-Ekki benda á mig, ég var vanbúinn-

Línurnar hafa verið lagðar. Kirkjan ætlar engu að breyta í sínum starfsháttum. Mjóróma yfirlýsing biskups að þetta muni ekki gerast aftur ásamt sýnishorni af iðrunarlausri afsökunarbeiðni hans er allt sem kirkjan hefur fram að færa, gott fólk.  

Lengra ætlar kirkjan ekki að ganga og að kirkjuþinginu loknu verður látið eins og þetta mál sé endanlega úr sögunni eða hafi jafnvel aldrei komið upp.

Biskup ber því miður ekki gæfu til þess að sjá að þetta mál er stærra en einn vanbúinn biskup. Biskupinn vanbúni segist ekki vera komin á kirkjuþingið til að ræða þessi mál! (??) Hann ætlar að sitja en málið skal víkja.

Amen!

Næsta mál, skál!

 

„Við vorum vanbúin“

Athugasemdir

[Anna Sigríður Guðmundsdóttir, 14.6.2011 kl. 12:53]

Kirkjuþing er orðið dómstóll götunnar.

Réttarhöldin skulu haldin í pólitískum svikafjölmiðlum þessa lands, sem koma í veg fyrir að almenningur í þessu landi sé upplýstur um hvað er að gerast í heiminum og á Íslandi!

Hættulegasta þöggunarvopnið eru svikulir ríkisfjölmiðlarnir!

Vilt þú að nýja dómskerfið á nýja Íslandi verði þannig, ef tekst að breyta því? Snýst umræðan um persónuna eða biskupsembættið, og starfsreglur þess? 

Fjölmiðlarnir svikulu eru ekki rétti vettvangurinn til að gera upp afbrotamálin, sem að sjálfsögðu eru gífurlega viðkvæm, og ég er síður en svo að gera lítið úr því, heldur ferlinu. Sá seki, Ólafur Skúlason, hefur fengið að deyja áður en kært var til lögreglu?

Ef einhver brýtur af sér, á að kæra hann til lögreglu og síðan halda réttarhöld yfir þeim dæmda til að komast að því hvort dæma skal viðkomandi sekan eða saklausan. Þetta dómaravald hefur kirkjuþing í dag? Er ekki eitthvað bogið við þetta ferli?

Eða hvað?

M.b.kv.

[Axel Jóhann Hallgrímsson, 14.6.2011 kl. 13:05]

Þetta mál er þá ímyndun ein, spunnið upp af einhverjum svikafjölmiðlum?

Það breytir engu Anna þó þetta mál hafi ekki farið farveginn gegnum lögreglu og dómsalina. Vandamálið er til staðar, kirkjan hefur misst andlitið og það endurheimtir hún ekki ef þeir sem stýrðu henni hingað, ætlað gera það áfram.

En góð tilraun hjá þér, kennum bara fjölmiðlunum um þetta. Hengjum boðbera illra frétta.

[Hallgrímur Þór Axelsson (IP-tala skráð) 14.6.2011 kl. 13:15]

Svona mál eiga af sjálfsögðu heima upp á borði hjá lögreglu, ég sé málið þannig að ef menn þegja yfir eða reyna að koma í veg fyrir að svona mál fari sinn rétta farveg séu samsekir og ættu að njóta refsingar ásamt þeim aðila sem fremur brotið.

Ég get ekki annað en velt fyrir mér þegar svona mál koma upp sem er ansi reglulega hvort það sé ekki löngu kominn tími á að slíta alla trúarsöfnuði hvaða nafni eða bók þeir tilheyra frá ríkisbókhaldi og láta þá standa á eigin fótum. Það eru ótrúlegir fjármunir sem fara í þetta og þeim væri sennilega betur varið annastaðar á þessum tíma.

[Ásdís Sigurðardóttir, 14.6.2011 kl. 13:26]

Hvað skal gera við trúna? þetta er ljót mál og því miður held ég að á meðan fólk eltist við trúarhópa og hlýðni við yfirboðara þá verði þetta áfram. Best er að trúa á sjálfan sig og sitt innra góða eðli (vonandi góða) ekki láta leiðast í blindni og ekki bera óttablandina virðingu fyrir kirkjunnar mönnum, það verður að hætta.

[Axel Jóhann Hallgrímsson, 14.6.2011 kl. 15:25]

Ég hef fyrir löngu sagt mig úr þessu apparati, en samt þarf ég að greiða í reksturinn á þessari hít.

Fullur aðskilnaður ríkis og kirkju er löngu tímabær, þá hættir þetta að koma mér við.

[doctore (IP-tala skráð) 14.6.2011 kl. 18:47]

Ég er löngu farin úr þessu fáránlega rugli, en maður sleppur aldrei.. þeir fá samt peninga frá mér.. helvískir.

Heyrði í presti á útvarpi sögu um daginn, hún hreinlega hótaði landi og þjóð, að við ættu sko að borga fyrir þær jarðir sem kirkjan hefur stolið í gegnum aldirnar.. mar bara hugsaði: Fokking bitach sem þetta er; En svona eru kirkjur, þær munu vinna með einræðisherrum, þær gera hvað sem er til að viðhalda sjálfum sér, hvað sem er.

[Axel Jóhann Hallgrímsson, 14.6.2011 kl. 20:19]

Við megum ekki láta eins og ekkert gott eigi uppruna sinn í kirkjunni doctore þó við aðhyllumst ekki kenningarnar sem slíkar. Það er sama nokk hvaðan gott kemur og við eigum að meðtaka það góða, sama hver leggur það til.

Kirkjunnar menn hafa eyðilagt margt það góða sem kirkjan hefur fram að færa með því að neita að horfast í augu við mistök sín og kirkjunnar og með tilraunum til að breiða yfir þau.

Við megum ekki gerast sek um það sama með því að þykjast ekki sjá það jákvæða, þó við kyngjum ekki boðskapnum.