Slá ei á formannshendur

Miklar  vangaveltur og spekúlantasjónir hafa verið uppi, hver sé hugsanlegur arftaki Jóhönnu Sigurðardóttur sem formaður Samfylkingarinnar, þegar hún óhjákvæmilega leggur frá sér keflið, innan ekki langs tíma.

Þetta  skemmtilega „vandamál“ hefur valdið ómældum titringi og ókyrrð í ritstjórn Morgunblaðsins og  hússtjórn Valhallar, skeyti  hafa verið send manna á milli og stofnana Sjálfstæðisflokksins þvers og kruss um áhyggjuefnið , valdandi ótöldum andvökunóttum vítt og breitt um flokkinn.

Margir hafa verið nefndir til sögunnar sem erfðaefni, en fáir eru kostirnir góðir, eins og staðan er núna, það verður að viðurkennast. Árni Páll var margra vonarstjarna en hann hefur af eigin rammleik og hjálparlaust rutt þeim möguleika út af borðinu. Sömuleiðis verður Björgvin G. Sigurðsson sem margir litu til, ekki inni í myndinni hvernig sem Landsdómur fer. Svo verða femínistakerlingarnar,  allar með tölu, varla valkostur, í alvöru talað.

Svo eru menn á útleið eins og Kristján Möller og Össur ekki í kjöri, sama má segja um Ástu R. Jóhannesdóttur, Katrínu Júlíusdóttur og Ólínu Þorvarðardóttur (ekki í þetta sinn). Svo koma aðrir ekki til greina og ekki af annarri ástæðu en, af því bara.

Að öllum þessum frátöldum í þingflokknum stendur eftir aðeins eftir eitt nafn, Magnús Orri Schram, hvernig sem mönnum kann að þykja það við fyrstu sýn.

Á flokksþingi Alþýðuflokksins 1982, að mig minnir, fékk Jón Baldvin Hannibalsson 2 atkvæði  í formannskjöri, annað þeirra var mitt, tveim árum síðar var hann orðin formaður. Ég hef sömu tilfinningu núna gagnvart Magnúsi Orra og spái honum æðstu metorðum innan Samfylkingarinnar og því fyrr, því betra.

Magnús Orri var annar fulltrúi Samfylkingarinnar í „Atlanefndinni“ og nú verður Samfylkingin að passa sig að slá ekki á hendur hans, sem ég trúi að séu formannshendur. 

Skiptar skoðanir um ákærur

Athugasemdir

[Ingibjörg (IP-tala skráð) 28.9.2010 kl. 01:05]

Magnús Orri Scram er enginn framtíðarforingi fyrir Samfylkinguna. Því get ég lofað þér. Hálfur flokkurinn er óánægður með hann í þessu máli og hann er ekki að standa sig neitt sérstaklega vel á þingi.

[Axel Jóhann Hallgrímsson, 28.9.2010 kl. 01:14]

Hálfur flokkurinn er ekki með sjálfum sér í þessu máli og ég er ekki sammála þér Ingibjörg,  með frammistöðu hans á þingi. Geta þingmanna er ekki alltaf mælanleg í gegnum linsur fjölmiðlana.