Er nýja stjórnin tveggja flokka stjórn eða bara gamla sex flokka stjórnin í nýju fötum keisarans?

Jæja þá hefur Álfheiður Ingadóttir lokið örstuttu en rándýru stjórnunarnámskeiði  sínu og fallið með bauki og bramli.  Í stað hennar kemur Ögmundur karlinn Jónasson aftur í ríkisstjórnina, en hann gafst upp í fyrra, eins og kunnugt er, eftir stutta legu á ráðherrabekknum. Engum sögum fer þó af því að pólitískt heilsufar Ögmundar hafi braggast.

Hverju mun þetta breyta, sameinar þetta VG, mætir þessi fimm flokka þingflokkur til þings sameinaður og einhuga eftir þessa breytingu? Hafa Ögmundur, Atli, Ásmundur og Lilja litla Mó staðfest að þau muni ekki sinna eðlinu og hlaupa út undan sér við fyrsta tækifæri?

Þó Guðbjartur Hannesson sé góðra gjalda verður þykir mér illt að fórna Kristjáni Möller fyrir hann, hafi breytingin átt að vera til bóta.  Nær hefði verið að nýta tækifærið og fjarlægja dragbítinn Árna Pál Árnason.

Ég nenni ekki að eyða orðum á þá vitleysu að utanþingsráðherrarnir hverfi úr stjórninni, það er þyngra en tárum taki.

E.S. Takið þátt í skoðanakönnuninni hér til vinstri.

 

   

Tillaga um breytingar samþykkt

Athugasemdir

[Axel Þór Kolbeinsson, 2.9.2010 kl. 12:13]

Ég græt ekki Gylfa, en þykir missir af Rögnu.  Annars hef ég á tilfinningunni að þessar hrókeringar snúist mest um að róa "órólegu deildina".

[Axel Jóhann Hallgrímsson, 2.9.2010 kl. 12:16]

Þau meðul eru ekki til nafni, sem geta róað  "órólegudeildina."  

[Ásdís Sigurðardóttir, 2.9.2010 kl. 12:17]

 rólegir piltar :)

[Axel Jóhann Hallgrímsson, 2.9.2010 kl. 12:22]

Ég er að reyna Ásdís, er að reyna. Rakaði af mér hárið svo ég gæti ekki reytt það.

[Jón (IP-tala skráð) 2.9.2010 kl. 12:45]

úff hvað það hefði verið gott að losna við Árna Pál það er ekki hægt að hafa vitleysing í ráðherrastól. Rögnu hefðu þau átt að halda í en Möllerinn mátti líka víkja og reyndar margir fleiri.

það er því miður ekki nægjanlega margt að ganga upp hjá þessari ríkisstjórn og tími Jóhönnu er löngu liðinn!!!!

Það þarf alvöru endurnýjun í flokkunum og svo kosningar.  Þetta fólk sem hefur komist áfram útá það eitt að vera gott í ræðumennsku þarf að víkja fyrir fólki sem hefur bein í nefinu til að framkvæma. Ræðumennskuliðið gleymir sér alltaf í tuði og tali á kostnað framkvæmda.

[Sigurbjörg Eiríksdóttir, 2.9.2010 kl. 13:06]

Ég er alveg hissa á að Árni hafi ekki verið látinn taka pokann!