Góðir strákar í slæmum félagsskap

Ég hef enga ástæðu til að rengja strákana í mótorhjólaklúbbnum MC Iceland, þegar þeir segjast vera góðir strákar og vilja engum illt.

En hitt skil ég ekki, af hverju góðir drengir leggja svo hart að sér að gerast meðlimir í „mótorhjóla“ samtökunum Hells Angels, sem hafa vægt til orða tekið, afar vafasamt orð á sér, hvar í heiminum sem þeir hafa drepið niður hjóli.

Brottvísun kemur ekki í veg fyrir fullgildingu

Athugasemdir

[Guðmundur Júlíusson, 4.3.2011 kl. 23:31]

Axel, er það kannski  vegna þess að þeir eru svo illa "upplýstir" um þessi samtök glæpa? kannski horfa þeir aldrei á heimsmálafréttir?

[Bergljót Gunnarsdóttir, 4.3.2011 kl. 23:37]

Þóttust ekki þeir sem settu landið á hausinn vera góðir strákar, þykist ekki ríkisstjórnin gott fólk? Þykjast ekki allir vera góðir, en það er eins og það sem fólk framkvæmir,  komi þessu góða hjartalagi bara ekkert við.

Þykjast þeir sem settu þjóðna á hausinn ekki ennþá vera góðir strákar og stelpur, á meðan þau leita að tækifærum til að stela meiru, ef það finnst þá einhversstaðar eitthvað til að svindla með og stela?.

Ég hef enga trú á að raunverulega góðir strákar, sækist eftir félagsskap annarra góðra stráka í Hells Angels. Mér finnst að þeir ættu virkilega að setjast niður, þega þeir hafa verið sendir hreppaflutningum heim aftur, og íhuga hvað það er að vera góður strákur í raun.

[Axel Jóhann Hallgrímsson, 4.3.2011 kl. 23:40]

Ég veit það ekki Guðmundur, satt best að segja!

[Axel Jóhann Hallgrímsson, 4.3.2011 kl. 23:54]

Þú hefur mikið til þíns máls Bergljót að allir þykist vera góðir strákar uns annað sannast.

Ég vann um tíma með núverandi formanni MC Iceland við stækkun flugstöðvar Leifs Eiríkssonar í Sandgerði (Keflavík). Mér líkaði vel við manninn af þeim kynnum sem ég hafði af honum og ekkert gat ég merkt í fari hans annað en hann væri vænsti drengur. En okkar kynni náðu auðvitað ekki út fyrir vinnuna.

Þessar vangaveltur mínar eru því settar fram bæði í gamni og alvöru.

[Jens Guð, 5.3.2011 kl. 00:29]

  Í markaðsfræðinni er þekkt sú sterka árátta fólks að tilheyra hópi.  Sjálfsímynd gengur út á að geta hugsað um sig sem "við".  Hluti af því er að sækja í hóp sem hefur yfir sér ævintýraljóma.  Þegar viðkomandi getur hugsað um sig sem hluta af hópi sem honum þykir merkilegur hefur hann stækkað sína ímynd inn í þennan ævintýraljóma.  Út á þetta ganga aðdáendaklúbbar poppstjarna og aðrir klúbbar (Frímúrarar,  Lions,  fótboltafélög o.s.frv.).  

  Auglýsingar gera út á þetta að verulegu leyti.  Þetta er skilgreint sem mannleg hegðun (= hjarðhegðun).  Þetta er jafnvel skilgreint sem grundvöllur þess að til sé samfélag.  Meira að segja trúarþörf er felld undir þessa áráttu.  Þetta er límið sem heldur samfélaginu saman.  

  Hitt er annað mál en skiptir þó máli í þessu samhengi að því veikari (lélegri) sem sjálfsímynd einstaklings er þeim mun meiri þörf hefur hann fyrir þvi að geta hugsað um sig sem "við".  Það fór fram mikil umræða og félagslegar rannsóknir á því á sínum tíma í Bretlandi þegar atvinnuleysi reis þar hæst á seinni hluta áttunda áratugarins.  Breski nasistaflokkurinn National Front fékk 120.000 atkvæði.  Nasistaflokkar fóru mikinn í ofsóknum gegn hörundsdökkum og lögreglan var nasistunum hliðholl.  Þá var gerð uppreisn gegn hipparokki sem var farið að draga dám af stemmningunni.  Eric Clapton,  David Bowie og fleiri poppstjörnur voru farnar að daðra við nasisma.  Bylting breskra pönkara kollvarpaði í uppreisn þessari þróun.  Pönkararnir hófu róttæka baráttu gegn nasisma.  The Clash,  Sex Pistols,  Sham 69,  X-Ray Spex,  Tom Robinson Band og allt það gengi fylkti sér undir merki "Rock Against Racism" og "Anti-Nazi League".  Skyndilega varð kúvending.  Það varð hallærislegt að vera nasisti.  National Front var nánast þurrkað út á örfáum árum.  Áhangendur nasisma skiptu um gír.  Urðu fótboltabullur í staðinn og fengu þar útrás fyrir áráttunni að tilheyra liði.     

[Axel Jóhann Hallgrímsson, 5.3.2011 kl. 00:38]

Takk fyrir þessa greiningu Jens. Ég er þeirrar skoðunar að það versta sem hægt sé að gera í baráttu gegn einhverju sem virkar "spennandi" sé að banna það. Það verður til þess eins að vekja áhuga á "stöffinu". 

[Jens Guð, 5.3.2011 kl. 01:14]

  Það er rétt hjá þér:  Þrátt fyrir allt sem við þekkjum um hjarðhegðun er sömuleiðis ríkt í öllum að þreifa á sjálfstæði.  Það er margsannað að barn sem býr við ströng uppeldisskilyrði um að ekki megi reykja eða drekka áfenga drykki sækir í að brjóta þær reglur sem lúta að því.  Þegar foreldri fellur í þá  gryfju að leyfa barni að drekka áfenga drykki þá sækir barnið í það næsta sem ekki má:  Önnur vímuefni.  Þetta hefur svo oft verið sannreynt að það er viðurkennt í öllum uppeldisfræðum sem staðreynd. 

[Jens Guð, 5.3.2011 kl. 01:17]

  Allt annað:  Nú erum við nokkur gömul skólasystkini frá Laugarvatni að hefja undirbúning endurfundar.  Hvernig líst þér á það?

[Axel Jóhann Hallgrímsson, 5.3.2011 kl. 01:30]

Mér líst afskaplega vel á hugmyndir um endurfundi þessa hóps, ég mæti ekki spurning. Lofaðu mér að fylgjast með, ef ég get orðið að liði.