erlendis, eins og mig grunar að hún geri, en ekki hér heima þá sveiflast þetta brölt hennar úr því að vera virðingarvert yfir í hreina og klára hræsni og ekkert annað.

  

Björk: „Afgangar af spillingunni“

Athugasemdir

[Sigríður Helga. (IP-tala skráð) 19.7.2010 kl. 11:47]

Samála hún er ekki að greiða skatta hér.

Það er eitt að vera 'ISLANDSVINUR en að búa hér.

[Ægir (IP-tala skráð) 19.7.2010 kl. 11:52]

Þetta er einhver heimskulegasta röksemdarfærsla andstæðinga Bjarkar sem til er.

Má semsagt enginn íslendingur hafa skoðanir á meðferð regnskóga á pláhnetunni afþví hann/hún býr ekki í nágrenni þeirra og borgar skatta í viðkomandi landi?

Kommon.

[Axel Jóhann Hallgrímsson, 19.7.2010 kl. 11:54]

Nákvæmlega, Helga.

[V. Jóhannsson (IP-tala skráð) 19.7.2010 kl. 11:56]

Hún er aðeins að benda á siðblindu Íslendinga, sem hafa engin takmörk og það síst með krötunum. Fastir liðir eins og venjulega.

[Axel Jóhann Hallgrímsson, 19.7.2010 kl. 11:56]

Getur þú fært rök fyrir því Ægir, að ég sé andstæðingur Bjarkar.

Hefur þú ekki lesið söguna um litlu gulu hænuna?

[Axel Jóhann Hallgrímsson, 19.7.2010 kl. 12:00]

Og hvað heitir það V. Joh. þegar menn etja örðrum fram en sitja hjá sjálfir?

Þetta með kratana er eitt það málefnalegasta ség hef lengi séð.

[Danni (IP-tala skráð) 19.7.2010 kl. 12:02]

Djöfull getið þið nöldrað.

[Axel Jóhann Hallgrímsson, 19.7.2010 kl. 12:07]

Þetta er ekki skyldulestur Danni.

[Askur (IP-tala skráð) 19.7.2010 kl. 12:07]

Það er semsagt hræsni að greiða ekki á einn eða annan hátt fyrir að fá að hafa skoðanir á ákveðnum lengdar- og breiddar-gráðum?

Vitleysingjar eins og þú eru ástæðan fyrir því að við getum ekki átt góða hluti hérna á internetinu. Ég trúi því ekki að þetta sé raunveruleg skoðun þín og þú hlítur að vera að tröllast.

[Jóhann Einarsson (IP-tala skráð) 19.7.2010 kl. 12:10]

Þetta er nú frekar illa ígrunduð blogfærsla hjá Axeli og eins og hann bendir sjálfur á þá á ekki að taka hana alvarlega. Björk er fædd og uppalin á Íslandi og hefur búið hér stærstan hluta æfinnar, á heimili á Íslandi og ver miklum tíma þar þó svo hún verji tíma í öðrum löndum líka, greiðir skatta á Íslandi, innheimtir sín höfundaréttar gjöld í gegnum STEF á Íslandi og er alveg örugglega algerlega ónæm fyrir svona illa ígrunduðum og kjánalegum blogfærslum. Hún er bara yfir svona kjánaskap hafin. Sjálfum finnst mér Axel sýna af sér einstakan molbúahátt en það er svosem ekki óalgengt hér á landi. Heimskur er heima alinn hundur er stundum sagt.

[Axel Jóhann Hallgrímsson, 19.7.2010 kl. 12:29]

Það er enginn að segja að ekki megi hafa skoðanir á hinu og þessu án þess að borga fyrir það Askur. Ég efast um að þú vitir merkingu orðsins hræsni.

Það getur vel verið að ég sé vitleysingi, en ég kalla ekki aðra ónefnum nafnlaust. Það eru til orð yfir það.

[Axel Jóhann Hallgrímsson, 19.7.2010 kl. 12:39]

Það hentar þér greinilega ekki að sjá færsluna í samhengi Jóhann. Þá hefðir þú tekið eftir því að ég er að hrósa Björk, greiði sína skatta og skyldur hér. Enda er ég sammála henni í þessu máli, en það er önnur saga.

Það gleður mig sannarlega að þú skulir ekki tilheyra okkur molbúunum, það hefði verið skaði.

[Axel Jóhann Hallgrímsson, 19.7.2010 kl. 12:43]

....að ég er að hrósa Björk, greiði hún sína skatta og skyldur hér.

Átti þetta að vera.

[Axel Jóhann Hallgrímsson, 19.7.2010 kl. 13:02]

"Heimskt er heimaalið barn" er málshætturinn víst Jóhann.

[Björn Kristinsson (IP-tala skráð) 19.7.2010 kl. 13:54]

Einmitt skiptir það raunverulega máli hvort Íslendingurinn býr á Íslandi eða erlendis. Eru við virkilega komin á það plan að það séu "æðri" Íslendingar sem búa á Íslandi en "úrhrök" sem búa erlendis.

Er hægt að hafa umræðu á lægra plani ? Efast um það.

Held reyndar í tilfelli Bjarkar hafa hún gert meira fyrir landið en flest okkar bæði beint og óbeint.

[Axel Jóhann Hallgrímsson, 19.7.2010 kl. 14:13]

Björk má auðvitað hafa sínar skoðanir á þessu rétt eins og við báðir Björn, færslan snýst ekki um það.

Færslan snýst um það hvort hugur fylgi máli hjá Björk um landsins velferð ef hún borgar sína skatta erlendis og tekur þannig ekki sjálf þátt í því sem hún ber svo mjög fyrir brjósti.

Það finnst mér frekar vera á lágu plani en mínar hugrenningar.

[Jón Aðalsteinn Jónsson, 19.7.2010 kl. 15:08]

Björk stofnaði sjóð til styrktar sprotafyrirtækjum það er orðið all nokkuð síðan það var gert en ég hef ekki heyrt um það að þessi sjóður sé orðin virkur enn. Eftir því sem að ég best veit er hann geymdur hjá Auði capital og ekkert hefur verið veitt úr honum enn þá. Ég er sammála Björk um Magma en mér finnst hún yfirleitt vera all yfirlýsingaglöð um landa sína og hún hefur alltaf vitað lausnir á öllu en ég hef ekki orðið mikið var við að lausnirnar yrðu meira en orð.
Svona svolítið VG stæll á því það er það á að gera eitthvað annað.

[Axel Jóhann Hallgrímsson, 19.7.2010 kl. 15:13]

Jón Aðalsteinn, takk fyrir þessa ábendingu. Ég er heldur ekki hress með Magmamálið eins og það er vaxið og sammála Björk að því leitinu. En færslan snýst ekki um það eins og þú hefur áttað þig á, ólíkt mörgum hér á undan.

[Karen (IP-tala skráð) 19.7.2010 kl. 15:19]

Ég heyrði að Björk væri með lögheimilið sitt hluta að ári hér á landi og svo hluta að ári á 2 öðrum stöðum til að komast algjörlega frá því að borga skatta yfirhöfuð.

Nú þekki ég ekki skattalög og veit ekkert hvort það sé i raun hægt að komast hjá skattgreiðslum á þennan hátt. En það hefur aldrei komið fram í fjölmiðlum þegar það er verið að tala um einstaklinga sem borga mikla skatta (eru þar af leiðandi með miklar tekjur eins og Björk er með) einhverjar uppl um skattgreiðslur þessara frábæra listamanns.

Ég man bara eftir því að einhvern tímann var talað um að ef að Björk færi í fæðingarorlfof þá færi Ísland á hausinn. (áður en sett var þak á þær greiðslur)

Persónulega finnst mér það frábært að hún sé að tala um þetta tiltekna mál í erlendum fjölmiðlum. Öll athygli sem þetta skíta Magna fyrirtæki fær á sig er að hinu góða og allt sem Björk segir og gerir vekur athygli.

Sjálf borga ég mína skatta eins og margur Íslendingurinn en ef ég á að vera alveg heiðarleg finnst mér það oft eins og vera að kasta perlum fyrir svín. -Þessi og fyrrverandi Ríkisstjórnir hafa verið að sóa peningum og auðlindum okkar landsmanna í allskonar kjaftæði og þá get ég ekki séð að það breyti miklu hvort við þá summu bætist Bjarkarskattur... 

 Annars veit ég að hugur fylgir máli hjá henni Björk. Hún hefur einlæga ást á náttúru okkar (sinni). Það verður ekki tekið af henni burt séð hvort hún skili framtali hér á landi eða ekki.

[Axel Jóhann Hallgrímsson, 19.7.2010 kl. 15:33]

Karen, það er trúlegt að Björk hagræði sínum seglum eftir sköttum, hún væri þá ekki ein um það og í sjálfu sér hennar mál. 

Ég held að það sé rétt hjá mér að búseta brot úr ári hér og brot úr ári þar sé ekki möguleg því að skráð búseta 1. des ár hvert sé látinn gilda fyrir allt árið.

[Kleópatra Mjöll Guðmundsdóttir (IP-tala skráð) 19.7.2010 kl. 15:42]

Já hér á landi... Er þá ekki best að eiga ekki lögheimili á Íslandi 1.des.. og svo eru þetta kannski aðrir dagar í öðrum löndum. En ég vil ítreka að mér finnst það ekki skipta máli hvar eða hvort hún borgi skatta þegar það kemur að því að hafa skoðun

[Axel Jóhann Hallgrímsson, 19.7.2010 kl. 15:51]

Það er auðvitað af og frá Kleópatra að einhver geti átt lögheimili á fleiri en einum stað á sama tíma.

Björk má auðvitað hafa sínar skoðanir í þessu máli rétt eins og allir aðrir, færslan snýst bara ekki um það.

Færslan snýst um það hvort hugur fylgi máli hjá Björk um landsins velferð ef hún kýs með lögheimili sínu erlendis að borga sína skatta þar og taka þannig ekki sjálf þátt í því sem hún segist bera svo mjög fyrir brjósti.

[Hjörtur (IP-tala skráð) 19.7.2010 kl. 17:33]

axel; - þá sveiflast þetta brölt hennar úr því að vera virðingarvert yfir í hreina og klára hræsni og ekkert annað.- Ágæti Axel, þú ert búinn að mála þig algörlega út í horn með þessum heimótta þankagangi. Bjartur í sumarhúsum yrði stoltur af þér. Endilega haltu ótrauður áfram, fátt notalegra en að fylgast með svona andvara í sumarsólinni. kær kveðja, Hjörtur

[Axel Jóhann Hallgrímsson, 19.7.2010 kl. 17:37]

Það er gott ef ég hef getað yljað viðkvæmu sálartetri þínu Hjörtur. Það er annars satt hjá þér ég er ágætur.

[Geiri (IP-tala skráð) 19.7.2010 kl. 18:49]

Björk vinnur fyrir erlend fyrirtæki og vinnur mest af sinni vinnu erlendis. Er þá ekki bara eðlilegt að meirihluti skattekna hennar fari erlendis?

[H.T. Bjarnason (IP-tala skráð) 19.7.2010 kl. 19:07]

Hvað mig varðar er þessi færsla undarleg.  En staðreyndir málsins eru þessar.  Björk greiðir skatta hér á landi, en hún greiðir einnig skatta í öðrum löndum.  En skattagreiðslur hennar hafa ekkert um málflutning hennar að segja.  Hún hefur sínar skoðanir, hún lætur þær í ljós og sem slíkar eru þær raunverulegt innlegg í umræðuna hér á landi.

[Eggert Vébjörnsson (IP-tala skráð) 19.7.2010 kl. 21:33]

Kvóta Axel Jóhann Hallgrímsson
Byrja
"Færslan snýst um það hvort hugur fylgi máli hjá Björk um landsins velferð ef hún kýs með lögheimili sínu erlendis að borga sína skatta þar og taka þannig ekki sjálf þátt í því sem hún segist bera svo mjög fyrir brjósti."
Búið.

Hverskonar endemis rökleysa og bull er þetta.
Hvað hefur það að gera með það hvar hún borgar skatta hvort hún lætur sig það varða hvort að erlendir auðhringir eignist náttúruauðlindir Íslands? !
Hefur hún ekki fullan rétt til þess sem borin og barnfæddur íslendur að tjá sig um hag og framtíð Íslands?

Nú ætti kannski flestum að vera ljóst að það er ekki hægt að eiga lögfesti/lögheimili í fleiri en einu landi og borga skatta svona sitt á hvað.
Nú hefur Björk haldið til í London undanfarin ár og gott ef ekki áratugi.
Löngu áður en að bankahrunið og eftirleikur þess átti sér stað. Ætli henni sé ekki skylt að borga skatta og skyldur þar sbr. þau lög sem þar gilda.

Þetta er vægast sagt lágkúrulegt af þér Axel Jóhann svo ekki sé meira sagt!

[Axel Jóhann Hallgrímsson, 19.7.2010 kl. 22:46]

Það er greinilegt að þú hefur lesið færsluna með úthverfu rassgatinu Eggert.

[Jens Guð, 19.7.2010 kl. 22:51]

  Samtök tónskálda og eigenda flutningsréttar,  STEF,  sér um innheimtu á höfundarlaunum Bjarkar.   Það er mikill ávinningur að þessir peningar skuli vera afgreiddir í gegnum STEF.  Þetta eru árlegar upphæðir sem nema tugum milljóna króna.

  Björk á útgáfu- og/eða umboðsfyrirtæki sem er - að ég held - skráð og staðsett í Englandi.  

  Ég hef grun um að Björk borgi þess vegna opinber gjöld bæði hérlendis og í Englandi. 

[Eggert Vébjörnsson (IP-tala skráð) 19.7.2010 kl. 23:01]

Þú vildir gjarna kannski útskýra hvað þú átt við Axel Jóhann hvað varðar samlíkinguna með úthverfa rassgatið.
Þú mundir kannski líka vilja vera svo vænn að útskýra hvað ég hef misskilið í þessari færslu þinni því þú margítrekar sjálfur þessa málsgreins sem að ég kvóta eftir þig.

[H.T. Bjarnason (IP-tala skráð) 19.7.2010 kl. 23:24]

Hvers konar endemis þvættingur er þetta?  Að reyna að svara fólki með því að segja að aðrir séu að lesa færsluna með "úthverfu rassgatinu" er í besta fallinu heimskulegt en í versta falli afar sorglegur málflutningur.  Eigum við ekki að reyna að haga okkur eins og fullorðið vitiborið fólk?

[Jens Guð, 19.7.2010 kl. 23:51]

  Því má bæta við að frá því Björk varð alþjóðleg stórstjarna hefur hún verið með fjölda Íslendinga á launaskrá:  Hljóðfæraleikara,  textahöfunda o.s.frv.  Til viðbótar hefur hún sungið inn á plötur lög og texta eftir Íslendinga sem fá árlega góð höfundarlaun fyrir bragðið. 

[Axel Jóhann Hallgrímsson, 19.7.2010 kl. 23:58]

Jens, innheimtir ekki STEF höfundarlaun erlendra tónlistarmanna? Greiða þeir þá skatta hér eða þar sem þeir hafa lögheimili? Er Björk einhver undantekning þar á?

[Ragnar Einarsson, 20.7.2010 kl. 02:57]

Hvað Kemur þetta sköttum við?

Björk er bara að lesa spillinguna rétt.

[Jens Guð, 20.7.2010 kl. 10:48]

  Höfundar og flytjendur músíkur ráða hvaða höfundarréttarsamband heldur utan um þeirra mál.  Höfundarréttarsamböndin eru síðan hvert um sig í sameiginlegu alþjóða sambandi höfundarrétta.  

  Þegar breska plötufyrirtækið One Little Indian gaf út fyrstu plötur Bjarkar sá breska höfundarréttarsambandið um innheimtu á höfundarlaunum hennar.  Í því tilfelli sá íslenska STEF einungis um að rukka höfundarlaun Bjarkar fyrir útvarpsspilun á músík hennar hérlendis og koma þeim til breska sambandsins.

  Síðan færði Björk innheimtuna alfarið til íslenska STEF.  Eftir það sjá útlendu höfundarréttarsamböndin um að senda til Íslands öll höfundarlaun Bjarkar hvar í heiminum sem útvarpsstöðvar spila lög hennar.  

  Á þessu er mikill munur.  Áður en Björk færði innheimtuna til STEF var hún að fá einhverja tugi þúsunda króna á ári í höfundarlaun fyrir útvarpsspilun hérlendis.  Sá peningur var síðan sendur til Englands.

  Í dag senda öll höfundarréttarsambönd heims höfundarlaun Bjarkar til íslenska STEF.  Samtals árlega einhverjir tugi milljóna króna. 

[Eggert Vébjörnsson (IP-tala skráð) 20.7.2010 kl. 10:48]

Ég bjóst satt að segja við einhverri kurteisislegri útskýringu á þessum óþverra munnsöfnuði frá Axel. En hún leit ekki dagsins ljos enda greinilega óforbetranlegur hrokagikkur þarna á ferðinni.

Svoleiðis menn eiga ekkert gott skilið og því best að segja það hreint út við þig Axel Jóhann að þú ert meira helvítis fíflið. 

[Axel Jóhann Hallgrímsson, 20.7.2010 kl. 11:50]

Ég held satt að segja Eggert að frekari útskýringar séu ekki líklegar til að breyta neinu um fastmótaða túlkun þína á mínum orðum.

Ekki reyna að segja mér að þú hafir aldrei heyrt um orðasambandið að gera eitthvað með öfugu rassgatinu og skiljir ekki merkingu þess.

En þú túlkar það á þann hátt sem best hentar þér, sem dónaskap og ómerkilegheit og í sjálfu sér ekkert við því að segja, en því fer þér ekki vel að tala um fífl. En vonandi fróar það þér.

Ég vona að þú eigir góðan dag.

[Axel Jóhann Hallgrímsson, 20.7.2010 kl. 12:32]

Því má bæta við Eggert, að sé bloggið þitt skoðað, færslur og ekki síður athugasemdir kemur í ljós að þér er einkar tamt að kalla fólk ónefnum, fífl, asna, fábjána, drullusokka, mannleysur og eymingja o.s.f.v., fyrir þá sök eina að hafa aðrar skoðanir en þessa einu sem þú viðurkennir.

Enn og aftur vona ég að þú eigir góðan dag.

[Bjöggi (IP-tala skráð) 20.7.2010 kl. 13:56]

Björk er með fullt af eingum skráðum á aflandseyjum, svona eins og bresku jómfrúareyjunum. Allt til að komast hjá því að borga háa skatta.

[Axel Jóhann Hallgrímsson, 20.7.2010 kl. 14:35]

Bjöggi, það er einmitt þessi meinti tvískinnungur sem ég er að gagnrýna. Að predika á hliðarlínunni og etja mönnum á foraðið án þess að ætla að vera að öðruleiti þátttakandi í leiknum.

Ég er ekki að gagnrýna skoðanir Bjarkar í þessu máli.

[Brynjar Jóhannsson, 20.7.2010 kl. 15:51]

Axel- Ef þú lest tilsvars Jens- þá sést glögglega að Björk hefur væntanlega borgað meiri skatt til íslenska ríkisins en þú kemur nokkurn tíman til með að gera. Auðvitað er eðlilegt að hún borgi einnig skatt í öðrum samfélögum - þar sem hún býr t.d í New York.

En ég veit ekki betur en það er gríðarlegur peningur sem raknar af hennar hendi inn til íslenskt samfélag.

En sleppum núna atyrðum. Hvað er að því að hún borgi skatt í öðru samfélagi en hérna ? Ég næ ekki alveg komseptinu hjá þér.

[Axel Jóhann Hallgrímsson, 20.7.2010 kl. 16:20]

Ég las svar Jens, Brynjar en það virðist þú ekki hafa gert. Jens fullyrðir ekkert um að tekjur Bjarkar séu skattlagðar hér á landi þó STEF innheimti þau. Sömu tekjur eru ekki skattlagðar bæði hér og Bretlandi, enginn léti það gerast og örugglega ekki Björk.

Ég hef ekkert við það að athuga þó Björk greiði sína skatta erlendis. Ég hélt að ég hefði skýrt hugsunina í #40. 

[Brynjar Jóhannsson, 20.7.2010 kl. 19:43]

Björk er að borga hlutfallslega miklu meiri pening til íslensk samfélags t.d með því að láta stef sjá um innheimta tekjur í sig . Hún á einnig húsnæði hérlendis og hefur unnið hér mörg verkefni. Slíkt er tekjuskapandi fyrir aðra en hana sjálfa.Það segir sig sjálft að þegar sá peningur er komin í íslenskt hagkerfi þá verður hann skattlagður fyrr eða síðar.

Meginn punkturinn er samt sá að þessi fullyrðing er rökleysa. Það á ekki að skipta neinu máli hvar hún borgar sinn skatt. Aðalmálið er að hér er verið að tala um - stórfyrirtæki séu að taka undir sig auðlindir okkar og hún Björk sem íslendingur hefur fullan rétt á að hafa skoðanir á því án þess að eiga hætt á því að einhverir afdalasveppir eins og þú - séuð uppnefna hana hræsnara.

Eða má ég ekki mótmæla Magma Energí og er ég hræsnari ef ég borgaði allan minn skatt til danska skattkerfisins ?

[Jens Guð, 20.7.2010 kl. 22:33]

  Ég tel afar ólíklegt að fullyrðing Bjögga (#39) sé rétt:  Að Björk sé með eignir skráðar á aflandseyjum.  Að óreyndu tel ég líklegast að hún borgi hérlendis skatt af höfundarlaunum en skráð fyrirtæki hennar í Englandi borgi skatta af plötusölu hennar á alþjóðamarkaði.  Ég skal ganga úr skugga um þetta í vikunni.  Bara svo ég sé ekki með ágiskun. 

  Til gamans vil ég nefna að fyrir nokkrum dögum kom út plata með færeyskum tónlistarmanni,  Jens Lisberg.  Þar krákar (cover song) hann lag eftir Freyðmóð Jóhannesson,  "Litli tónlistarmaðurinn",  sem hann "pikkaði upp" af plötu Bjarkar "Gling gló" og kallar "Mamma".  

  Þetta er dæmi um það hvernig Björk hefur kynnt íslenska músík utan Íslands.  Erfingjar Freymóðs njóta góðs af höfundargreiðslum.

  Jens Lisberg tekur þátt í færeyskri fjölskylduhátíð á Stokkseyri um verslunarmannahelgina ásamt Eivöru,  Högna Lisberg,  Kristjáni Blak,  Angeliku Nielsen og hátt í tveimur tugum færeyskra tónlistarmanna.  Það verður mikið fjör og mikið gaman á Stokkseyri um verslunarmannahelgina.

[Skeggi Skaftason, 20.7.2010 kl. 23:26]

Axel Jóhann:

Hvað borgar þú mikla skatta? Þurfum við ekki að fá að vita það, til að meta hvort skoðanir þínar séu gjaldgengar?

[Axel Jóhann Hallgrímsson, 21.7.2010 kl. 08:30]

Takk fyrir þetta Jens.

[Axel Jóhann Hallgrímsson, 21.7.2010 kl. 08:33]

Ég get frætt þig á því Skeggi að ég tel fram til skatts á Íslandi og hef gert árlega frá því ég var unglingur.

[Bjöggi (IP-tala skráð) 21.7.2010 kl. 13:46]

Ég veit fyrir víst að björk hefur tekið upp sumar plöturnar sínar í skattaskjólum og telur tekjur fram þar, allt til að forðast skattmann.

[Guðrún Sæmundsdóttir, 22.7.2010 kl. 10:42]

Björk er frábær, og er landi sínu til sóma. Ég vildi óska þess að hún gengi alla leið í baráttunni fyrir ísland og Íslenska náttúru og berðist gegn aðild að ESB. Við ESB andstæðingar þurfum að berjast gegn auðvaldinu sem dælir milljörðum í kosningaherferð sína og er svo ósvífið að láta okkur borga hluta af sínum áróðri!

[Notandi (IP-tala skráð) 26.7.2010 kl. 20:54]

Björk naut góðs af Íslenska kerfinu og Íslendingar studdu hana og það sem hún var að gera í gegnum allt. Um leið og hún eignaðist peninga og átti að fara að greiða til baka tók hún þá og fór til Bretlands. Mér finnst að hún ekki hafa atkvæðarétt. 

 Ég hef lesið andsvör hennar við þessu og það að hún hafi gert eitthvað fyrir Smekkleysu sem kostaði nánast uppgang sykurmolana finnst mér ekkert. Í erlendum fjölmiðlum hefur hún hljómað eins og Leoncie og kvartar yfir hálfgerðu einelti og áhugaleysi á sama tíma gagnvart sér á fyrri hluta ferils síns en ég var óvart ungur maður á þessum tíma og man hvernig hún birtist reglulega í öllum fjölmiðlum og var mjög vinsæl. 

 Það þegar mjóu bökin fara úr samfélaginu þegar þau fá breið bök er verra en skattsvik. Kárahnjúkar eru fyrir okkur sem verðum eftir með reikningin og þurfum að sjá fyrir þeim sem ekki eiga peninga til að komast í skattskjól. Magma er fyrir þá sem ekki eiga peninga til að halda auðlegðum þjóðarinnar í eigin eign vegna Icesave reikningsins sem þarf að borga félögum þínum þarna úti, hryðjuverkalög og hótanir þeim til prýði. 

 Björk elska þig og er stoltur af þér sem Íslendingur og hef keypt allt sem þú hefur gefið út. Haltu kjafti og borgaðu skattana þína.