Þessi regla,...

...sem enginn hér á landi hefur heyrt um, er sjálfsagt klassísk amerísk "staðreynd".

 

5 sekúndna reglan stenst ekki

Athugasemdir

[Þorsteinn H. (IP-tala skráð) 4.3.2011 kl. 22:18]

Um hvað ertu að tala maður, hef heyrt af þessari "reglu" síðan ég var krakki sem er kannski ekki svo langur tími. Nóg til þess að margir ættu að hafa heyrt af þessu

[Axel Jóhann Hallgrímsson, 4.3.2011 kl. 22:33]

Þú er þá að segja að þú hafir vanist því að éta upp af gólfinu Þorsteinn? Ég er gersamlega reynslulaus í þeim málum.

[Guðmundur Ólafsson (IP-tala skráð) 5.3.2011 kl. 02:24]

Nei, hann var að segja að hann hafi heyrt af 5 sekúndna reglunni. Hann talaði ekkert um hvort hann hefði vanist því að éta upp af gólfinu.

[Axel Jóhann Hallgrímsson, 5.3.2011 kl. 02:35]

Hverjir eru líklegir,  Guðmundur, að hafa heyrt eða vitað af þessari "reglu" aðrir en þeir sem lifðu eftir henni?

Ég geri fastlega ráð fyrir að ég hefði étið af gólfinu, hefðu foreldrar mínir  mælt svo fyrir. En þeir höfðu greinilega ekki heyrt af þessari reglu eða höfðu vit á að hafa hana að engu, þótt þröngt væri í búi, á tímum.

[Niður með bull! (IP-tala skráð) 5.3.2011 kl. 02:51]

Sæll. Ég er venjulegur Íslendingur, hef búið út um allt land og í næstum öllum hverfum Reykjavíkur, og ALDREI heyrt um þessa "reglu".

Það væri gaman að "blaðamennirnir" frá Morgunnblaðinu færu að vinna "vinnuna" sína í stað þess að éta gagnrýnislaust um "copy/paste" frá öðrum löndum um hjátrú og bábiljur þarlendis sem enginn þekkir hérlendis, og hefur því ekki áhuga á, nema kannski mannfræðinemar sem eiga þá alveg eins heimtingu á fréttum um ástand bábiljna í Nýju Guineu, eða hvað kunni að vera til í voodoo trú eður ei.

Hættið þessu lélega copy/paste kjaftæði. Mogginn er þó skárri en Baugsfjölmiðlarnir sem eru bara 100% copy/paste frá reuters og Amerískum sorpritum, en það munar of litlu :(

[Þorsteinn H. (IP-tala skráð) 5.3.2011 kl. 02:53]

Það að ég hafi vitað af þessari reglu þýðir ekki að ég hafi farið eftir henni. Man ekki hvar ég heyrði af þessu fyrst, líklegast frá vinum

[Nói (IP-tala skráð) 5.3.2011 kl. 02:55]

Mig grunar þessi Þorsteinn sé einhver blaðasnápurinn að reyna að breiða yfir asnastrik vinnufélaganna...Ég hef aldrei heyrt um þessa reglu, og veit ekki hvaða Amerísku kerlingablöð móðir Þorsteins les, en tel hann sé einfaldlega bara að rugla.

[Bergþór Heimir Þórðarson, 5.3.2011 kl. 09:54]

Sú staðreynd að það hafi ekki allir heyrt af einhverri "reglu" þýðir ekki að hún hafi ekki verið við lýði hér á landi.  Sömuleiðis skiptir engu hvaðan hún er upprunin hafi hún verið tekin til gagns annars staðar en á upprunasvæðinu.  Ég tek undir með Þorsteini að ég hef heyrt af þessari "reglu" mjög reglulega í ansi langan tíma aðalega sem tylliástæðu fyrir að henda ekki mat sem fallið hefur á gólfið. 

Hef meira að segja "notað" hana sjálfur.  Enda er ég ekki það ríkur að ég geti leyft mér að henda mat bara af því að hann hefur snert gólf í smástund. 

[Manni (IP-tala skráð) 5.3.2011 kl. 13:39]

Myndi telja að þessi "regla" væri vel þekkt hér á landi, alla vega meðal ungs fólks enda verið til umfjöllunar í fjölmörgum sjónvarpsþáttum og kvikmyndum. Ber fyrst að nefna kvikmyndina Osmoses Jones með Bil Murray, þá tóku gárungarnir í Mythbusters regluna fyrir auk þess sem hún hefur rædd í Grays Anatomy o.s.frv.

Hitt er annað mál, að vinnubrögð blaðamannsins verða að teljast undarleg í ljósi þess að þetta var ekki frétt í hefðbundnum skilningi, heldur Q&A í New York Times, eða spurningaþætti blaðsins svo allir haldi þræði. 

http://www.nytimes.com/2011/03/01/science/01qna.html

http://en.wikipedia.org/wiki/Five-second_rule

[Vendetta, 5.3.2011 kl. 13:51]

Í frétt mbl.is segir í lokin:

"Einnig var athugað hversu lengi bakteríurnar fyndust á gólfflötunum og reyndust þúsundir baktería á hverjum fersentímetra eftir sólahring og hundruðir eftir fjórar vikur."

Þannig fer augsýnilega bakteríunum fækkandi, þannig að eftir 3 mánuði ættu ekki að vera nema 1 - 2 bakteríu eftir. Þannig gæti orðið til 3ja mánaða regla: Ef matur liggur á gólfinu í meira en 3 mánuði, þá verða engar bakteríur eftir.

Eða kannski var þetta bara þýðingarvilla hjá fréttaritaranum.

[Manni (IP-tala skráð) 5.3.2011 kl. 14:08]

Í upprunalegu útgáfunni segir:

The amount transferred decreased over hours, but there were still thousands of the bacteria per square centimeter on the surfaces after 24 hours, and hundreds survived on the surfaces for as long as four weeks.

[Vendetta, 5.3.2011 kl. 15:29]

OK. Svo að þýðingin var rétt. Hins vegar hafa þessar upplýsingar enga tengingu við 5 sekúndna-regluna, heldur frekar hvað maður getur beðið lengi áður en maturinn dettur á gólfið.

Annars er það vitað, að hvort sem maturinn fær að liggja á gólfinu eða ekki, um leið og bakteríurnar eru komnar í matinn, þá mun þeim fjölga skv. veldisfalli (exponentially) þangað til annað hvort maturinn er búinn eða sjúklingurinn er annað hvort vel dauður eða læknaður með sýklalyfjum.

Annars er til lögmál (Murphys) um mat sem dettur á gólfið: Líkurnar fyrir því að brauðsneið sem dettur á gólfið lendi með smurðu hliðina niður er í beinu hlutfalli við hvað teppið kostaði. 

[Nói (IP-tala skráð) 5.3.2011 kl. 15:31]

Það kæmi mér ekkert á óvart ef Bergþór og Manni væru bara einhverjir blaðasnápar að breiða yfir "vinnu" félaga síns sem hefur jafnvel ekki dómgreind til að velja viðeigandi "copy/paste" í þessa einstaklega erfiðu "vinnu" sem blaðamennska er. Næst fyllast blöð hérlendis af fréttum um að skorti vísindaleg sönnunargögn fyrir gildi Vúdú siða, eða að engin vísindi staðfesti tilvist gyðjunnar Kali...eða hvað annað sem Íslendingar hafa lítið gagn af að vita.

[Manni (IP-tala skráð) 5.3.2011 kl. 16:43]

Varla ver ég viðkomandi með því að benda á uppruna hennar. Mér sýnist sem mbl gæti rétt eins farið að finna fréttir á Vísindavefnum.

Vildi bara benda á að fimm sekúndna reglan er ekki jafn ókunn hér á landi eins og  síðuhaldari og fylgismenn hans í athugasemdakerfinu vilja vera að láta.   

[Bergþór Heimir Þórðarson, 5.3.2011 kl. 20:11]

Áhugavert að sjá að allir sem eru ósammála Nóa hljóti að vera blaðasnápar að hylma yfir lélegum vinnubrögðum annarra blaðasnápa.  Segi það sama og Manni að ég var eingöngu að benda á að þessi "regla" væri vel þekkt þrátt fyrir að hvorki Nói né Axel hafi heyrt af henni áður.

Ég færi seint að verja vinnubrögð blaðamanna Moggans og þá sérstaklega ekki á mbl.is.  Þvert á móti eru vinnubrögðin þar fyrir neðan allar hellur, sem og reyndar á flestum vefmiðlum landsins.  Hef sterkan grun um að ritstjórar vefmiðla landsins telji prófarkalesara algjöran óþarfa, svona sem dæmi.

[Iris Björg (IP-tala skráð) 5.3.2011 kl. 21:20]

ég kannast mjög vel við þessa reglu og er uppvaxin úti á landi. Man ekki hvenær ég heyrði um hana fyrst en það er óralangt siðan. Alla vega yfir 10 ár. Og hef heyrt oft um hana síðan....

[Einar (IP-tala skráð) 5.3.2011 kl. 22:41]

Þú ert greinilega miðja alheimsins Axel. Því ef þú hefur ekki heyrt af reglunni þá augljóslega... HEFUR ÞAÐ ENGINN svo smánaru þig enn meira með því að segja að þeir sem viti af þessari reglu fari vitaskuld eftir henni....

Guðanna bænum ekki vera svona mikið barn.

[Axel Jóhann Hallgrímsson, 5.3.2011 kl. 23:01]

Einar, loksins kom einhver með viti, sem sá í gegnum barnalegt plottið.