Hver á peningana?

Þess er krafist af saksóknara að Baldur Guðlaugsson fyrrverandi ráðuneytisstjóri verði dæmdur til tveggja ára fangelsis fyrir innherjasvik og að „hagnaður“ hans  af sölu hlutabréfa hans í Landsbankanum rétt fyrir fall bankanna, samtals  192 milljónir verði gerðar upptækar.

Flest sem fyrir almenningsjónir hefur komið í þessu máli bendir til að Baldur sé sekari en andskotinn, og hafi á sviksamlegan hátt selt þriðja aðila hlutabréf sín í Landsbankanum, sem Baldur vissi manna best að væri að falla.

En halló, halló, halló, getur ríkið gert söluþýfið upptækt, dæmt durginn í tukthús en stungið þýfinu í ríkiskassann og sagt málinu sé þar með lokið?

Ef sannað þykir fyrir dómi að Baldur hafi með sviksamlegum hætti blekkt þriðja aðila til kaupanna, ber þeim aðila þá ekki bæði siðferðislega og réttarfarslega að fá svikin bætt og sína peninga til baka eða getur ríkið hirt peningana, rétt si svona og látið svikna kaupandann þannig borga sekt Baldurs?

Ég bara spyr!

Krefst tveggja ára fangelsis

Athugasemdir

[Kolbrún Hilmars, 14.3.2011 kl. 21:58]

Axel, ekki bara það, heldur hefur Skattmann líklega nú þegar tekið væna sneið af söluhagnaði bréfanna hans Baldurs.

Skattmann er þannig hannaður að hann tapar aldrei 

[Erla Magna Alexandersdóttir, 14.3.2011 kl. 23:24]

þegar Steingrímur er sáttur við ofurlaun Bankastj´ora því hann getur sett á þá ofurskatta- og þá alla sem þræla fyrir sínum launum líka - er líklegt að brengluð siðferðiskennd þessara stjórnenda her fari að skila ser í að við munum sitja í skuldafangelsi og ánauð það sem eftir er  og börn okkar lika.

[eyjaskeggi (IP-tala skráð) 15.3.2011 kl. 04:43]

Mér skilst að í USA ( og etv í fleiri löndum ) megi fólk í hans stöðu ekki eiga svona hlutabréf þannig að...  vantaði ekki svona álíka löggjöf hérna ?  200 millj  var það ekki verð á 2 góðum einbýlishúsum fyrir ca 4 árum ?  Er nokkuð óeðlilegt að maður reyni að bjarga því sem að maður er búinn að reyna að nurla, spá og spekúlera hálfa ævina að halda í ? En hvað ef hann hefur verið í einhverju félagi og fengið upplýsingar þaðan ?

[Axel Jóhann Hallgrímsson, 15.3.2011 kl. 08:25]

Það gildir einu Kolbrún hverjir stýra skattmann hann fær sitt en helsti munurinn á hægri og vinstri skattmann er hvort hann sækir skattana í gildari tekjendann eða þann grennri.

[Axel Jóhann Hallgrímsson, 15.3.2011 kl. 08:29]

Ég hélt Erla, að Steingrímur hefði einmitt sagst afar ósáttur við þessi ofurlaun og nefnt ofurskattana einmitt sem mótvægi í því sambandi.

[Axel Jóhann Hallgrímsson, 15.3.2011 kl. 08:35]

eyjaskeggi, tveir menn, sem ég man ekki nöfnin á í augnablikinu, sem voru í svipaðri stöðu og Baldur og bjuggu yfir sömu upplýsingum og hann, sögðu fyrir réttinum að þeir hefðu ekki talið sig geta selt sín hlutabréf í bönkunum, því það hefði verið klárt lögbrot. Baldur hinsvegar valdi aurinn umfram æruna, hvort það er eðlilegt eða ekki verður hver að meta fyrir sig.